ناس في هالدنيا :

رجعت 3 صفحات لورا بس كله ولاده ومستشفيات وش قصتكم؟؟ عارفين اني بالمستشفى؟؟ مستشفيات كندا مافي احد يقدر يقول كلها ممتازه او كلها مو كويسه .. حسب المدينه والمستشفى نفسه ولاتنسون الزحمه الي عندهم تاثر على مستوى العنايه في الغرف لكن الولاده كولاده هذي تساهيل من رب العالمين هذا موقع مره ممتاز في تقييم للدكاتره حسب المدينه والتخصص .. تستفيدين منه بطريقتين اذا كان عندك موعد مع دكتور او دكتوره ماتعرفينهم تدخلين الموقع وتشوفين اراء الناس عنهم وتقييمهم لهم والطريقه الثانيه اذا كنتي تبحثين عن دكتور او دكتوره بتخصص معين ومو لاقيه .. تدخلين الموقع وبتلقين اسم الدكتور وعنوان عيادته ورقم تلفونه واذا ياخذ مرضى جديدين ولالا بس بنات بليز قبل لا احط لكم الموقع لاتنسوني من دعوه بظهر الغيب بان ربي يسهل امورنا ويفرج همومنا ويكتبلنا التوفيق بالدراسه والسفر ويسخرلنا خلقه ويرزقني الذريه الصالحه الباره تامه الخلق والخليقه بلا زياده ولانقصان ويسهل تربيتهم على ولكم ولك بنات المسلمين مثلها اللهم امين وشخصيا استفدت من الموقع هذا كثييييييييييييير قعت فتره طويله بالسنين مو الشهور ادور على دكتور تخصص معين ماني لاقيه يقولولي الويتنق ليست لسنه قدام او الدكتور ماياخذ مرضى جديدين واضطر روحاتي للسعوديه اقضيها مواعيد مستشفيات وبعد جهد جهيد وواسطات من النيرسيس في كلينك الجامعه وحوسه لقيت موعد مع دكتوره وقالولي بعد 5 شهور .. رحت لها بس ما ارتحت لكلامها ولا لعيادتها وقمه الاستغلال المادي وبعدها عرفت الموقع هذا وفعلا كان احساسي صحيح كل الناس الي كاتبين عندها قالو كلام مو كويس فتركتها وغيره من القصص بهالديره الي صعب تلقين فيها دكاتره كويسين :09: على فكره الموقع نفسه يغطي بريطانيا والهند وامريكا .. وفي استراليا لكن للحين يعتبر قسم استراليا صغير لانه جديد فمافي دكاتره كثير ان شاءالله قريب راح انزل نفس الموقع في موضوع لوحده في القسم مع شرح طريقه الاستخدام لكن بعد ما اطلع من المستشفى على خير ان شاءالله

رجعت 3 صفحات لورا بس كله ولاده ومستشفيات وش قصتكم؟؟ عارفين اني بالمستشفى؟؟ مستشفيات كندا مافي...