السلام عليكم ورحمة الله وبركاته

كيفكم البنات ...توحشتكم و توحشت تجمعكم ...ولكن رانا عييت من دخل كل مرة وتنشارك والو ...سبحان الله غبرتو كاملين فدقة وحدة ...

المم كل واحد عندو اسبابو ...ونا نقول ان نغبر حثى يبانو كاملين ..هههه

اختي جروح ضرني قلبي عليك بزاااف وخصوصا اني ديما تنشوفك قوية وتتصبري الجميع ...حاولي تماسكي ....باش متخسرش نفسيتك را هي كلشي ....وان شاء الله تفرحي بالذرية الصالحة فالقريب العاجل


اما بالنسبة لي .....شنو غان نقول ليكم ....راكي عرفة ان الشهر الي داز هو الي اجهت فيه للمرة الرابعة ....وهذه اول مرة نعرف بحق الاجهاض وخ الحمد لله بلا كرطاج ولكن تعبت بزاااااااااااااااااااااااااااااااااااااااااااااااااااااااااااااااااااااااااااااااااااف لدرجة متتصورش ...بغيت غي نرجع لطبيعتي ونحس براسي والو ....حثى الطبيبة معطاتني حثى مقويات حثى قلت ليها واش وخ ناكل لمنغنزيوم قالت لي واخ .....ويالله هدا اسبوع مكاملش باش حسيت راسي توكدت لداري...................ولكن معرفت منقولك ..........نهار جمعة هبطات مني افرازات بنية وقلت الدورة ولكن من بعد مشفت والو ....واليوم الاحد جاني الوجع ديال الحيض ولكن منزلاتش ....ومعرفتش نفس الاعراض هادي كانت فالشهر الي داز باش كنت حاملة ...ومعرفتش علاش جاني احساس فجأة واش يكون حمل ان شاء الله .....معرفت والو واش نتفائل واش نفرح واش الحزن ملخوف من الاسقااااااااااااط لمرة اخرى الله يستر ولهلا يكتب علي ولا على شي مسلم ....ونا مدرتش الاحتياط الي قالو لي عليه الناس باش مانحملش باش ترتاح لوالدة ....ومع ذلك عندي رغبة في الحمل والخوف من هتاد التعب والمرضة الي دازت علي خايبة .....
وخ تنقول هاد المرة ان شاء الله ناكل ديفاستون بلا طبيبة بما انها ديك المرة معطاتني والو ....حثى اجهت وقالتلي هاد المرة عاد نديرو محاولات باش ميطيحش .....يعني حتى تاكدات من مشكل الاجهاض المتكرر عندي ملي جهضت عندها 2 مرات وما داتها فهدلارتي ملي قلتها ليها من الاول .....المهم غي سمحولي طولت عليكم وعليك اختي جروح ....انا مكنتش ناوية نقول حثى الواحد وانتم اول ناس تنقولكم احساسي ....بغيتكم تدعيو معاي يثبث لي الى كان حمل ....

وقولي لي شحال من حبة تتخاد ديال ديفاستون ....واش ممكن ناكل وخ مزال ممتاكداش ......لان حثى تحليل ديال الدم مبقيتش تنتيق فيها ملي قريت شحال من وحدة دارتها وعاوداتها ومبانت معاها حثى الشهر الثالث ...بعني حثى شي حاجة ما اكيدة ..........

ونسيت منقول ليكم اني هاد الشهر درت فيه الحمد لله الهمة ........درت فيه الرقية بشكل مكثف و شرب الماء مرقى بكثرة والاستغفار ........وبان معاي العجب العجاب من العجب هههه
الى صدق وكنت حاملة نعطيكم التفاصيل الا بغيتو .........

دعي معايا الله يجازيكم بالخير ...ومتنساوش الملائكة تتقول ليكم ولكم مثلها

اختي ام زينب الله يدير ليك لي فيها الخير ويلا كنت حاملة الله يتبت حملك ويرزقك الذرية الصالحة

السلام عليكم

مساء الخير او نقول صباح الخير راح زوج ديال صباح دابا عندي

بلاتي نقرى مافاتني عاد نرد

راكيل كيدايرة ازين حتى احنا توحشناك

ماشاء الله سهرانة امدرى كيف احوالك واش اخر اخبارك طمنينا عليك ازين

الله يفرحك في القريب العاجل

ام زينب سمحيلي اختي على الغيبة وسمحيلنا راك عارفة البنات كلها فين لاهي الله يكون في العون

اولا شكرا على الدعوات انا دابا بـــــــــخير ولله الحمد هاذيك غير نكسة وصافي والحمد لله استرجعت قوتي وايماني بالله عز وجل
وفي الحقيقة الله يخلي لي راجلي ويرزقو ما تمنى صراحة وقف معايا ورفع معنوياتي بزاااااف
لهلى يخطيه علي والله يجعلنا جميعا قرة اعين ازواجنا يارب ويرزقنا الذرية الصالحة

ثانيا اختي ام زينب ماشي بعيد يكون حمل من بعد الاجهاض راه كثير نساء حملو وتم حملهم ولله الحمد
ونتمنى من كل قلبي ان فعلا يكون حمل ويارب يثبثه لك ويقر عينك بالحمل الثابث السليم
غير قولي لينا شحال دابا من نهار على الاسقاط ديالك !!! لان الدورة بحد اقصى تجي بعد 40 يوم
وبالنسبة للتحليل راه تحليل هرمون الحمل جد دقيق يعطيك نسبة هرمون في الدم حتى لو الحمل في اسابيع الاولى
بالنسبة لتحليل المنزلي يبين اذا تاخرت دورة ب 10 ايام بشكل قطعي واذا حللتي قبل ممكن يظهر بشكل خفيف
والتحليل ديال الدم عادي لازم على الاقل اسبوع بعد تاخر الدورة باش يظهر واضح وموجب ان شاء الله

وبخصوص الدوفاستون اذا بغيتي تشربيه تاخذي زوج حبات في اليوم لمدة 10 ايام ووقفيه اذا ماجات دورة بحد اقصى 10 ايام
راه اكيد بإذن الله حمل هاذا في حالة اذا بغيتي تتأكدي او تنظمي دورة بلا ما ديري تحليل الحمل
اما اذا تاكدي من الحمل استعملي زوج حبات حتى تشوفي مع طبيبة ممكن تزيدك حتى توصل 4 حبات في اليوم
غير انا تنصحك اذا كان حمل استعملي قويلبات او الابر الزيتية ديال الثبيث لانها اقوى من حبوب الدوفاستون
وعافاك اختي ما تهملي راسك اذا كان حمل وطلبي من دكتورة دير لك تحليل ديال نسبة تجلط الدم باش تشوفي واش سيولة
ديال الدم جيدة باش توصل الدم للمشيمة او لا اما غادي تعطيك حبوب جواسبرين ديال الاطفال باش يدير سيولة للدم
او تعطيك ابر السيولة
وايضا طلبي منها تحليل ديال اجسام مضادة باش ديري بالاسباب للحفاظ على الحمل
وطبعا دكتورة راه عارفة تحاليل ديال الفيروسات الي كداير خلال فترة الحمل ويارب يسهل امرك بإذن الله

اي استفسار انا تحت امرك حتى انا راني داخلة دوامة ديال الاجهاض المتكرر والله يرزقنا جميع بالذرية الصالحة