آم سعد :

اهلين انا بفانكوفر ومن رواد النادي السعودي تجون عادي اول شي للنادي بعدين زوجك يقابل الرئيس ويعطيه رسوم الاشتراك وهو شي بسيط واذا اشتركتوا اخذوا ايملاتكم واضافوهن بالقروب تبع النادي اللي يرسل اي خبر او نشاط او جديد للنادي وبعدين يوم الجمعه دائما يكون للرجال والشباب ويكون فيه انشطه ومحاضرات والسبت عوائل الحريم تحت والرجال فوق بس موب خليطي واجتماع عادي قهوه وسواليف وفيه غرفه للاطفال ويكون تقريبا كل شهر يحطون يوم خاص كلن يسوي عشاء معه ويجيبه ويكون بوفيه ومره وناسه بس لا زم قبل تجين للنادي تتاكدين انه فيه اجتماع وفيه احد بيطلع لانه احيانا يلغى ولا ااحد يجي وبعد اذا بغيتوا تجون ارسل لك رقم الرئيس ونسقوا معه واذا كنتوا توكم جااين لكندا يساعدكم الله يجزاه خير واللي معه وفيه بعد يوم السبت للشباب والرجال دوري كره قدم وطائره

اهلين انا بفانكوفر ومن رواد النادي السعودي تجون عادي اول شي للنادي بعدين زوجك يقابل الرئيس...

آم سعد :

ياهلا والله انورت فانكوفر بوجودك زين بديتي دراسه الله يوفقك شوفي حبيبتي في تجمعات كثير ونشاطات بالنادي السعودي الجمعه رجال ويكون فيه نشاط او محاضره والسبت للعوائل جمعه حريم وقهوه وحلا وسواليف وانا مره احب النادي وانبسط فيه وانتظر السبت بشوق بس للاسف مادري وش صاير لهم الناس لهم اللحين 3 اسابيع ماطلعوا للنادي فيه دوري كوره طائره للرجال يوم السبت هالشهر وقطعوا عنا النادي وتعالي شوفي ضيقت الصدر اللي انا به مبطي ماسولفت على احد هههه وفيه بعد بكل حي شله جيران وتجمع بينهم بس انا مالي علاقه معهم مااعرفهم الا بالنادي بس اسمع عنهم وتعالي بس عندي ببيتي خلين اتعرف عليك ونصير اصدقاء شكلتس مثللي تحبين الناس والجمعات خخخخ واذا تبين راسلين على الخاص من عيوني انا ساكنه بالداون تاون

ياهلا والله انورت فانكوفر بوجودك زين بديتي دراسه الله يوفقك شوفي حبيبتي في تجمعات كثير ونشاطات...

Reham89 :

الله يعطيكي العافيه على ردك و ان شالله بعد اسبوعين بالضبط راح اجي فانكوفر و مرره خايفه من الغربه و الوحده بس ربي يسهلها ان شالله .... بس كيف اللغه معاكم لان عندي اللغه مرره معدومه و خايفه :44: و الله يسعدكم قولولي ايش الاشياء الضروريه الي لازم اجيبها و غير متوفره هناك لان خايفه انسى شي و هل هناك يبعو بالطو طويل لان تعبت و انا ادور بجده و مالقيت ...؟:09:

الله يعطيكي العافيه على ردك و ان شالله بعد اسبوعين بالضبط راح اجي فانكوفر و مرره خايفه من الغربه...