اهلين بنات سدير .............................هذي نكتة اسمعوها او اقروها احسن ..............قال أحد الادباء حدثنا يا ابا العرب عن النجديات ؟
فقال هن نساء فاتنات سلبن عقول العباد أحلاهن (السديراويات )من نجد ضحوكات دلوعات ذوات جمال ودلال ..فضحك الاديب وقال فلتعش السديراويات ...
ولنقل جميعا عاشت السديراويات ولايهونون الباقيات ... :icon28:
على فكرة انا من تمير واهلي من تمير وزوجي من تمير وعايشين في تمير ......
الله يحفظ لنا ابو فيصل

مرااااااااااااااااااااااااحب


يالحبايب

عسى ماتأخرت عليكم <<ماكله بنفسها مقلب


المهم ودي افيدكم عن المجمعه اولا احسن مشغل دار الأزياء واحسن كوفيره فيه امينه البيضاء.........

وبالنسبه للحريم للي يطبخون انا اعرف ثنتين الي يبي ارقام يراسلني ...

وانا احس ان الشمعه تقرب لي


واحلى حلا شكلنا من نفس العائله


انشوده المطر يارب يسلم قلبك على هالتجمع وصادقه خليني اشوفك

والله يا بضحك ضحك ان كنتي من ربعي بالكليه ........


بس لي عتب على ال ((ياي))الي يدخلن عشان يقولن والله مانحب سدير والله مانواطن نروح لسدير


واحب اقولهم ان الي ينتقص اصله ينتقص نفسه والي ما يعترف بأصله ناااااااااقص بلا اصلا ينتمي له ..........وان سمحت لي انشوده المطر الي بيدخل يسب بسدير ويطلع لا يدخل ..


وسلامي للجميع

يالله يرب انك تحرسهن وتاقاهن وتحفظهن لعينن ترجيهن

والله اني اعشق شي اسمه المجمعه واموووووووووت في دباديبها وانا مااقولكم انها باريس بس يكفيني بيت اهلي الله يحفظهم ويخليهم لي

انا مب من سدير اصلاااا لكن عشت بالمجمعه ودرست فيها وتزوجت منها بس عشت بعدها في الرياض:(
امي برضو من حرمه<<<مايجتمعون المجمعه وحرمه
الله يحفظهم يارب وزوجي من سدير بعد بس مب ساكن فيها:(
من جد بنات سدير ميزتهم راعيات حمايل ويشيلن الحموله فوق راسهن وياكلونك بلسانهم
ورجالنا يارب تحفظهم يدللون ويحشمون الحرمه يمكن مب كلهم بس كل اللي اشوفهم من هالنوع ولو تبي لبن العصفور يقول امري تدللي
تصدقون يابنات اني عرفت ثنتين من هالتجمع وطلعت وحده صديقتتتتتتتتتتتتي واختها:)
وش رايكم نسوي دوريه ونتعايد باحد هالاستراحات المنتشره في ربوع الرياض ولا اقولكم خل نجتمع في حديقة المجمعه مب المقصوره لا ذيك الجديده اللي وش حلوها تفتح النفس


ويارب تسعدهم وتوفقهم والمسلمين اجمعين

هلا والله بحبايبنا السديراويات ..


ღღღღღღ

العزيزة.. q8-girl

حياك الرحمن ..

شفتي الفرق عندنا ولاء بس انتِ لا ;)

والله ونعم باخوالك دامهم منا ..

عاد احنا اهل سدير نحب ترابها ونبي نندفن فيها بعد ان شاءالله يارب ..

وبيني وبينك احنا لابغينا على قولتك ملاهي ومنتزهات مافي بعد الرياض والا القصيم ..

بس احنا مرتاحين والله هدوء كذا وراحه نفسيه بالبلد مو بالرياض ولاغيرها ..

يمكن لقله المعاصي فيها ان شاءالله ولانزكي على الله احد بس البلد هادي ..

فليش نتمنى عوار الراس ..

ودنا باسواق حلوة صح .. غيرها لا والله مانبي ..

مشكورة ياقمر على هالطله ..

لاعدمناك :26:

ღღღღღღ

العزيزة .. احلا حلا ..

