طيب ياحلوات راح ابدا بنفسي وحبذا اللي تشاركني او تضيف لمساتها
راح اكتب اللي يحضرني الان

- استعيدي الهمة واجعلي نيتك لهذا الشهر غير جددي النية
- اعملي لنفسك نظام مارح اقول جدول ومن هالكلام لان مارح تطبقي
يعني اجعلي لك اوقات مرتبة لقراءة القران بحيث تقرئي باليوم اكثر من جزء
اجعلي وقت للتدبر وقراءة التفسير
واجعلي لك ورد لمراجعة الحفظ او الحفظ
- بنات اذا حبيتوا نختار جزء او سورة معينة نحفظها مع بعض مثل سورة البقرة او سورة يس او سورة الكهف او جزء معين نحفظه او نراجعه
نكون حلقة ذكر وناجر كلنا ياغاليات
- بالنسبة للي ترقي نفسها وتعاني نجعل لنا باليوم اجزاء لو نضغط على نفسنا بقراءة 5 اجزاء باليوم او نحاول ختم كل سبع ايام
او نقرا سورة البقرة حددوا حبيباتي نبغى برنامج نتعاون مع بعض ونستحضر النية للاجر والعبادة وللشفاء التام

- بالنسبة للاكل لاتتكلفي بالاكل اختاري البسيط والمفيد نحناج للسوائل اكثر والفواكه يعني لاتكثري حلى وحلويات
- طبعا قبل كل شئ جهزي تنظيف البيت والجناح بالاخص قبل رمضان بيوم انفضي غرفتك واغسلي الشراشف والستاير لو لها فترة طويلة خاصة الستاير
غسلي سجادتك وشرشف الصلاة وجهزي مصلاك ومحرابك ومخدة تريح ظهرك ورشي معمول ع السجادة او دهن عود او مسك
وبخري الجناح بالعود
وجهزي اغراضك المصحف وكتاب الادعية والمسبح او خاتم التسبيح
كتاب الادعية لان احيانا ننسى ندعي ادعية للاخرة في ادعية من الكتاب والسنة رائعة احيانا ننسى والكتاب يذكرنا بادعية ماثورة

- نحاول بعد كل صلاة نستغفر 100 مرة لو خمس صلوات تساوي 500 او 200 بعد كل صلاة يساوي 1000 استغفار ومااقصد تحديد لكن كتشجيع واستكثار للاستغفار بعد الصلاة مباشرة تكوني بتركيزك مع الاستغفار اكثر

هذا اللي اذكره حاليا كتبت على عجالة وحاسة فيه لخبطة
وبانتظار ارائكم واقتراحاتكم حبوبات

وبسالكم هل راح نستمر مع بعض بالقصر في رمضان ؟؟
وعندي سؤال اخير
هل تجعلوا لصلاة التراويح والقيام لمن تصلي في البيت ختمة لحالها
ولقراءة اليومية ختمة لحالها ؟؟ مادري فهمتوا قصدي
في ناس تقرا بالصلاة مثلا يوميا جزء لاخر الشهر وتكمل 30 جزء
وبقية اليوم تقرا اجزاء تختمها لحالها
ماعرف الطريقة حلوة او تلخبط لاني ماقد سويتها احسها لخبطة
انا اقرا اجزائي مع بعض والقيام كله مع بعض لين اكمل الختمة وابدا اللي بعده يعني مااقسم

هلا اميرات اخباركم ان شاء الله الجميع بخير
خوخة انتا جربت اني اشرب موية بكثررررررة قبل النوم عشان اقوم لقيام الليل والحمدلله نفعت لانك بتضطرين تقومين تروحين للحمام اعز الله القارئين واذا ع الغيبة حاااولي قد ماتقدرين تتجنبينهم او تنشغلين بالجوال او تصلين الضحى او سولفي مع وحدة من البنات سوالف عاامة عشان ماتغتابون ... توتة انا ان شاء الله راح اختم 4 مرات لاني اتفقت مع سوسو قبل وان شاء الله نختم كلنا سوا والختم انا راح اخليها ختمة وحدة يعني مارا افصل التراويح والقيام عن القراءة طول اليوم لاني بتلخبط ولازم مصحفين فالافضل نقرأه مرة وحدة في التروايح وطول اليوم واذا ع الحفظ فكرة حلوة نحفظ سوا طيب وش رايك توتة نسوي تصويت بين الكهف ويس والسورة اللي يكون عدد التصويت كثير هي اللي نحفظها ( انا اصوت للكهف لانه لو تكاسلنا عن المراجعه ﻻقدر الله بنقرأها كل جمعه وماراح ننساها ان شاء الله ) واكييد توتة نبغى يستمر القصر في رمضان عشان نتابع الحفظ والاهتمام

