جروووووح انا بعد شادة العكس مع البنااات انا عاجباني سميتك ومغاديش نبدلها يلااااااااه ههههههههههه
انا حتى راجلي يلا بغيت نقولوا شي حاجة كنقولوا جروح ماشي سميتك هههههههههههه.
أولا ازين بالصحة والراحة الدووووووووش ويارب تيسر ليك أمورك يااااااارب وأبشري أزين كما كتقولي انتي
بالحمل وان شاء الرحمان التوأم ان شاء الله وتفرحي وتفرحينا معاااك ياااااارب.يلااااااه ازين نتسناوك بالليل
ملي سالي ان شاء الله تدخلي تعاودي علينا الأخباااااار هذا يلاما عييتي ونعستي المهم احنا هنا كنتسناوك.

م هبة كتبت لي جريدة وطارت
المهم دبا دخل راجلي حتى نغديه ونرجع نعاود نكتب
أستودعكم الله الذي لا تضيع ودائعه

السلام عليكم ورحمة الله تعالى وبركاته

اخباركم اخواتي ان شاء الله انكم بخير يارب

ها انا جيت باش نحكي ليكم اخباري واخى تعبانة نهار ومطال وانا خارجة من دار من بلاصة لبلاصة
الله يستر اذا كثرث المشاغل تكثر في مرة واحدة الله يسهل امور يارب

المهم مشيت اليوم صباح باش ندير تحايل ديال هرمونات واحنا في الطريق قلت راجلي كون متأكد غادي يكون
هرمون الحليب مرتفع وهو يوقلي باركة من فلسفة ديالك هاذ المجال ديال اطفال انابيب ماعندك بيه خبرة
ايوا تحديتو وفلعشية كي خرجت نتيجة ضحكت حتى شبعت
حيث هو الوحيد المرتفع وانا كنت متأكدة منها المهم سكت و مابقى يزيد يعلق عليا
اصلا الطبيب الله يهديه قلت ليه خليني ما نقطع حبوب ديال هرمون الحليب قبل ما نبداي في الابر تحضيرية
قالي لا راه مستواه دابا مزيان ماغادي يزيد يرتفع وهاهو ارتفع ثاني
المهم طبيب وصف لي حبوب ديال هرمون الحليب وكتب لي على 20 ابرة تنشيط الله يستر من فرط تنشيط وصافي
ناخذ يوميا زوج ابر لمدة اسبوع ونمشي ندير سونار مهبلي باش نتابعو التبويض
والله يعيطنا خيرها ويكفينا شرها يارب الابرة الواحدة فقط سعرها فوق 500 درهم تصدمت صراحة منها
كنت متوقعة ابر نوع اخر ولكن ان شاء الله ربي يكتب لي بيها الحمل الثابث السليم يارب
واليوم ايضا راجلي دار تحليل جديد ديال السائل منوي والحمد لله مزيان اللهم لك الحمد والشكر

الحاجة الي ملاحظتها فيا هو صدري منفوع خالعني الله يستر طبعا تاثير الهرمونات وايضا هرمون الحليب مرتفع
وايضا الدورة الله يكرمك خفيفة بزااف يمكن من الابر تحضيرية

ايوا هاذي اخباري واذا ساليت صورت ليكم الثلاجة تضحكو شوية عليا انا وكثرة الابر الله يستر
وان شاء الله غادي نزيد نزعم ونضرب حتى الابر ديال تنشيط في الدار ماعندي خاطر لكثرة مشاوير للمستشفيات
باركة علينا غير مواعيد مع الطبيب والانتظار

تعرفوا اخواتي كي دخلت عيادات العقم والله الواحد تهون عليه حالتو ويحمد ربه ويشكره
خاصة ملي كتكون العيادة خاصة بالعقم وكل الموجود فيها جاي يدير اطفال انابيب
حيث كتشوفي حالات اكثر صعوبة منك وايضا ملي كتشوفي عدد الازواج المنتظرين
كتحسي بانك ماشي بوحدك في الازمة ربي يفرح قلوبنا جميعا يارب

ايوا عذروني نمشي نرتاح ونتعشى ونحط راسي شوية اذا فقت راني نرجع نرد
او حتى الصباح ان شاء الله
راسي ضارني من كثرة دوران الله يسهل امور الجميع يارب

آه نسيت سولتوني اذا سافرت في اي مطار غادي ننزل اذا كتب ربي
غادي تكون طيارتي جدة الدارالبيضاء مطار محمد الخامس توصل ستة ديال الصباح ونظل نهار في المطار
او ننزل فندق في المدينة ونركب العشية للعيون مطار الحسن الثاني ماعرفت باقي توقيت غالبا اما الستة ديال العشية
او الثمنية والله يسهل امور يارب
باقي ما اكدت الحجز ديالي غير سولت على السعر وصافي ومعلومات حتى نأكد الحجز ونخبركم
ان شاء الله