واحد السلام عليكم البنات كيف دايرين لباس عليكم اش تتعاودو سمحولي انا غايبة ماتتكونش عندي فرصة ندخل ومنين تندخل تيتلف لي التجمع ونبقا نقلب كيف الحمقة الله يستر وصافي

السلام عليكم ورحمة الله تعالى وبركاته

اخباركم اخواتي يارب تكونو بالف صحة وعافية سواء الاخوات الحاضرات أو حتى الغايبات

اول حاجة شكرا على كل من سول فيا وافتقدني ربي يخليكم وما يحرمني منكم يارب

وقبل ما نحكي على خباري ياريت ام هبة وحبيبة يطمنونا عليهم والله بالي مشطون عليكم

عافاكم ما طولو علينا على اقل غير طمنونا عليكم

نجي دابا لاخباري ونعتذر منكم على الغياب

الله غالب الفترة الي فاتت اول مرة في حياتي كنحس نفسي ضعيفة وتملك اليأس مني

طبعا السبب هو ان زوجي خرج من عمل الاداري وحاليا باقي ما اشتغل غير كيضيع الوقت مع صديق ديالو ها الشهرين

في التجارة حتى يفرج ربي

قلنا غادي نستغلو الفرصة ونقلبو على دار باش ننتقلو ونفس الوقت نهتمو بالتحاليل والفحوصات اللازمة لتاخر الحمل
وايضا للاجهاض المتكرر

طبعا بدينا في التحاليل ولا حول ولا قوة الا بالله ابدا ما توقعت غادي تعبني نتيجة وتاثر على نفسي
لان للاسف طلعت نتائجي ونائج زوجي كلها اجابية يعني اصابات فيروسية واصابات مكروبية في الدم
وكلها ممكن تسبب اجهاض هاذا زيادة على فيروس منتقل جنسيا على الرغم ان نسبة ديالو قليلة
غير مسبب للاجهاض وايضا لمشاكل تناسلية في مدى البعيد صح كاين علاج غير مكلف ويحتاج وقت


طبعا نتيجة كانت محبطة جدا ليا ولزوجي وبالاكثر كانت مؤثرة عليا بزاااف حيث انعزلت حتى على دارنا ما كنكلمهم
غير مرة او مرتين في السيمانة وانا كنت يوميا نكلهم في سكايب

وحاليا عندي تحاليل اخرى يوم الاحد نديرها انا وراجلي وطبعا براي دكتورة بما ان اولى طلعت ايجابة يعني وجود اصابة
اكيد القادمة نسبة كبيرة تطلع مثلها ولا حول ولا قوة الا بالله

يعني غادي نبقى نعيش الضغط النفسي ديال البحث عن الحمل وايضا الضغط النفسي ديال محاولة الحفاظ عليه
ما نقول غير الله يرزقني الصبر ويربط على قلبي ويكرمني بالحمل الثابث السليم انه على كل شئ قدير

هاذي هي اخباري وحاليا والله العظيم ما عندي اي خاطر لاي حاجة فاقدة طعم ديال الحياة استغفر الله العلي العظيم
ومكنفكر غير في اني نسافر ونرتااااااااااااااااااااااح في دارنا فقط لا اقل ولا اكثر

سمحولي زدتكم هم على هم وانا عارفة ان كل وحدة فيكم عندها هم ربي عالم بيه
غير سمحولي بغيت غير نتكلم وفش شوية ملي ضارني في خاطري

استغفر الله العلي العظيم

سمحولي مرديتش على الردود السابقة
غير ان شاء الله غذا نكون مرتاحة ومركزة مع الردود ونجاوبكم جميعا

نتمنى البنات ترجعو تعمرو التجمع لان من جد هو المتنفس الوحيد لينا كاخوات
من المغرب العربي

نخليكم هاذ الساعة

استغفر الله العلي العظيم واتوب اليه
ربي اني مسني الضر وانت أرحم الراحمين
ربي لا تذرني فردا وأنت خير الوارثين

صباح الخير عليكم أخواتي جمعة مبروكة عليكم كااااملين
أختي جروح ماتعملشي فخاطرك أهم شيء النفسية إن شاء الله قادر ربي الحبيب يشافيك ويشافينا ويرحمنا فالقريب العاجل حنا كناخدوا بالأسباب والكمال على الله سبحانه وتعالى وكل حاجة بالأجر ديالا حتى انا كنحس بإحباط كبير خصوصا بلي ساليت العلاج وماكاين والو وحاليا الطبيبة ديالي طلبت مني نعاود التحاليل كاملة باش تشوف التكيس واش نقص ولا زاد وكدلك نعاود أشعة الصبغة دابا يوم الإثنين عندي موعد مع الطبيبة ديالي هنايا هي اللي غادي تصيفطني نعمل التحاليل دعيو معايا أخواتي تعطيني موعد يصادف اليوم القاني من نزول الدورة عندي فالشهر المقبل وتكون النتائج مزيانة ياااااربي الحبيب
أسأل الله العظيم رب العرش العظيم أن يشافي اختي جروح ويقر اعيننا بالدرية الصالحة ياااااارب العالمين