حيالله الحلا كله ..

نورتي والله يالغلا ..

ههههههههههههههه حلوة ترفع يدها ..

كني بالبنات اللي اوله ع يرفعون يديهم :D

اوكي يالغلا ابشري بالكليب اقرب فرصه اسجله وانزله لانه مو عندي والله للامانه ..

وانبسطت كثير ان الانشوده كيف عليها ولد اختك ..

ولاشكر على شي يالغلا والله الشكر لك لمرورك الحلوة وطلتك الذوق ..

موفقه :26:

ღღღღღღ

العزيزة .. سديرويه

يالله حيها واسعد حيها ..

وراه الله يهديه مايبي ديرتنا :D

شوفي عندي لك خطه ماتخرش الميه لاجا الربيع ان الله احيانا ..

شبي عليه وتعالوا لو يوم لم منتزهاتنا الطبيعيه :D

والله انه بيكيف حتى لو انه مايحب البر لانه بالربيع من جد كأنك بابها ..

الله يحييكم ووالله لو بيدي كان اعزمكم وتنورون والله ..

موفقه :26:

ღღღღღღ

العزيزة .. شخصه

هلا ومرحبا ..

والله ماحد ينلام على حب ديرته ..

بس ليت كل الديار مثل ديرتي ;)

وبالنسبه للطبخ هذا وحده حبوبه تقول تعرف وان شاءالله تبلغك ..

نورتي يالغاليه ..

موفقه :26:

ღღღღღღ

العزيزة .. amalnoor

يالله حيها واسعد حيها ..

هههههههههههه انتي رهيبه وراك قصيتيها ..

والله ونعم بتمير واهلها ..

نورتي يالغلا ..

وموفقه :26:

ღღღღღღ

العزيزة .. وحده حبوبه جدا

ياهلاااا .. ومسهلاااااااا

هههههههه الا تأخرتي .. وينك رايحه << :D

عز الله امينه شغلها ماعليه كلام .. << قاصه شعري هي :D

وارقام الحريم لاهنتي ارسلي لي .. ووحده من الاخوات طلبته بعد ..

وانا والله نفسي اشوفك بس وين ومتى :D

والله يسعدني كثير كثير اعرفك :26:

وبالنسبه للردود يالغلا تيك ات ايزي .. ;)

عادي واثق الخطوة يمشي ملكا . .

يمكن هم مايلقون سعد صدر بسدير ..

يمكن يحبون اماكن الصخب والازعاج .

وبالنسبه للانتقاص انا معاك ماارضى احد ينتقص من ديرتي ..

بس براحتهم يكفي احنا نحبها ;)

وشوفي ماشااءالله الردود بنات ولاعمرهم عاشوا بسدير مع ذلك يحبونها عشان طيبه اهلها ووذوقهم ..

وبالنسبه للموضوع تمونين يالغلا اكيد ..

موفقه وشاكره مرورك :26:

ღღღღღღ

العزيزة .. كهرمان

يالله ياكريم انك تحييها ..

وتسعدها ولاتشقيها ..

ياررربي يحبك زي ماتحبينها ..

هههههههه الا يجتمعون والله يوم عرفت الحرماويات بالكليه اني عرفت انهم طيبين . .

وسبحان الله .. عاد انا مالقيت احد اعرفه :(

والا اعرفهم بس انا مو قادره اوصل صح .. :D

ايييه انا موافقه على الدوريه والله ليييييييته اشوف هالقلوب الطيبه ماشاءالله عليكم ..

من جد ماتخيلت هالكم من السديراويات فيه ..

الله يسعدكم جميعا ..

موفقه :26:

لا والله من جد ليش مانتفق ونلتقي ببعض<<<تعاني من الوحده والطفش بالرياض

من جد انا ماعندي صديقات هنا والقرايب مايغنون عن الصديقات لانك تاخذين راحتك معاهم بزود وتتعلمين منهم

ماقلتو متى الوعد ووين ومن يبي يجي<<<تراها مب اجتماعيه ابددددددددددد ويبيلها سنه علشان تاخذ على الواحد الله يصلحها

على فكره ترا انا من خريجات كلية المجمعه الله يحرسها ويحفظها ياحوبيلها بس