:: ألـــق :: @alk_4
عضوة مميزة
ღ♥ღ أحببــتـكـم .. فكـتبتــهـ لكـــم ღ♥ღ
بسم الله الرحمن الرحيم
حيـاكم ربي جميعـــا ياعزيزات ..
بداية ..
طلب بسيط أتمنى منكم تنفيذه .. ومابياخذ منكم وقت أو جهد !
تخيلي نفسك خارج معمعة الحيـاة ..
أو بمعنى أدق .. انظري للحياة من بعيد ..
شوفي نفسك وسط مشاكلك وهمومك اللي أنت فيها الآن ..
شوفي اللي حولك كيف بهمومهم ومشاكلهم ..
شوفي نفسك من بعيد وكيف أنت مضايقة نفسك ومكدرة خاطرك وحارمة نفسك من العيش براحة بال ..
طبعا أكيد .. بترحمين نفسك !
وبتقولين .. مسكينه أنا ..!
وبتقولين بعد .. ليتني أقدر أعيش نفسي أسعد إنسانة !
لكن أمرك عجيب ..
تعرفين ليه ؟!
لأنك تتمنين أمر بيدك .. وتقدرين عليه ..
والتمني يكون للأمر المستحيييل !
تبغين تكونين أكثر راحة واستقرار ؟؟
تبغين تكونين مبسوطة ؟!
عيشي دائما بقناعة :
( الرضا واليقين )
حكم ربي .. وأنا راضية فيه مهما كان ..
ومتيقنة حق اليقين بالفرج والسعادة ..
ومتيقنة بأن كل أمر يصيبني وكان في ظاهره شر لي .. فهو خير لي .. لكني ماأعلم الخير ..
لأن الله سبحانه مايكتب على عبده المؤمن شر محض ..
طبعا أكيد بتقولون احنا راضين ..
لكن لابد من الهم والضيق ..
بسألك :
جربت تقربين لله .. وماوجدت في نفسك راحة ؟!
والله ثم والله إن كل من اقتربت من الله سبحانه وتعالى ستجد الله قريبا منها .. ستجد الراحة والطمأنينة ..
ماقلته .. كثيرا نقرؤه ..
ونقول : الله المستعان .. الله يرحم حالنا ..!
لكن هل مرة صدقتي مع نفسك وجربتي بنية خالصة لله تقربين من الله ؟؟
أنا مابتكلم لكم عن واقع الصحابة .. عشان لاتقولون احنا وين والصحابة وين ..
هذي تجربة مريت فيها !
والله ثم والله يابنات إني ماأقول لكم إلا الصدق ..
مريت بأزمة نفسية لاتوصف .. وظروف صعبة جدا ..
وكنت أبغى أمر يتحقق لي ..
لكن الكل كان واقف بوجهي !
وكنت أتوقع ان حصول هالأمر لي هو الخير !
لكن ماكتب ربي أنه يحصل لي ..
ومريت بأزمة نفسية لاتوصف !
لدرجة إني كنت أحيانا أدعي ربي ( اللهم إن كان الموت راحة لي فاقبضني إليك عاجلا غير آجل ) ..
سبحان الله ..
فتحت مرة فلاش عن قيام الليل .. وماكنت أول مرة أشوفه ..
لكن سبحان الله الكلام كأنه اول مرة أسمعه ..
كنت أصلي .. لكن فقط تأديه للصلاة من غير إقامتها ( وأظنكم تعرفون الفرق بين إقامة الصلاة وتأدية الصلاة )
وكان الوقت بالليل ولسه بأوله ..
لكني وجدت نفسي منهاره , وماأحد حولي !
فرشت سجادتي .. وبكيييت
والله يابنات اني بكيت من أول ماكبرت .. من شدة الهم اللي كان فيني !
وشكوت أمري لله سبحانه ..
ودعيت ودعيت ودعيت بإلحاح ..
إلى آذان الفجر ..
طبعا النفس تحتاج مجاهدة بالبداية .. وتحتاج صبر ..
كنت كثير أضعف ويرجع لي الهم .. لكن مباشرة أتوضأ وأصلي ..
بأي وقت كان ..
وعلقت نفسي بالله .. أيقنت حق اليقين بأنه لن يصيبني إلا ماكتب الله لي ..
أجبرت نفسي على كثير من الطاعات .. لحد ماصرت ماأجد راحتي إلا فيها ..
كنت أدعي ربي بإلحاح إنه يعلق قلبي فيه .. ويرزقني الرضى واليقين ..