جدولي ليوم السبت
الديني الحمدلله محافظة ع الصلاة والسنن والضحى والوتر والاذكار مقصررة الايام هذي وان شاء الله ابدأ من اليوم احاااول ما اتكاسل عنها
الصحي الفطور كان خبز وجبن وشبس والغداء مافيه وللعشاء كشري وورق عنب
الجمالي سويت خلطة لليدين والرجلين و استخدمتها رطبت وجهي ويدي ورموشي حطيت فازلي ووجهي حطيت ماسك
الثقافي مافيه
الخلطة عبارة عن ( جلوسليد ، فازلين ، صابون دوف ، زيت اللوز الحلو او اي زيت تستخدمينه لبشرتك ونفع معها ،،، انا ماعندي زيت اللوز استبدلته بزيت زيتون مقري عليه ،،، ) حبايبي توني استخدم الخلطة وصاحبتها تقول للتنعيم والتبييض وان شاء الله اشوف نتايجها

هلا وغلا فيكم
بنوته باذن الله نكون احسن اميرات
خوخه
الله يقويك واكيد مع رمضان بيتعدل نظامك
واذا عجزتي تقومي الليل صلي قبل تنامي
اما الغيبه فرصتك رمضان جاي انصحيهم وذكريهم بالله
توته
والله مافتحت الصفحات الي وراء مافضيت اجلس اقرا

سوسو ترا باحط لك وزغ مع الفيران

جدولي
الديني الحمد لله تمام
الذكر والاذكار والورد والوتر والضحى والسنن
الصحي
افطرت بيض
ووتغديت بسكويت وشاي
والعشاء فول وشاي
وتمرنت ساعه الا ربع وكان فيها اثقال

الجمالي
شاور وترطيب مرطباتي مقربه تخلص
وبشرتي استخدم العلاج
فيه شي متعبني حبوب تطلع بالذقن داخليه تختفي وتطلع الثانيه واليوم لعبت فيها وعصرتها طلع شوي صديد وتعورني


اما بالنسبه لجدول رمضان

توته كلامك حلو كثيير

التهئيه لابد منها
اجهز شرشف الصلاه والسجاده اغسلها وابخرها
مصحفي ووركني الخاص
واهم شي الهدوء
بالنسبه لديني
باذن الله اختم كل عشر ايام اقرا براحتي
اقسم ثلاث اجزاء على اليوم ومع التراويح والقيام
مااقدر اخصص جزء محدد للقيام والتراويح لان الانسه تشرف وراح اوقف صلاه والشي الثاني القيام العشر الاوخر اصليها بالمسجد فماراح اقدر اختم

الحفظ مااقدر برمضان لان وقتي مضغوط ووقت الفراغ اقرا وردي

الراديو يكون شغال بالمطبخ سبحان الله احيانا يذكرنا بشي واحنا غافلين عنه

تفطير صايمين اذا ماقدرتي مويه وفطيره وعصير وتمر ووزعيه ع العمال بالشوارع

الي ساكنه بمكان قريب من عمال تكفلي بفطورهم

حتى فطور البيت احتبسي الاجر واخلصي النيه

اممم هذا الي تذكرته عميانه نوم

اما الاكل

فانا مع عائله لازم كلش ع السفره بوقت واحد

فقررت يكون فطور تمر وماي ووسلطه وبعدها بساعه ابدا تماريني
واصلي التراويح وبعدها اكل وجبتي الرئيسيه
وباقي الوقت لو جعت بيكون سناك خفيف فاكهه اي شي
وسحوري اكيد خفايف
سبحان الله يوم اكل ثقيل تتعب معدتي واجوع بسرعه

الجمالي راح استمر ع خلطة شسالفه وباحطها العصر وقت الطبخ والحر عشان استفيد اكثر حمام ساونا
والحنا والسنفره


القصر اكيد نستمر برمضان باذن الله
نعيش روحانيه رمضان مع بعض

السلام عليكم
مرحبا صبايا
وترحيب خاص بسوسو
رد جمأعي للكل ههههه
جزأكم الله خير ع حلولكم بالنسبة لقسمي ماقدر اغيرة لانه صعبة جدا مافي الا اهرب من الفرفة واشغل حالي رغم غألبا يكون كل القسم مليان

وبالنسبة لقيام الليل الحمد لله البارح حسيت المنبه وغصبت نفسي وقمت وعقبال الليلية
رد ع توته
اتا ان شأء الله باقية في القصر وصعبة اطلع لانه انتم و خاصة انت لكم الفضل بعد الله في تغير حياتي فاذأ طلعت راح اضيع
فجزأكم الله الف خير ولا حرمكم اجري