السلام عليكم ورحمة الله وبركاته

البنات فين غابرين ولا مشغولين مع سيدنا رمضان

اوا دخلوا قولنا كيدوزتو النهار؟

الله يتقبل منا صيامنا وصلاتنا يارب وتفرح قلوبنا بالحمل في هذا الشهر المبارك.

البنات معرفتش علاش هاذ الايام بالي مشغول بزاف بالحمل وكنحس بانه قريب ان شاء الله وخا ممالفاش لي.

دخلوا دغيا راه بغيت نعاود ليكم واحد الحلمة حلماتها ماما لبارح.

الحاملات رجاء لطيفة جوسي كيفكم مع الصيام ان شاء الله يكون داز مزيان.

يلاه يلاه طلقوا الجبابن ديال الحريرة من يديكم خلاص ونوضوا تكعدوا فتح موقع حواء ودخلوا لقسمنا هههههههه.

البنات قولوا يلا عندكم شي برنامج متابعينو في هاذ الشهر الكريم باش نستافذوا من بعضياتنا.

انا قررت هاذ رمضان منشوفش المسلسلات كما كنت موالفة الحمد لله.نشوف غير برامج دينية بحال برنامج قصص القران

لعمرو خالد.وان شاء الله انا وراجلي غادي نقراو القرأن ونفسروه لبعضياتنا كل يوم يعني تفسير على قدنا كنت سمعت هاذ

الفكرة من واحد الأخت هنا بالمنتدى الله يجازيها بالخير وفعلا الفكرة رائعة وكتخليك انتي وراجلك تحسو بانكم فوق السحاب

سعادة لا توصف.

اوا البنات هذا اوكان يلاه كنتسناكم.

السلام عليكم و رحمة الله و بركاته
عواشركم مبروكة. الله يدخل عليكم رمضان باش ماتمنيتو. خصوصا بالذرية الصالحة.
سمحو لي مدخلتش من قبل الله إلي عالم مسليتش قبل رمضان درت سفوف جا بنين. غير خدا لي الوقت باش نشري المقادير و نوجدو و زيد خدمت جمعة و سبت و مساليتش نعيط للأحباب بلحق عيطو علي غير ماما ران ضروري نعيط ليها كل نهار.
المهم نعود ليكم قصتي مع رمضان و قولو دعاء الإبتلاء باش ميوقعش ليكم بحالي لهلا يوقع لشي وحدة ما وقع لي.
وجدت جمعة في ليل واحد دجاجة محرة تعشيت بيها و تسحرت مع الربعة تل خمسة صليت. غير كنفيق في لعطش، صبرت و مشيت خدمت الصراحة خدمتي مرة في الأسبوع غير جالسة مكينش حتى شي مجهود. المهم كل ساعة كيعيط لي شي واحد يقولو فطري متصوميش. أنا حسيت راسي لاباس شوية جا عندي طبيب مسلم سولتو قال لي في حالتي نصوم و لكن نفطر إيل حسيت شي حاجة ماش هاديك. و قال منصحش شي وحدة تصوم من بعد أسبوع 30. غير هو كيمشي كتعيط لي صاحبت ختي تقول لي شي وحدة صامت و نشف ليها الماء ديال بيبي سيري شوف مع طبيبة ديالك واش كلشي مزيان. عندي موعد نهار الأربعاء. المهم صبرو معاي طولت عليكم.
كملت لخدمة مشيت دار طيبت لحريرة وجدت شورمة و الحليب و البيض يعني مكين لا مسمن لا بوخمير. فطور ساهل ماهل مرة مرة كنجلس شوية.
فطرت بلحليب و شورمة. غير شوية مبغيتش نكتر شربت شوية ديال الماء صليت و قبطت المصحف حتى ودن لعشاء شربت كأس عصير و صليت. مني كملت مقدرتش نصلي تراويح تمددت على نموسية شوية زوجي كمل التراويح و جا مفهمتش واش نعست ساعة ديال الوقت و لا غيبت مفهمتش. وجدت ليه لحريرة أنا مقديتش نشربها مشيت باش نكمل نعاسي و هي تشدني معدة زيرت علي على تنفس مقدرتش ملقيت راحة بديت كنتمشى في الدار. حتى 12 عاد داني نعاس حليت عيني مع الربعة وجدت صحور تصحرت بشوية علي. و شربت شوية شوية وكليت شوية. صليت لفجر و مقديتش نبقى حتى ندعي نضت و بديت كنتمشى و حالتي عاد مكتكفس و لمعدة تقلبت علي كتبان لي تنفخت و سدت لي على قلبي نفس كطلعها بزز دري كيفركل محن. دموع راس كيقتلني وبحال باغ نرد بقيت على هاديك الحالة باغ غير نشرب و فين عاد نحط هاديك جغمة بقيت حتى 6:30 و أنا نشرب و أنا نبرد و عاد تكيت و عاد قلت لزوجي صاف غير سير تنعس. قررت نفطر و الرجاء في الله مغديش نصوم رمضان ربي يسمح لي. و لكن راكم كتشوفو معدة ديالي تكمشت و مبقاتش كتستحمل. داب كنحس راسي شوية لاباس دعيو معاي. ران غير قبل ميوقع لي هاداك الشي جاتني في بالي و لا ترمو بأنفسكم في التهلكة. و حتى زوجي قالها لي.
واش في نضركم قراري صائب؟

الزين ديالنا رجاء على سلامتك أختي وربي يحفظلك جنينك يارب ويكمل حملك على خير يارب يارحمان يارحيم ياارحم الراحمين يارب.

قرارك رجاء الطبيب هو لي غدي يقولك صائب ولا لا ديري زيارة لطبيب ديالك ويشوف وضعك ووضع ولدك الصحي وهو لي غادي

يقرر.ربي يعاونك أختي وأولا وأخيرا أهم شيء صحتك وصحة ولدك.

شوفي هاذ الرابط رجاء راه فيه معلومات مهمة بخصوص صوم المرأة الحامل.

http://www.goore.net/vb/goore45542.html

لهلا يخطيك ألحبيبة أ حبيبة ولدي. الله يفرحك هذا الشهر بحمل سليم و معافى.
أنا أ ختي غاد نمشي لطبيب نهار الأربعاء إن شاء الله يا ربي غير يقولو لي كلشي بخير. أما إيل قلت ليهم أشنو وقع لي غاد يقولو لي متصوميش حيت أصلا خاصمات علي طبيبة و منعتني من الصوم. و طبيبة ديالي قالت لي صومي بشرط تشربي و تاكلي مزيان. و أنا كنحس راسي منقدش ناكل و نشرب من بعد نهار ديال الجوع من خمسة تصباح تل تمنية ديال لعشية. شفت أ ختي لموت بعيني صباح. الله لطف بي و منزيدش ناخد مجازفة خصوصا قرأت في الأنترنت بأن إلي خافت على نفسها تفطر أنا خفت أ ختي على راسي. الله شاهد مني كنت عندي14 عام و أنا كنصوم شوال و الدين مباشرة من بعد رمضان و الإثنين و الخميس كنت كنصومهم لشهور حتى رجعت كنسخف و حبستهم.
الله غالب كرشي طالعة لفوق و معدتي ضاغط لي على قلبي.

رمضان مبارك للجميع وكل سنه وأنتم طيبين
اسفه على الغياب ....المهم راني رجعت ليكم نتمنى كل وحده تقول لنا يومياتها بالتفصيل الممل ****لله في هذا الشهر الكريم بش نستفادو قبلاتي ليكم وحدة وحدة