ياهلا والله وغلا بريحه سدير واهلها ........ ياناس شهيتوني اروح لها ... سبحان الله مريحه
نفسيا وخصوصا باوقات الامطار ياسلام على الاجواء ....

يؤيؤيؤيؤ
نسيتو الغاط وهي من اعرق مدن سدير ويوجد بها نادي وتقام بها مسابقات المشي
وايظا مستشفى
واميرها من السديري احمد السديري اذا انا مو غلطانه
وبجانبها منتزه المطل والله وش زينه اخر الصيف وايم الربيع
وهي تبعد عن المجمعه 50 كيلو
وفيها بيت عمي يا حبيله الله يطول عمره على طاعته
ويحدها في جهه من الجهات النفود
هذا الي اعرفه في مدينتي الجميله الي لي خمس سنين ما رحت لها والله العالم متى اروح
وكل وحده تكتب عن مدينتها علشان نتعرف على سدير

هلا هلا بحبايب سدير ..



العزيزة ... اشرااااقة أمل

هههههههه شفتني الحتسي على اصووول

بس من وين تصنفيني ؟؟


















انا من ... المـــجــمــعـــــــــة ..

مبين علي والا لا ؟ :D

نورتي ياقمر والله ..

والله يسعد قليبك :26:

ღღღღღღ

العزيزة .. تروووف

يوووه كلامك يخقق بجـد ..

وتسلــــــــمي والله على كلامك من جد خجلتينـــي .. :D

والله مابي اقول صادقه يقولون انه علشاني منها ..

بس والله هالكلام سمعته من كم وحده خصوصا اللي عن رجالنا ..

بس روحي ياشيخه ياجعل ربي يطلع اولادك احسن ناس وتشوفين برهم دنيا واخره ..

والله يحيييك والله نورتي الموضوع ..

وكلما ذكرتي شي ارجعي ياغاليه ..

والف شكر افادتك عن سدير ..

بس حلوووة فرنسا المجمعه ;)

أجل انا فرنسيه :D

مره ثانيه الف الف شكر لك ياقمر على هالطله الحلوة ..

والله يسخر لك زوجك قادر ربي الكريم :26:

ღღღღღღ

العزيزة ... بنت سدير

هلا هلا والله ببنت اغلى ديره ..

هههههههههه مهيب شينه قولي وش ينقال لكم :D

وتسلمي عل هالشهاده ياقمر ..

وصادقه من ناحيه المحلات ..

بس فاتحين عندنا محل شكبره فيه كلش يذكرني ببعض مراكز الرياض ..

يعني حقات البضائع المخفضه ..

رخيص وبضاعته حلوة وزين لتضييع الوقت :D

لاه ومسمينه المجمعه سنتر :D

بس والله اسعارهم جد حلوة ..

خذي مثلا انا شاريه لعبه اسمها فطومه من شارع السويلم بالرياض

اخذتها باربعين والهندي يحلف ان جملتها 37 مافي مجال ينزل ..

ولقيتها عندهم مخلق منطق بــ عشرين :30:

وعندهم صواني برا بستين وسبعين على اربعين اختها مره ماتفرقينها ..

فلّه شعر محسن عندهم بثلاثين ..

يعني ارخص بواجد واجد عن برا ..

وبيفتحون عندنا العثيم ..

بيكون تموين تحت وفوق ملابس وجزم ومن مجاميعه ..

يعني على قولتك شي احسن من لاشيء ..

يووووه انا ادوخ على طاري الجو الربيعي عندنا ..

وجمعات البر والتفحيط ..

الله يعيدها اايام ..

مشكورة ياعسل على مرورك ومعليش اسهبت بالكلام ..

بس والله نورتي ياغاليه ..

لاعدمناك :26:

ღღღღღღ

العزيزة ... كاس شاهي

هلا هلا والله ..

يابعدهم والله على هالكلام الطيب ..

والطيب مايجي منه الا الطيب ياغاليه ..

ونعم باهل العطاااااااار ..

ومشكورة على ردك على اللي سألت ..

وياليتك تشرفين سدير والله تنورينها ..

وعلمينا نقوم بواجبك ياعسل ..

نورتي ..:26:

ღღღღღღ

العزيزة ... بنت الجووود

تروف ماقصرت معااااك ..

اللي اعرفه ان محافظ المجمعه الان اسمه عبدالله المسعود ..

امممم

وفيه عندك بوضا ومبايض والشعب ..

والعطار وحوطه سدير وروضه سدير وعوده سدير ..
والغاط وام سدره وام سديره ..

الارطاويه اداريا تبعنا .. بس من سدير ماادري

حرمه وجوي ووشي ..


طبعا اكثرهم ذكرتهم تروف ..

وان شاءالله ان تذكرت شي رجعت به :D

وبالنسبه لثادق مادري بس اسألك ياعسل ..

مشكورة ياقمر على طلتك ..

وموفقه :26:

ღღღღღღ

العزيزة ... نبض السكون

هلا والله بك ياغاليه ..

هلا بك والله ..

وياليتك وربي تنورينها ونقهويك ياقمر ..

وان شاءالله ربي بيرزقنا ربيع هالسنه وجو ان شاءالله مامثله وتشرفونا ..

مشكورة ياقمر على طلتك ..

وموفقه :26:

العزيزة أم الرمسي ..

هلا والله ومرحبا ..

لاه من قال ناسينها كتبتها بس شكل ردنا جا سوا والله .. :D

وفعلا زي ماقلتي مطل الغاط حلووو وقت الربيع رحنا كم مره له ..

والله الغاط كلها حليوة وبناتها طيوبين عرفت وحده منهم مو مره بس كانت حبوبه مره ..

وصديقتي الروح بالروح اخوالها من الغاط ..

بس وش اسم ناديهم مرخ ؟ والا مرخ حق الزلفي والله مادري ..

مشكورة ياعسل على هالمعلومات القيمه والله ..

وحياك الله واهل الغاط كلهم حبايبنا ..

موفقه :26:

ياهلا والله وغلا ببنات سدييييييييييييييييييييير

بس اشوف كلمة سدير يفز قلبي لها .....

والوحدة اذا قالت انها من سدير احس اني اعرفها وتقربلي بعد !!!!

انا من روضة سدير بس ساكنة بالرياض من زماااااااااان ما رحتلها لاني اتعب من المسافة الصراحة امل واطفش .....

بس ازين شي انهم حطوا هرفي .... يم يم

بنات ... شفتو اللي في الروضة المناظر الكبيرة هي واضحة اللي رايحلها ... هذا مركز ابوي مسوية كل ما شفته قلت هذا اللي ابوي سواه >>> فرحانه

طبعا اهل سدير سنعات وحلوات وتهتم بالزوج وتدلعه >>> شافت روحها ههههههههههه

اعرفلك وحدة قصمنجية تقول لامي : انا اذا جيت ازوج عيالي ماني مزوجتهم الا سديراويات !!!!

قالت امي : ليش ؟؟؟!!!!

قالت: علشان هم خدومات يقطعون قلوبهم للرجل واهل الرجل ويحطونهم باعيونهم !!!!!

طبعا انا سديراوية % اما وابا ...

تحياتي ...