البنات كاملين الله يسهل لينا جميعا في هذه الأيام المباركة آآآمين

لينا الحنونة الله يعوض صبرك خير و يرزقك ربي بالذرية الصالحة... كلنا أخوات الحمد لله و حاسين بيك و ألمنا مشترك.

قبل ما ندخل المنتدى اللي كانت عن طريق الصدفة..كنت تندخل نجمع مع شئ أمريكيات على نفس موضوعنا

تأخر الإنجاب و الله لأعصابهم باردة و أحاسيسهم مجمدة بحال الثلج...المهم دخلت المنتدى هذا وأنا نكتشف

أن أخواتاتي المغربيات مجمعات و أنا ندق عليهم عرفتوا شكون لقيت لالا متفائلة الغزالة:27:حاطة الصينية و كتسنى و من خلال كلامها حسيت أني كنعرفها من مدة..و في نفس الوقت طلت علي جرووووح,رغم آنشغالها مع الطبيب رحبت بي و حسيت أني في داري و آستأذنات تمشي تضرب آبرة و تجي...الله يعوض صبرها خير آمين

شوية و هي تجي دلوعة الدار عرفتوا شكون أم هبة...جات عيانة مسكينة ربي يعونها و قالت لينا نعس شوية و نرجع...نتحتت غير خليو لي أتاي

من بعد و هي تدخل علينا جارة متفائلة رااااااجية رحمة الله و الله حتى إسمها تيدعي للتفائل الله يسهل أمورها

إيوا و هي تجي بعمرانية الغزالة حنينة ياربي تعوضها خير وجميع خواتي في هذه الدار جلست معنا شوية و قالت لينا أناغنسافر و نجي

مازا ل ماكملت

هنا رجعت....إيوا عاد التاحقوا بنا أخواتنا الحوامل اأم زينب و وفاء الله يسر ولادتهم يارب وختيغبروا معليش

لأنهم معذورات مايقدروش يطولوا الجلسة معنا الله يهون عليهم

و انضمت لينا سحابة كنسلم عليها الله يشفيها و يبشرها ربي بالذرية الصالحة

و أخيرا ليس بآخر جات عندنا لينا الحنونة الله يفرحها بشوفت أولادها


قولوا لي كاين شي بيت أحن من هذا ..كيجمعنا هم واحد و آماني واحدة و هدف واحد

اللهم يارب يسر أمورنا و آغفر ذنوبنا و آرزقنا الذرية الصالحة وصلى الله على سيدنا محمد و على آله أجمعين

om hiba lina rah klamak howa li rezal lah yefarehak be choufat akh aw okhet le bantak rabi yahefadeha lik men kol char o alf marheba hena fi had rokn akhawat fi kol chay fi lebetilaa o fi le islam
rabi yajemaana aala taaato o yafarhana ajemaiiin
farouha finak bacherina lah yasaweb ayamak we yefarahek rabi men haito la tahtasibi

صباح الخير عليكم حباباتي

جروووح دخلي قولينا اشنو الجديد راه كنتسناوك

أم هبة لينا باقي عاقلة على كلشي التفاصيل تبارك الله
عليك اختي .شكرا على كلامك الطيب في حقي لهلا يحرمنا من الضحك وان شاء الله غادي نفرحوا فرحتنا الكبيرة وغادي يحن علينا ربي ويرزقنا الذرية الصالحة يااااارب.
راجية ربي يبارك فيك ازين ديالي وجارتي ويفرح قلبك عما قريب.
باقي البناااااات فينكم بانوا وطلوا علينا شوفونا واش احنا لبااس وقولوا لينا واش انتوما لبااااس هههههه.
ربي لاتذرنا فرداااااا وانت خير الوارثين.
ام هبة خليي على ديك الكونيكسيون ديالك انا نوريها شغلها ههههه

متفائلة...راجية....والبنات كاملين ربي يحفضكم من كل سوء

جروووح....طلي علينا و قولي آش أخبارك راقلوبنا معاك كاملين.إن شاء الله تكون أمورك مزيانة


البنات دارنا بدات كتعمر يعني حاولنا نقتصدوا ماقدرناش....لكن ماتخافوش,أختنا جرووووح الحبيبة غتشري لنا
دار جديدة كتتوفر على جميع متطلباتنا

يارب تكون كبيرة و مشمشة و تسعنا و تسع أولادنا اللي جايين بإذن الله


شفوا إذا جروح غتشري الدار... يلا حنا تشاركو في حولي,ونعيدوا في دارنا الجديدة هههههه

متفائلة ماتخافيش حقك نديروه ليك كفتة ههههههه...يلا وجدوا راسكم:cook: