العزيزة ... نجود الرياض

حيـاك الله يالغاليه ..

وحيا الله القصمان كلهم ..

ليتـك تشوفينها والله ..

بس تعالوا لابرد الجو شوي ..

اخاف تاخذين موقف من أول زياره ;)

بس بين الحريّن الجو جنه والله ..

وتبين العلم عن رجالنا وانا اختك ..

والله ونعم << مداحتها ... .

لاه بجد والله صح كل مكان فيه صالح وطالح ..

بس الحمد لله فيهم الخير ..

يعني اقل شي فيهم شوي ركاده لان الجو مهيأ لكذا ..

ووالله انا احس يحبون الملتزمات ..

يعني مو تشدد المحافظات اكثر ..

احس اخواني كذا مادري عن البقيه ;)

اما الشين ..

فما فيهم شين ان شاالله ..

حتى ان قالوا بعض الناس فيهم بخل او كذا ..

والله احنا ماعمرنا شفنا هالشي منهم يعني مافيهم هالبخل اللي نسمع به ..

اما حريمهم ..

وش اقول وش اخلي ..

السنع كله والزين كله والطيب كله << بتنجلد .. :D

ياغاليه والله شهادتي في سدير واهلها مجروحه لاني منهم ..

بس ان شاءالله ربي بيكتب لك كل توفيق مع رجلك وحمولتك ..

ووالله ان كلهم خير مو لاني منهم ..

بس فعلا فيهم كثير صفات حلوة ..

يمكن اسوأ صفه عندهم العناد ثم العناد ثم العناد ..

بس باللين ان شاءالله تتغلبين عليه..

والله مادري أفدتك او لا ..

بس ان كان عندك شي محدد ابشري والله ..

ربي يسعدك ويوفقك ويهنيك ..

ولاجيتي علمينا نعزمك ترا ماحنا بعيدين عن العطار مره ;)

وحياك الرحمن سلفا بتنورينا والله ..

موفقه ياقمر :26:
ღღღღღღ

العزيزة ... ضايق صدري

ياربي يوسع صدرك بالخير والعافيه ..

حبتتتتتتتتتتك العافيـــــــــــة يااااااااارب ..

ونعم بشقرا واهلها والله ..

ونعم الجيران والله ...

وترا لنا روحات لشقرا من باب التغيير وقريبه لنا ..

حليوة والله ندور فيها وندخل سوقها وندجج ونتعشا ونرجع ..

وتسلمي ياعسل على هالطله ..

موفقه ياقمر :26:
ღღღღღღ

العزيزة ... بنت الرياض العسل

حياك الله والله .. واسعد حيك يارب

احلى يابو هيب ..

اعرفه مع اني مو من البلد اللي فيه ..

مادخلته صراحه بس حمستيني والله شكلي باروحله مخصوص ;)

امـا الارياف ماعرفه بس اشوفه ان اشءالله بعد << الله من اللقافه :D

والله صادقه احنا مشكلتنا الاسواق ..

والا كل شي متوفر بس محلات ملابس بالذات ماعندنا شي ينقال عنه قمه ..

شكلي باوجه نداء يفتحون عندنا مول يجمع الماركات ;)

الف شكر لك ياعسل على مرورك ..

والفين شكر على افادتك ياعسل ..

وموفقه :26:

ღღღღღღ

العزيزة ... الفراشــة

حياك الله ياغاليه ..

وحيـا الله أهـل حرمــــه ..

واهل الرياض ..

لي صديقات من حرمه والله ونعم الف ..

نورتي ياعسل ..

والله يسعدك :26:

اناااااااااااااا أسجل معكم

بصراحه يا نجود الريااااااااض ضحكتيني

شوفي رجالهم مثل اي رجال على وجه الكرة الأرضية :)

بس تدرين وش يقولون عن رجالنا ؟؟؟؟؟؟؟؟؟؟؟




يقولون









أن الرجال فيهم عن سبعة لبنانين :)

من زووووووووود حشيمته للحرمة

بس عني



زوجي سديراوي












ما شفت شي زووووود على غيره كل الرجال طبعهم وااحد هذا اللي اشوفه
وبعدين اختلاف المجتمعات والعادات والتقاليد هي اللي تحكمك يعني تعرفين عاداتهم وتقاليدهم غير عن اهل الرياض غير عن القصمان بس للي عايشين فيها
انا في الرياااااااض ولاتحكمني عاداتهم ابدااااا

فهمتي علي

بس بصراحة احلى مافيها البر وكشتاته في الربيع أذا جا مطر تطلع روووعة

عندك الشوكي والتنهات وعندك النظيم روعه النظيم اذا جا ربيع تحلفين انك برا المملكة كم كثر ماهو رووووعة ..

