السلام عليكم
مساء الخير البنات نتمنى تكونو كلكم بصحة وعافية
بلاتي نقرى ما فاتني ونجاوب عليكم ان شاء الله
كونكسيون عندي ثقيلة ربي يسهل وصافي كتمرض الواحد
حبيبة اختي الله يشافيك وعافيك
بالنسبة لتاخر الدورة كنعتقد شئ طبيعي لان عندك التكيس وانتي ما كتشربي هرمونات تعويضية باش تنتظم لك الدورة
وسبق وقلت لك بان لازم المراة تحافظ على نزول الدورة بشكل دوري سواء بشكل طبيعي او عن طريق استعمال عقارات
لان اذا تركتي الدورة على حالها راه تكيس كيزيد عندك وهاذا ماشي في صالحك اختي
على الاقل شري حبوب تنظيم الدورة راه دايرة كيف حبوب منع الحمل كتشرب من اول يوم في الدورة لمدة 21 يوم
وبعد ما تقطعيها في اسبوع تجيك دورة
ومكتوب فيها غير صالحة لمنع الحمل يعني مجرد تنظم لك دورة وبزاف النساء حملو فقط من استعمالها
انا ماعرفتش النوع الي في المغرب اشنو سميتو غير اهنا اسمها بروجيلتون
,والاعراض الي كتحسي بيها طبيعية لان الدورة كانت متاخرة عندك واكيد بطانة الرحم كانت سميكة عندك
ودابا عاد نزلت عليك
نصيحتي ليك شربي حبوب تخفف عليك الوجع وشربي اشياء دافية وسخونة كيف القرفة والسكنجبير وزعفران
وحتى المساخن اذا لقيتيهم ولكن ديري بالك مع كمية الدم حاشاك باش اذا حسيتي زادت عليك لازم تشوفي طبيبة
ما يكون باس عندك اختي وطمنينا عليك
بالنسبة للصورة ان شاء الله نصايب لك الحجم الي بغيتي وحتى اشكال اخرى غير صبري عليا نكمل شي صور للعائلة ومايكون غير خاطرك
وبالنسبة لثمن لقاح النحل وغذاء الملكات ماعندي اختي حتى علم الله يسر امورك يا رب
وان شاء الله يارب ينزل الهرمون عند زوجك ويرزقكم الذرية الصالحة انه على كل شئ قدير
زرقاء اليمامة بصحتك اختي القديدة والحنا والله يرزق جاراتك ما تمناو على وقفتهم معاك
ويارب يا اختي تكون هاذ القديدة فيها سبب لك للشفاء ويرزقك الذرية الصالحة ان شاء الله
ام هبة الله يكون في عونك يارب ما طوليش علينا وجودك عندو نكهة خاصة
فافيتا الله يعوض عليك اختي ولعقوبة ليك اختي تهزي وليداتك بين يديك
اما بالنسبة لمجتمع النساء عندنا الله يهيدهم يا رب يزيدو هم على هم
بشريني اذا راسلتي المعالج بالاعشاب اش وصفلك ربما نتشجع ونلتجأ لطب الاعشاب
هدى اش اخبارك واش دار راجك تحليل وانتي في وصلتي مع الادوية ديالك
الله يرزقك الذرية الصالحة يارب
جنة مرحبا بيك اختي حتى انا راني ساكنة في جدة بالسعودية ان شاء الله نتعرفو عليك في القريب العاجل
وكلنا كنعيشو نفس معاناة الغربة ولله الحمد
بالنسبة لمشاركاتك يوميا كتبي 3 مشاركات باش توصلي بسرعة 50 مشاركة وغادي ينفك الحصار عليك
وتستطعي تكتبي عدد المشاركات الي تبغي
امال الله يسهل امورك يارب ياريت تعلميني ان شاء الله بيوم السحب والترجيع عندك باش نكتفو الدعاء معاك لعل وعسى تلاقي ساعة اجابة بإذن الله ويارب ما يخيب لك رجاء ان شاء الله
فــــــلـــــة تووووونس : وينك اختي شغلتينا عليك ياريت اذا دخلتي تطمنينا عليك بالي مشغول عليك
ان شاء الله تكون نفسيتك احسن
ويارب يا اختي يرزقك بالذرية الصالحة انه على كل شئ قدير
رجاء كيف دايرة اختي مع مسؤولية ديال امومة الله يقدرك ويقويك وشكرا على مشاركتك لنا ربي ما يحرمك الاجر اختي
طمنينا على طه ان شاء الله اصبح بخير
سحابة صيف : الله يسخر لك زوجك يا رب ويوفق بينكم ويارب يرزقك اختي من غير ادوية او كشف عورة انه على كل شئ قدير
غير سايسي مع راجلك تعرفي رجال صبرهم قليل ماشي بحالنا
ربي يجيب لك التيسير يارب
لطيفة ونادية ويـــــــــــــــنكم دخلو طمنونا عليكم ان شاء الله تكونو ولدتو وفرحتو باولادكم يارب على خير
توتة وبقية البنات سلامي لكم اذا كنتم متابعات لنا نتمنى تكونو بخير
الصفحة الأخيرة
يعني بحال يلا تجرح الواحد ماشي لون الدم ديال الدورة الله يكرمكم.