السلام عليكم ورحمة الله وبركاته لبنات كيدايرين توحشتكوووووووووووووم بززززززززززززاف مالكم ناعسييييييين لقيت الملف تحت الانقاض جبدتو بمشقة
المهم كنشكر كل من سول علي وحتى اللي ماسول كنعدرو المهم انا جيت اليوم وجايبة خبر فالتطورتا للي وقعات لي المهم انا جلست وكنت حالفة ماندير التحاليل بجهد مااتصدمت المهم صبرت حتي دازت 20 يوم على وقت الدورة كنت قلت ليكم انني كنت مشيت للطبيب بعد وقت الدورة بيومين وقالي ماباين والو وهو يبردنييييييييي وجلست كنتعدب في صمت وكنترجى الله ليل ونهار حتي وصل 20 يوم ودرت التحليييييييييل اخيييييييييييرا بفضل دعيواتكم ربي اكرمني وشفت ايجابي بعد اشتياق كبييييييييير وبالتالي انا حاملة الغاليات ولله الحمد من قبل ومن بعد المهم دوزت ديك الليلة طايرة بالفرحة وقلت صافي نعطي الراحر لراسي مانطلعش عند حماتي حتى تجي تسول في ونبشرها حيت توحشت نتخنت شوي والصراحة كنت عيانا السخانة والتقيا حشا وجهكوم لعزيز وبالفرحة جاني حتى الاسهال وجلست تسننيت والو حتى حد ما طل علي رغم انني دايرة معاهم اكتر من جهدي وبقيت صابرة حتى الغد ليه ومشيت للطبيب وقالي الحمد لله كلشي مزيان هاد الساعة عطاني الدوا وقالي الراحةاهم شئ ولكن انا حمارة جيت للدار وجلست نتسنىاهم يطلو علي خصوصا انني ما بنتش 24 ساعة ما كليت ماشربت راجلي كان فشي شغل وحسيت بالحكرة ومالقيت للي يفرح معايا وجلست كنتوتر ونتفقص وحتى فالليل صليت العشا ومشيت نجدد الوضوء وانا نتصدم لقيت حاشاكم نازل علي شي دم لونها اسود وماتصورو اش وقع لي ضربت راسي مع الحيط وجلست كندعي الله وكنقول لا حول ولا قوة الا بالله المهم غسلت ومشيت شربت الدوا وجلست كناجي الله ونترجاه وكل شوي نمشي نطل واش نزلات ما نعستش فاش عاودت لراجلي غوت علي قالي علاش ديري ليهم اعتبار قالي عرفتيهم مامصوابينش وما عندهم سوق صافي نسايهم العيب والعا الى انا راجلك قصرت معاك ودوزت الليلة بكاء حتى طاب قلبي وغير بان الضوء رغم انه كان يوم السبت مشيت كنجري للطبيب قلت ليه اش وقع لي دار لي الاكو وقالي الحمد لله المل باقي مزيان اسمري على دواك صافي وجيت عاد مشا راجلي قالهم حشومة عليكم انتما للي مرض كتهزو فوق راسها وقالها ياك نهار فتحتي سمحو فيك بناتك ولقيتيها بوحدها فجنبك وفكرها بالجميل ديالي رغم انني بغيت نخللي كلشي لوجه الله وقالهم ودابا هي مريضة ما سول فيها حد قولولي غير عيب واحد دارتو ليكم هاد بنت الناس مالقاو مايقولو و قالت ليه ممو ايوا احنا قلنا رشقات ليها ومابغاتش طلع شوفو تحرميات رغم انني عمري درتها المهم عاد جات كتمثل علي ايوا ابنتي راه ماعرفتكش مريضة وغير الكدوب حيت المتعلمة شافتني وطللات علي وقالتها ليهم ولكن حسبي الله ونعم الوكيل
دابا قالي راجلي ممنوع طلعي للي بغيتيها نجيبها ليك الحمد لله عوضني فيه الله وانا مرتاحة شوي ونمشي لدارنا نرتاح عند ماما ونبعد على التوترات
طولت عليكم عاودت ليكم قصة حياتي باش تعرفو علاش ماطلليتش عليكم ودابا اهم شئ كنطلب منكم دعيو معايا انا ديما طامعة فدعيواتكم الله يفرحكم كلكم فهاد شعبان ياربي

واو أنا أول وحدة تقرأهذا الخبر الرائع. حمالة التوام متصوريش شحال فرحانة ليك كنطير بالفرحة. الله يكمل لك بالخير و يحفضك أ لحبيبة. زوجك زاد في نضري بزاف برد لي قلبي و زاد عجبني مني حلف عليك تطلعي في الدروج. أنا كنتبرأ منك إيل مشيت طلعت عندهم. و متديهاش فيهم حسبيهم في مدينة و أنت في مدينة.
و الله تندعي معاكم كل نهار مع أذكار الصباح و أذكار المساء.
شفتي إيل كانو لبنات غيغبرو و يجيبو بحال هذه الأخبار الزوينة غير الله يعونهم.
يا ربي يزيد يفرحنا بحمل جميع العضوات آمين يا رب.
ختي حمالة توام ماماك في نفس المدينة؟ كول مزيان شوية شوية من كلشي خصوصا لحليب بيض مصلوق خضر و فواكه.
نعسي شبعي نعاس تفشي علينا.

حمالة التوأم الله على خبر الله يفرح قلبك كما فرحتيني في هاذ النهار والله العظيم يلا بكتيني

الحمد لله الحمد لله الحمد لله الف الف الف مبرورك أختي وربي يجعلوا ليك ولباباه من الأبناء

البارين الصالحين.يارب تهون عليك حملوا وولادتو يارب.

اوا شوفي الالا اول حاجة ديريه هنا بالمنتدى هي تبدلي الاسم ديالك من حمالة الأسى لحمالة

التوأم.

ربي تحفظ لك جنينك وتفرحك بشوفتو سليم معافى يارب.

مرة اخرى اختي الف الف الف مبروك.

متصوريش البنات شحال غادي يفرحوا ملي يعرفوا انك حاملة ربي يكمل عليك بالخير.

رجاء عندها الزهر تبارك الله هي الاولى طاحت في هاذ الخبار الغزالة ياربي دائما.

:icon28::icon28::icon28: لبنات ليوم عندنا مناسبة زوينة

انا مكنعرفش نزغرت ولكن كاين البديل عندي

:icon28::icon28::icon28: الف الف الف الف

مبروك لأختنا حمالة التوأم.:):26::26::26:لعقوبة لجميع البنات يارب

ان شاء الله عما قريب تفرحنا بنت تابعاها الأخرى.

رجاء اش خبارك واش خبار ولد اختي بدا البسالات ولا باقي

ان شاء الله يبداها في القريب العاجل.

جروح كيدايرة ازين باين مشغولة مع صاحبتك. لعقوبة ليك ازين بالحمل السليم المعافى يارب

انتي وجميع لبنات في منتدى حواء يارب يارحمان يارحيم ياارحم الراحمين يارب.

لطيفة اش خبارك اختي؟ ربي يهون عليك الوحم يارب.

سلامي الى كل البنات.