بسم الله الرحمن الرحيم
كيفكم جميعآ..؟! :)
المهم مالكم بالطويله ادخل في المهم على طوول لاني ماهره جدا في المقدمات
في يوم من الايام صحيت بدري وسويت هالغداء هو عادي جدا بالنسبه لابداعاتكم بس قلت يالله ننزله
ولا تعليق على الصحون لاني ماكنت عارفه اني بأنزله ولا كنت تفننت شويه بس اهم شيء الاخلاق واللي تعادل هنا الطعم
هذا وانا قلت ما بأطول بس ايش اسوي الطبع غلاب
الغداء عباره عن دجاجه شوايه بالفرن رهيييبه والله كانها جاهزه
اولا هذي الدجاجه فركناها بملح..||~
وهذي البهارات المستخدمه لسلق الدجاجه :ملح وفلفل اسود وكمون وماجي و نص قرن ثوم بقشره و نص بصله وفلفل اخضر صحيح واي بهار يناسبك
وهنا سلقنا الدجاجه .. =)
ونضجت دجاجتنا العزيزه>>>>نص استواء p:
وهذي البهارات اللي راح نستخدمها في التتبيله .البهارات المستخدمه لتتبيل السيده دجاجه من الخارج هي فنجان زيت {والفنجان المستخدم فنجان شاي}م ص كركم {مصفر} نص ليمونه بقشرها وفلفل اسود وكمون فلفله خضراء وملح حسب الرغبه
تخلط جميعا بالخلاط وتدهن بها الدجاجه من برى والباقي اضعه في بطن الدجاجه . .
لحشو الدجاجه بصله مقطعه قطع صغيره وبطاط مقطع نص ليمونه مقطعه بقشرها
الثوم والبصل والفلفل اللي سلقناه اول مع السيده دجاجه
وهنا جهزنا العده =طبعا الشغل هذا كله الدجاجه بجلدها مانشيله
وبدأنا بحشو بطن الدجاجه اول شيء بالبصل . . .
ثم الليمون >>حبيبي
وهذي البهارات اللي سلقناها اول مع الدجاجه نحشاها بها مع البصل والليمون
بليز يابنات لا احد يرد خلنا نكمل موضوع السيده دجاجه..
وهنا البطاط اخر شيء . . .
وهنا السيده دجاجه مع البطاط والخضار اللي تبغيها
وهنا تبلنا الدجاجه بالخلطه اللي خلطناها اول
وهنا بشكل اوضح
وبعدين لفيها بطبقتين قصدير وتفنني في اللفه على كيفك >>لا تغارون ما بتعرفون زيي