عين القمر نجلاء :

خلاص يالهنوف جيبي معاك حق 4شهوور عادي بنات أطلب من جيمبوري أون لاين عادي والا لازم أروح المحل

خلاص يالهنوف جيبي معاك حق 4شهوور عادي بنات أطلب من جيمبوري أون لاين عادي والا لازم أروح المحل

رغد الحياة :

السلام عليكم حبيبتي طولي بالك كل شي مقدر ومكتوب ماتعرفي وين الخيره فيه انتي ايش القسم اللي تقدمي عليه؟ يمكن يكون القبول فيه اسهل في غير جامعه وبعدين معليش حبيباتي ماتفهموني غلط بس انا مو مستوعبه كيف يجي الرفض اكثر من مره وكثير بنات يتكلمو في هالموضوع وسبق وتكلمت مع واحده من البنات في هذا الموضوع مسألة القبول ماهي مسألة حظ ابدا (عدا اقسام معينه جدا اللي مبنيه على المقابله الشخصيه او الخبره العمليه مثل الهندسات او الطب) بس بشكل عام الطلبات جدا واضحه يعني اللي عنده طلبات الجامعه يقبل واللي ماعنده مايقبل بكل بساطه شوفي ورقة الرفض ايش مكتوب فيها يمكن في شي من الطلبات انتي مو متوفره عندك ولو مو مكتوب شي اتصلي فيهم روحي لهم وافهمي ايش السالفه لو قالو مثلا درجه معينه مو عاجبتهم طوري نفسك في الامتحان اللي يطلبوه سواء كان توفل او جيمات او غيره وفي تورنتو في معاهد واستاذه متخصصين فقط في تطوير الطلاب بالامتحانات هذي يمكن في شي بالابليكشين ماعجبهم ماتعرفي يمكن رسائل التوصيه مكتوبه بصيغه خاطئه واحده من زميلاتي قبولها في الماجيستير كله متوقف على رسائل التوصيه اللي جابتها معها لانه طلع الدكاتره مو كاتبينا بصيغه مقنعه ابدا وقالو لها اذا انا ماعجبني اسلوب دكتور جامعه درسك كيف تبيني اقتنع فيكي كطالبه! اللي اقصده شوفو ايش الخطأ ووين وصلحوه وكل مشكله ولها حل باذن الله كل تأخيره وفيها خيره عارفه انه الصدمه صعبه بس انتي حبيبتي لاتشيلي هم ولا تتعبي نفسيتك بالزعل صدقيني الزعل ماراح يفيدك روقي وريلاكس واجلسي ادرسي الموضوع بشكل منطقي ماشاء الله لاقوة الا بالله باين انك طموحه وعندك فرص كثير شوفي ايش الاخطاء اللي كررتيها وايش الخيارات الثانيه المتوفره لك وادعي ربك الله يختار لك الخير بالنسبه للدبلومات انتي شو اختصاصك وايش حابه تدرسي عشان اقولك على الكليات المناسبه له باذن الله :) دبلوم ال تيسول له مستقبل كبير شوفي الاخت نيني عندها خبره فيه راسليها وان شا الله ماتقصر معاكي :) http://forum.hawaaworld.com/member.php?u=63858 وفي النهايه صدقيني ماتعرفي وين الخيره فيه انا لما كنت اقدم على البكالوريوس كان مرررررره ودي ادرس في يورك واهلي مره مو مقتنعين ادرس في جامعه يهوديه بس مامنعوني من التقديم وكنت اشوف بابا يضيق صدره كل ما اجيب سيرة يورك ومع كذا طنشت لاني كنت مقتنعه فيها مرررررره والقسم اللي كنت ابيه يعتمد القبول فيه على البورتفوليو وامتحانات تقنيه ومدري ايش وسبحان الله قبلت في كل شي بس يوم وصلت للمقابله الشخصيه ماعجبهم شكلي بالحجاب وصار مناقشه دينيه وقت المقابله (على فكره ٨٠٪ من دكاتره جامعه يورك يهود) ورفضوني وبرضو كثير تأثرت انه انرفضت لسبب عنصري مع انه كنت عارفه في طلاب اقل مني درجات واعمالهم مره زفت وانقبلو وتخيلي اخذت سنه كامله اوف لاني كنت مصممه اني ابي جامعة يورك وطنشت القبول اللي جاني من تورنتو وبعد سنه قدمت من اول وجديد ودخلت دوامة الامتحانات والمقابلات والقرف وبعد جهد جهيد جاني القبول في يورك بس سبحان الله ما ادري كيف الله الهمني واستخرت وقررت اني ادرس في تورنتو ( يعني ضيعت سنه وحرقت اعصابي على الفاضي!!) مع انه كنت كاتبه ورقه فيها يمكن عشرين سبب ليش ما ابي تورنتو لكن بعد الاستخاره من اعماق قلبي انا متاكده انه الله يعرف وين الخيره فيه هو عالم الغيب ولهذي اللحظه ما اعرف ايش سبب قراري ولا راح اعرف وانا في النهايه ضعيفه اتأثر بعوامل الحياه من غير ما اعرف انه الله سبحانه وتعالى هو اللطيف بعباده وهو ارحم الراحمين ( لله أرحم بعباده من هذه بولدها) ولما استخير انا المفروض اقتنع انه الله اختار لي الخير حتى لو السبب ما ظهر لي في الواقع وتأكدي انه اي عقبه تصير لك في ميزان حسناتك والله يوفقك ويختار لك الخير وين ماكان واذا محتاجه اي شي لاتخجلي كلنا اخوات :)

السلام عليكم حبيبتي طولي بالك كل شي مقدر ومكتوب ماتعرفي وين الخيره فيه انتي ايش القسم اللي...