قصيدة عذبه .. لاتصلح الا لذائقتكمـ ..
.
.
الليل باله طويل .. وما توقعته
...................... يرمي علي المواجع في ربع ساعة
من يوم ما اسدل ظلامه وجّه اشرعته
...................... على مواني التعب والضيق واوجاعه
يا ليل : يا كثر همٍ بك تجرّعته
...................... والقلب مستسلمٍ بالسمع والطاعة
يا ليل : لي صاحبٍ من يوم ودعته
...................... والعمر متوقفٍ من لحظة وداعه
سلمته العمر .. شاله داخل امتعته
...................... واقفى وخلى لي الحرمان بانواعه
لا الوقت جابه .. ولا الأحلام رجعته
...................... والصبر يلوي ذراعي والوي ذراعه
مخنوق واللي بقى من هالصبر بعته
...................... ولا ادري إذا صاحبي .. كثر الغلا باعه
يا كثر للحب ما اغريته وشجعته
...................... لين اصبح الحب ينبض داخل اضلاعه
ويا كثر للوصل ما حاولت واقنعته
...................... وبعد اقتناعه يغيب وعذره اوضاعه !
ويا كثر بالحب ما جاني ودلعته
...................... أطرب لصوته وشعري يطرب اسماعه
كان بيدي بس مدري كيف ضيّعته
...................... وضيّعت عمري معه والوقت شمّاعة !!
غيابه الموت .. لكن ما توقعته
...................... يبخل على صاحبه في رفع سماعة !!
لـ زايد الرويس
.
Oo الــدخيــله oO @oo_aldkhylh_oo
مساعدة مشرفة الواحة الأدبية
يلزم عليك تسجيل الدخول أولًا لكتابة تعليق.
يا ليل : لي صاحبٍ من يوم ودعته
...................... والعمر متوقفٍ من لحظة وداعه
كان بيدي بس مدري كيف ضيّعته
...................... وضيّعت عمري معه والوقت شمّاعة !!
تسلم يدينك على النقل
القصيدة راااائعة
...................... والعمر متوقفٍ من لحظة وداعه
كان بيدي بس مدري كيف ضيّعته
...................... وضيّعت عمري معه والوقت شمّاعة !!
تسلم يدينك على النقل
القصيدة راااائعة
الصفحة الأخيرة
يسلمووووووووووووو