اللهم أني أسألك يا ارحم الراحمين يا ارحم الراحمين يا ارحم الراحمين بأن لك الحمد لاأله إلاأنت المنان بديع
السموات والأرض يااا ذاالجلال والإكرام ياحي ياقيوم ان
ترزقـــــــــــني أنا وأخواتي بالحمل الثاااابت التام 9 اشهر
واقر اعيننا بذرية صالحة باره
وصلى اللهم على أشرف الخلق سيد المرسلين محمد
صلى الله عليه وسلم وعلى أهله وصحبه أجمعين


( لا إله إلا أنت سبحانك إني كنت من الظالمين ).
( لا إله إلا أنت سبحانك إني كنت من الظالمين ).

"حسبي الله لااله الا هوعليه توكلت وهو رب العرش العظيم
"حسبي الله لااله الا هوعليه توكلت وهو رب العرش العظيم
"حسبي الله لااله الا هوعليه توكلت وهو رب العرش العظيم

رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
رَبّ إِنِّي لِمَا أَنْزَلْت إِلَيَّ مِنْ خَيْر فَقِير }

ربي لا تذرني فردا وأنت خير الوارثين
ربي لا تذرني فردا وأنت خير الوارثين
ربي لا تذرني فردا وأنت خير الوارثين

أستغفر الله العلي العظيم التواب الرحيم لذنبي وللمسلمين والمسلمات والمؤمنين والمؤمنات الأحياء منهم والأموات الى يوم الدين

السلام عليكم ورحمة الله تعالى وبركاته

اول حاجة خلوني نسلم على احتنا سحابة صيف ونرحب بيها حيث من زمان ما عرفنا اخبارها
والحمد لله الي تطمنا عليها ويارب يشفيك اختي ويعافيك ويعطيك الصحة والمعافاة الدائمة يارب
وما تيأسي من رحمة الله عز وجل قادر يرزقك ويفرح قلبك يارب ومدام كان الامل فالحياة مستمرة بإذن الله
سمحيلي مارديت عليك من قبل كنت مشغولة مع العملية والمواعيد الله يكتب لنا جميعا الي فيه الخير يارب

نجي لاخباري سمحولي ما قدرت ندخل البارح حيث كنت تعبانة بزااااااااااف فوق ما كنت متصورة او متوقعة
سبحان الله يمكن انا وزوج اخوات (( اختكم فيها الهدرة بزااف تعرفت على اغلب الاخوات الي عندهم السحب معاها هههههه))
الي تاخرنا في الخروج من مستشفى حتى بعد صلاة العشاء
اما البقية بسم الله وماشاء الله ولا حول ولا قوة الا بالله خرجو قبل صلاة العصر الله يبارك لهم في صحتهم يارب

انا صح ما كنت نصرخ ولكن ربي عالم الم الم الم فضييييييييع من بعد العملية ما قدرت نتحمله
واحدة من اخوات كانت مثلي صابرة اما اخرى ملي كنا باقي في غرفة افاقة مسكينة صوتها واصل لاخر مستشفى
من بعد عرفت اخبارهم ملي كنت خارجة مريت عليهم وتكلمت شوية معاهم

والله يا اخواتي حتى ابرة ديال الالم ما خفت عليا الالم ، ملي جا عندي طبيب كلمتو على الألم قالي دابا نكتب لك ابرة
قالت له اممرضة راه عطيناها ليها ملي خرجت من العملية واستغرب كيفاش باقي تنتألم قالي ما نقدر نزيدك
اصلا هي اقوى حاجة المهم صبرت واستحملت وانا والله كل حركة نديرها نحس بوجع غادي يقتلني جهة المبايض وتحت السرة
والاخت الي كانت معايا بالغرفة ماشاء الله فتبارك الله ما استعملت ولا ابرة وخرجت بكري الله يسهل امورها يارب
والله درجة شكيت في راسي معقولة نكون انا ما عندي ذرة صبر على الألم ولكن والله حتى ملي درت عملية تنظيف ابدا ماحسيت
بالالم الي حسيت بيه البارح الله يجعلها مغفرة للذنوب يارب
خرجت على صلاة العشاء غير تنجر رجلي وصافي وفي سيارة اي حفرة او اي اهتزاز تنحس بيه في الرحم ديالي

المهم اليوم شوية نقص الوجع ولكن باقي تنحس فيه وما تنقدر نمشي براحتي لازم ماسكة كرشي الله يلطف بينا يارب
كنتوقع السبب هو غادي يكون السبب عندي ان المبيض ديالي اصلا حساس وفيه تكيسات واكيد مع كثرة تنشيط الي خذيت
حصل له تضخم وربما هاذا سبب احساسي بالالم الزايد لان زوج الاخوات الي كلمتكم عليهم وحدة حتى هي عندها تكيس مبايض والاخرى عندي البطانة المهاجرة والله اعلم غير مجرد توقع وصافي

الله يكتب لينا الي فيها الخير ان شاء الله ولا يضيع تعب يارب والله يوفقني يارب لنجاح عمليتي ان شاء الله
بقية الاخواتي سمحولي مارديت راني تعبانة شوية غير ما حبيت نخليكم مشطونين علي

فروحة الحمد لله طمنتينا عليك ربي يجعل ما مريتي به مغفرة لدنوبك و يجعل صبرك في ميزان حسناتك

انا متفقة معك كتحسب الالم و الطياب فكرشك
انا شخصيا كنحس بالطياب شوية لكن ما شي لدرجة الغوات و ما كانوش كيعطيوني ابدا شي ابرة تخفف الالم لاني كنت كنكون عادية كنحس بألم لي تصبري عليه يعني محتمل
سبحان الله ملي قلت كاينة سيدة معكم كتغوت استغربت ربي يخفف عنها

فروحة ربي يكمل لك بالخير يا ربي و تتلقح بويضاتك و ييسر لك ربي و يرزقك بالحمل السليم التام الثابت يا ارحم الراحيمن



فرفوشة أمين يا اختي لدعواتك ربي يستجب و يتقبلها منك و ما رحرم اي اخت مسلمة من نعمة الامومة
ربي يفرحك و يفك كربتك و يفرج همك و تبشرينا عن قريبا يااااااااااااااارب

سمحولي على هاد الغبرة .........وشكرا لكل من سول علي .......

واحد اليومين الي دازو مكنتش فصحتي هي هاديك.....لاني اول مرة نخرج مشيت لدار عكوزتي وبت عندهم واليوم التالي تمشيت انا وراجلي مسافة قليلة وهو يشدني لحريق ديال الظهر قطعني....وملي جيت لدارنا قالت لي امي هاد الحريق ديال الوالدة ملي تتبغي تحل ........المهم موراه جاني شي الم وهو يرجع لي الخوف من الاجهاض الي بديت تنساه....لدرجة مقدرت نقول حثى لواحد مخاوفي الا راجلي فتليفون وغي بتلميح ......المهم حسيت بيها صعيبة والحمد لله دابة مزيان