وبسسسسس واي أستفسار حاضرين للغالياااااااات

على فكرة

صدق هي محتاجة اسواااااااق مافيها شيء كل اقاربنا مايجهزون الا من الرياض
ويتمنون فيها اسواق حلوه بس أظن قربها من الرياض مانع تجارهم يحطون لهم اسواق حلوة

يمكن

مرحبااااااااااا بنااات جلدتي :26: :biggrinlo :biggrinlo
انا مثلكم ميد ان سديروتاااا
بس اني من عرفت عمري وانا في الريااض
ماجيها الا عشان يامناسباات ولا اوقاات الربييييييييييييع
ياحبي لهم اهل سدير :32: :32:
اما عن رجاجيلهم والله اشوفهم طيبين ووش ملحهم :27: :27:
يمكن عشان السديراويه اذا خذوا من بعض يكونون عارفين لبعض او طبايعهم وحده
لاني اشوف بعض طبايع القصيم غير طبايعنا
واتمنى اني مااخذ الا سديرااوي ان شالله :heart: :icon28:
وعلى فكررره انا من عوودة سديرر
ماشوفكم ذكرتوها في البدااية ليش؟؟ :mad2: :angry2: :angry2:
على طاري المحلاات والاسواق ماعرف الا السلووم كاني مالخبطت في الاسم :27:
وبهيدا الي بعرفووه
وسلامتكن
:icon35: :icon35:

العزيزة ... أم مـسـلـم

هلا والله هلا ..

نورتي ياختي ..

أجل ماخذه منا ..

ياربي اسعدهـا ووفقهـا ..

يووووه لو يقرون كلامك رجالنا تشققووووووا ..

اما عن البر وكشتاته صدقتي والله يالغاليه ..

فعلا برنـا الحمد لله شـي ..

شفتي اليمني في برنامج أهلا أهلا يقول ..

ومشينا على المجمعه قابلونا سديراويه وانا صغير مابعرفشي عن الشوكي مابصبر :D

مشكورة مليون ياعسل على مرورك ..

وحياك الرحمن :26:

ღღღღღღ

العزيزة ... اميره الورد

هلا والله بأهل عودة سدير ..

ولو ياغاليه مانسيناها بس خفت من كثر ماعدد بلداتنا يملون البنات وهم يقرون :D

وهذي لاهل العودة لايزعلون :26:26:26:26:26:26:26:

وياربي حبتتتتتتتتتتتتتك العافييييييية ..

اييييه علميهم عن جونا اللندنـي بالربيع ..

والله ياانا نفسي نخيم .. بس خطه خمسيه هذي :D

بعد انتِ ان قروا رجالنا كلامك بيتشقووووون ..

وياربـــي يرزقك بسديراوي ..

يبسطك ويدلعك ويصيرون يقول يازبيييييييد لاتنكتين ..

ومايشوف غيرك بالدنيا ..


مااعرف انا السلوم والله ..

وسلمــــــــــــتِ ..
:26:

سلام لكل السديراويات
انا من سدير واهلي في الرياض وانا في الدمام شفتو الشحططه
احسن ما في سدير توفر الحريم الي يشيلون حلاوه ونقش حنا
اما المنتزهات فهي مليانه منتزهات طبيعيه ( النفود ومرخ والتنهات والشوكي )
والي تبي لبن وزبده وجبنه خيال
قبل لا تاصلون الرياض فيه محطه العتش عندهم لبن خيال وجبنه على كفيك وزبده

وبس هذا الي اعرفه
اما بالنسبه لرجالهم مثل باقي خلق الله بس اخف حده من القصمان