من الصباح وانا كنطرطر ونسيت مقلت ليكم علاش مدخلتش من شحال هادي؟
اوا سمعوا الغزالات ديالي انا دبا اكثر من عشرين يوم واختكم واحلة في الغبرة والقربالة نايضة عندي في الدار كونا كنصبغوا الدار والبيبان والشراجم.اوا بلا منقول ليكم تخيلوا الروينة لي كانت فيها اختكم يلاه يومين هاذي باش سلاو ومن وراهم نضت للتخمال ودبا الظهر قاتلني بكثرة تمارة.اي شحال شكاية ياك.اوا بلا منكثر عليكم.
الجديد عندي انني وأخير حيدت لعكز وصايبت الدواء لراجلي ودبا راه متبعوا ياربي تجعلوا سبب في الشفاء يارب.
دعيو معاية.

السلام عليكم
مبروك عواشركم أ لغزالات عرفتو كلشي كيقول هذا العام فيه لحمل بزاف إن شاء الله غنفرحو بكم عما قريب غير كترو دعاء و قللو من كلام عن تأخر الحمل باش يبارك لكم الله.
جروح الوداع الله يشافيك أ ختي. و ياخد لحق في هاداك طبيب. صبري الفرج قريب. غير متشقايش في عيد راك مريضة. و متهزي هم إيل حملتي الله غيتبتو لك غندعيو معك.
حبيبة علىسلامتك يا ربي هذه تجديدات تدخل علكم بلخير و يشفى زوجك.
أخباري كالآتي يله هدرت مع ماما باق مقطعات و لكن كنضن غتجي عندي في وسط دجنبر. حيت موعد لولادة 21 دجنبر و إيل تعطلت لولادة مزيان إيل سبقت غتجي لعندي فيسع. خاصها تدوز عند أخي شحال ماشافتوحتى هو هناي.
أنا مقابل غير شقى دار خدمة رجعت لها 3 أيام و حاضية شريان. كنحس براسي مزيان مشغولة شوية بلحق راحة كتجيب لي نعاس و مخاصنيش نرتاح باش نولد طبيعي كنتحرك مني كنفيق حتى كنعس و كيجيني جوع بزاف.
نهار جمعة كان عندي موعد طبي قالت لي دكتورة ماشاء الله أحسن ضربات قلب شفت هي ديال طه الله يحفضو هي كتهدر و أنا كنقول الله أكبر بقات كتصنت متيقتش. و راه هبط له راسو لتحت.
أم هبة الله يعوضك خير
لطيفة شفتك في أناقة مغربية مبروك عيدك
حمالة توام فين وصلتي في لحمل الله يهونو عليك

السلام البنات كيف دايرين لباس عليكم اش تتعاودو مبروك عواشركم ميروكة عاى اخباري انا بخير الحمد لله سلامي لكل البنات

salam alaykom
lbnat khti wldat bnita ghzala macha Allah 3liha!! b9at fya meskina hya tatwaja3 w tatd3i m3aya! ^^ Allah ij3al bantha mina ssalihat ya rbbi w lahla yahramna
aidkom mabrouk
bisouuuuuuuuuuuu

أم هبة الف مبروك عليكم البنية وربي يحفظها ليكم وعلى سلامة اختك.
واش ولادات اليوم؟ ان شاء الله الدعاء ديالها يستجاب في هذه الأيام العظيمة عند الله ان شاء اللع مايتردش لينا فيها اي دعاء بحول الله.

البنات واش صمتو اليوم ولا ... انا كنت ناوية نصوم 9 ايام لكن ربي مكتبش لي.
ان شاء الله دعائنا اليوم يتقبل منا يارب يارب يارب.