والحمد لله .. وجدت الله قريبا مني ..
رحيما بي ..
كثير من الأمور الآن تتيسر لي والله ماكنت أتصور انها ممكن تتيسر ..
حياتي صارت اكثر هدوووء واستقرار ..
أسأل الله ألا يحرمني فضله ..
وجربواا وصدقوني بتلاقون أفضل مما تريدون ..
ففضل ربي وااااسع سبحانه ..
طيب أمر ثاني ..
مشاكلك مع الناس كثيرة ؟
تحسين الناس تظلمك وأنت ماتنوين إلا الخير ؟
يعورك قلبك من كثر المشاكل والظن السيء ؟
يتعبك تفكيرك بالمشاكل ومعاملة الناس لك ؟؟
طيب جربتي تعيشين بقلبك ؟ تعيشين بقلبك الطاهر النقي ؟؟
بتقولين لي الناس ماتنفع فيهم الطيبة .. أقولك كلامك خطأ ..
لأنه إذا عاملتي الناس بطيبة وحسن خلق ..
بتلاقين نفس المعاملة منهم .. وصدقيني لو قابلوك بالإساءة مرة أو مرتين ..
لكن بالنهاية بيعاملونك بمثل ماتعاملينهم ..
( عامل الناس بمثل ماتحب أن يعاملوك )
طيب شايلة بقلبك على وحدة صار بينك وبينها موقف ؟
وكثير يخطر على بالك موقفها ؟؟
ودك تريحين قلبك وفكرك ؟
سامحيها ..
لاتقولين صعبة .. لو فكرتي بالأجر بيهون كل شي صدقيني ..
تعرفين ايش الأجر لو سامحتي وعفوتي ؟
الجــــــــــــــــنــــة
وماأظن وحدة فينا بتبخل على نفسها بالفوز بالجنة !
ولعلكم تعرفون قصة الصحابي الذي قال عنه الرسول صلى الله عليه وسلم أنه من أهل الجنة
فقد بات أحد الصحابة عند هذا الرجل ثلاث ليالٍ يرقبه ويرصده فلم يلحظ ما يلفت انتباهه حتى اضطر إلى سؤاله عن ذلك فقال: هو ما رأيت غير أني إذا أويت إلى فراشي لم أحمل في قلبي على مسلم حقدا ولا غلا ولا حسدا ...
وغير هذا ..
ربي جعل أجر المتسامح عليه سبحانه ..
يعني أجر غير محدود
قال تعالى: {فَمَنْ عَفَا وَأَصْلَحَ فَأَجْرُهُ عَلَى اللَّهِ}
شايفين يابنات كيف الدنيا بسيطة ..؟
ماتحتاج منا كل هالهم والضيق والبغضاء والمشاحنات ..
الدنيا ممر ومعبر للآخره ..
فكري فيها ..
بعد فترة بيقولون .. فلانة ماتت !
ايش بينفع وقتها ؟!
بتقولين ليتني ماتكلمت معها في هذاك الموقف عشان مايكون بقلبها شي علي ؟!
بتقولين ليتني طلبت منها تسامحني ؟
طيب تخيلي أنت اللي توفيتي ..
توفيتي وقلبك ايش فيه ؟
حب لله وتعلق برضاه ورحمته ومغفرته ؟
وإلا فيه كره لفلانة وحقد على علانة ووووو ..
طهري قلبك ..
عيشي حياتك ..
لاتضيعينها بالهم والكدر ..
وتأكدي كل مصيبة لها فرج .. وكل هم سيزول ..
لكن قوني قريبة من ربي ومتوكلة عليه ..
وصفي نيتك لله سبحانه ..
وصدقيني بتلقين
الــــــراحــــة
وبعدهــا
الجنـــــــة
أحببــتـكـم .. فكتبتــهـ لكـــم ..
:)
.
41
3K
يلزم عليك تسجيل الدخول أولًا لكتابة تعليق.
أولاً أحبك الله الذي أحببتنا فيه,,
وبصراحه كلماتك درر ,, بارك الله فيك ,,وثبتنا وإياك على طاعته وحسن عبادته,,
وبصراحه كلماتك درر ,, بارك الله فيك ,,وثبتنا وإياك على طاعته وحسن عبادته,,
الصفحة الأخيرة
كلامك عين العقل والله اللي يشوفه يرتاح على طول
مشكلة الاغلبيه هي القناعه محد مقتنع باللي عنده
وغير كذا الرضا بالقضاء والقدر
الله يجزاك خير ويرزقنا راحة البال في الدارين