جروح الوداع
جروح الوداع
ام هبة لينا الله يعوض صبرك خير اختي وربي يحفظك على الدعاء لك بالمثل ان شاء الله
وسمحيلي اذا ازعجتك بالتوضيح بخصوص التلقيح الصناعي حيث انا وليت العكس ديالك ههههههه
من كثرة تعاملي هنا مع المصطلحات باللغة العربية نسيت الفرنسية هههههههههه
بالنسبة للسفر ديالي اختي انا توكلت على الله واستودعت نفسي الله عز وجل والي فيها الخير الله يكتب لي
انا اختي تعبت من غربة راني قريب 5 سنين ما شفت اهلي وما زاروني وما نكذب عليك مشتاقة ليهم بزاااف
وايضا عندي الاخ الصغير ديالي باغي يتزوج وكل عام تيأجل على جالي وانا ما صدقت درت تصحيح الاسم
وطلعت اوراق جداد باش نقدر نسافر
انا عارفة راحة مطلوبة والتعب مرفوض ولكن اختي انا تنعاني من اجهاض متكرر بسبب توقف النبض
وكل المرات السابقة في الحمل ديالي كنت ملتزمة الراحة تامة حتى الاكل تيجيبو راجلي من المطاعم
وكنت ناخذ ابر الثثبيث ورغم ذلك ما كان يحصل نزيف وتندير سونار ونلقى النبض يتوقف
داكشي علاش فوضت امري لله عز وجل اذا كتب لي حمل ولي فيه نصيب غادي يثبث بقدرة الواحد الأحد
واذا مالي فيه نصيب اكيد ربي ارحم بي من نفسي والي فيه الخير الله يسهل فيه ان شاء الله
جروح الوداع
جروح الوداع
غادي نستأذن منكم دابا نمشي نحط راسي شوية
باش نوض ندوش ونمشي موعد ديالي

ملي نرجع نكمل الردود ونعطيكم مستجداتي ان شاء الله
RAJIAT RAHMAT LAH
RAJIAT RAHMAT LAH
هههههههه راجية قتلتيني بالضحك حتى راجلي قلتها ليه مات علي بالضحك زوينة هاذ بويضات بلديين ايوا الله يطرح فيهم البركة يارب يالنسبة لتحاليلك اختي بسم الله ماشاء الله ولا حول ولا قوة الا بالله ممتازين الله يبارك لك فيهم يارب ويدوم عليك نعمه انه على كل شئ قدير غريب جدا انك ما تجاوبتي مع التنشيط في محاولتك السابقة الله يرزقك بالحمل الطبيعي الثابث السليم يارب انا تنشوف انك تديري تحليل بروجسترون في اليوم 21 من دورة وطبعا ما تكوني مستعملة حتى منشطات باش تشوفي قوة التبويض عندك ويرتاح بالك وتنفضل ايضا انك تديري تحليل الغذة tsh مبدئيا حيث هو معاه زوج تحاليل اخرين T4 / T3 ولكن ديري الاول tsh واذا فيه مشكل عاد ديري اخرين واي اتفسار اختي انا تحت امرك واذا مافيها ثقل عليك ياريت تذكري بشحال درتي تحليل amh وفين درتيه باش تستافد منه اختنا حبيبة حيث كانت تسول عليه والله يسهل امورك يارب
هههههههه راجية قتلتيني بالضحك حتى راجلي قلتها ليه مات علي بالضحك زوينة هاذ بويضات بلديين ايوا...
ربي يخليك لينا الزين راك ديما مهتمة بالاخوات بالنسبة اختي التحليلة ديال amh درتها مع التحاليل الاخرى يعني حسبوا ليا 1560.00 هاد الثمن راه ناقصة منو 10% يعني على حساب اني كليانة قديمة (ancienne combatante hhahah) و بالنسبة للتحليلة لي قلتي لي نعمل ديال ت س ش في اي وقت ممكن لي نديرها من الدورة
والله يدوم اطلالاتك الزوينة علينا وتفرحي في القريب العاجل يارب
OMZAYNAB
OMZAYNAB
السلام عليكم ورحمة الله وبركاته جميعا

اختي فروحة اله يفرحك ويسرك لك الحمل الثابت السليم يااااااااااااااااااااارب
اصبحت متفائلة
جروووح مجاوبتينيش بخصوص حبوب التنشيط واش ناكلها ولالا؟؟؟
كنفكر نعمل حتى التحليلة ديال الغدة الدرقية وبغيت نعرف امتى يمكن لي نديرها
يعني نفس سؤال راجية حيث الأعراااض ديالهاااا تقريبا عندي مؤخرااا راه قلتها لكم شحااال من مرة
وليت مكنقدرش نشقا في داري وكنحس بالعيا لأبسط مجهود وانا مكنتش هكا من قبل داكشي علااش
لازمني نديرها باش نتأكد.
جروح حبيبتي ربي يكفيك شر الاجهاااض يااارب وانتي وكلت أمرك لله وأكيد هو أحن واحد عليك ومغادي يكون من أمرك
غير كل خير ليك ان شاء الله.