جروووووح مضرا قضيتي الغراض في السفااارة
إوا الالا يلا سليتي طلي علينا.
وجيبي معااااااااااااااك أم هبة راه واقيلا كتسنى شي وحدة فينا تمشي لعندها
وتجيبها وهي كتموت عليك ويلا مشيتي ليها غادي تجي معاااااااااااااااااااك.
يلااااااااه انا هنا كنتسناكم.
باااااااقي البناااااااااااااااااااااات فينكم؟؟؟؟؟؟؟؟؟

السلام عليكم ألبنوتات

كيف عاملات في حالتكم و نفسيتكم و صحيحتكم يا رب تكونوا دايما بخير يا ربي

نشكر كل من سأل عني انا الحمد لله بخير

ام زينب لعقبا ان شاء الله يكون ولدك بين ايديك سليم و معافى و تفرحي به و باولاده يا ربي

ام هبة ربي يفرج همك و يشافيك و يفرح قلبك

راكيل ربي يشافيك شوفي اختي راه كلنا فنفس المركب فوجي على راسك شوية ما تخليش الموضوع يأثر على حياتك بالسلب كوني مؤمنة راه كلنا كتجينا حالات ضعف لكن كنجاولو نشجعو نفسنا و نكون اقوى ربي يقوي ايمانا جميعا يا رب
ماشي كنقول لك هد الكلام اني قوية ابدا كلنا ضعفاء و انا من يوم ما اجهضت تعبت بزاف لانه راجلي كان مصدوم و دخل في حالة اكتئاب شديدة يدخل الدار و يخرج ما كيتكلم غير كلام قليل جدا كنت خايفة عليه و خايفة على حياتي معه لانه استسلم

جروح ربي ييسر لك امورك و تجح عمليتك و نباركو لك بالحمل السليم يا ربي لانك تستاهلي كل خير قلبك كبير و طيبة جدا و ربي عمره ما ينساك
" بغيت نقول لك كلمة يا ريت تعطيني لقب غير جروح نبقى ناديك به ملي كنكتب اسم جروح كنحس بالخوف ما ضحكيش علي او تقلقي مني لكن انت اكبر من ان تسمي راسك بجروح عذرا مرة اخرى و تقبليها مني بصدر رحب كيفما تعودناك"



حبيبة يا طيبة ربي يسهل عليك و يفرح قلبك يا ربي حاولي تدير يمحاولة للعلاج ما تبقاي طالسة ربي يفرح قلبك يا ربي

ام هبة لينا ربي يخليك لك بنتك و يخاويها يا ربي ربي يفرج همك و يفك كربتك يا ربي

باقي البنات لي ما ذكرت اسمهم يسمحوا ليا مرة اخرى
راكم كلكم في القلب

ربي لا تذرنر فردا و انت خير الوارثين

أهلا بعمرانية الحمد لله اننا طمنا عليك ربي يصبرك ويصبر راجلك ويعوضكم في القريب العاجل ياااارب.
انا أختي راه زعما بديت في العلاااج وتبعت كلام جروح ماشي الطبيب وكناخذ دبا ديان 35 باش تنزل الدورة ومن بعد غادي نعاود تحليلة اف اس اش وياربي خير ان شاء الله وخا الطبيب لي مشيتو عندو ماشي حتى لهيه ولكن الله غالب هذا زعما راه أحسن طبيب في المدينة
يلا شفتي بحالاش كيدوز يبقاو فيك العيالات وانا منهم طبعااا هههههههههههههه
سمعي الالا الفرملية كدخلك لواحد الغرفة غير شوفتها كتخلع ماشي الفرملية الغرفة هههههههههههههههه
وكتقولك حيدي حوايجك وكتنعسي فوق واحد البياص وكتهز ليك رجليك فوق واحد الحديدات بحال يلا غادي يجزروك ماشي يدوزو ليك
انا قلت للفرملية مبغيتش نتقلب قالت لي يلا مبغيتيش الطبيب أصلا مغاديش تشوفيه يعني داير التقلاب شرط أساسي المهم رضخت للأمر الواق نظرااااا لبزاف الظروووووووووف لاداعي لذكرها ولكن كون عليا كون خرجت كنجري المهم اختك علقت رجليها وبقات كتسنى
شحال عاد جا الطبيب وانا قلبي كيضرب بأقصى سرعة المهم جا وسولني شي اسئلة وقلبني:35:وعلى شوهتي
ومشا دخل لغرفة أخرى وجات الفرملية قالت لي لبسي حوايجك ومشفتيش الطبيب فاش كيقلب كل شوي كنقوليه صافي ههههه كيقولي باقي :mad: المهم انا باقي كلبس حوايجي دخلوا علي المرا لي من بعدي بلا استأذان شفتي إحترام حقوق الغير كيدايرة عندنا احنا العرب؟ المهم انا كنلبس والمرأة كتسول فيا طلعلي الدم إوا الالا ملي لبست صاقتي الفرملية قدامها للغرفة لي دخل ليها الطبيب وداتني عند السونار وقالت لي عاوتاني حيدي حوايجك
حسيت بأنني في اليوم العالمي لتحايد الحوايج .قلت ليع عاوتاني قالت لي ضروري وفي هذا الأثناء الطبيب كيصيفط في المرأة لي قبل مني.يعني كيدخل يقلب وحدة وكيجي لعند وحدة باش يصيفطها ووحدة كتسنى عند السونار والسونار والتصيفيط في غرفة وحدة واقيلا غير حشم واما يدير حتى التقلاب معاهم والي مايشتري يتفرج كما كيقولوا المصريين :mad: شفتي كاين شي شوووووهة أكثر من هاذي غير الله يغنينا وخلاااااااص وفي اخر المطاف مقلت دوك 2 كليمات لي وراتني جروح غير بزز السيد بزز سمعلي وجريت جر لداكشي لي قالت لي جروح يعني في الاخر لي قالت جروح بالضبط هو لي كاين وماكان لاش نمشي لعندو نتبع غير مع جروووووح كما قالي راجلي قالي تبعي غير مع صاحبتك هي أحسن من الطبيب.
إوا كيجاك هادشي إوا الالا ارا متخرجي في عينيك باش تقراي هاذ الجريدة ولكن أنا راه مظلمتكش انتي لي جبدتيني وانا لي جبدني يلقاني ومع اختك فيهااااا بزااااااااف الهدرة خاصها غير لي يجر ليها لسانهااااااااااااا.
ربي لاتذرني فردا وانت خير الوارثين.

http://www.rekza.com/smartmedia+folder.categoryid+8+folderid+238.htm

البناااات انا غادي نفرحكم ولكن خلصوني
هنا حلقاااات سالي يلاااه الحلقة الثالثة يلا بغيتووو
تبعوووووووه انا بعدا غادي نتبعهااااااا ان شاء الله.

أم هبة باقي مهدااااك الله تدخلي؟؟؟؟؟؟؟؟؟؟
أم زينب فين غبرتي؟؟؟؟؟؟؟
جروووووووووح فينك؟؟؟؟؟؟؟؟؟؟؟؟
نورس أش خبارك؟؟؟؟
اما واحد وفااااء غبراااااااااااات بمرة يارب يكووون خير ودخل طمنا عليهااااا

البناااااااااااات الباقياااااات دخلوا نتوانسو مع بعضياتناااااااااااااا