تطبيقاتي بعجينة العشر دقايق ..
فطاير السبانخ
وجبنة حلوم
والسينامون رول
وشوربة البروكلي
تفوحين البروكلي وبصلة في شوربة دجاج تقريبا خمس الى عشر دقائق
تخلطينه في الخلاط ليتكون خليط
قليل من الزبدة تشوحين فيها زهرات البروكلي وتضيفين خليط البروكلي وممكن في هالمرحلة تضيفين نشا ان حبيتيها غليظة .. خليها على النار لين تمتزج تحبين تضيفين كريما في هالوقت ضيفي .. انا اضفت في الاخير كنت ابي شوي على الوجه بس
زيني الشوربة بالخبز المحمص وبعض زهرات البروكلي وقدمي
وصحة وعافية
وأصابع الكيري بالفستق
الطريقة :
عجينة رقائق السمبوسة محشية كيري ومقلية
بعدين اتغمسين اطرافها بالقطر وبعدها بالفستق
وترشين شوية قطر عليها وبالعافية
وقبة البطاطس باللحم المفروم
الطريقة :
تفوحين البطاطا لما تلين اتقشرينها وتهرسينها وهي حارة وتضيفين ملح وروزماري وزبدة شوي
وتكونين مجهزة (كيمة ) تجيبين ملة شوربة فاضية وتغلفينها بورق نايلون من داخل وتحطين البطاطس بحيث ياخذ شكل الملة على الاجناب وفي القاع بعدين تحطين طبقة كيمة وطبقة بطاطس مهروسة وهكذا حتى تكون اخر طبقة هي البطاطا
تخلينها تبرد شوية وتتماسك وبعدين اقلبيها وشيلي النايلون
وبالعافية
تطبيقاتي بعجينة العشر دقايق ..
فطاير السبانخ
وجبنة حلوم
والسينامون رول...
تسلم الأيادي.....