مساكم دفا مامات

بنتي عندها منطقة الحفاظ والضهر مكان شريط الحفاظ احمر وخشن جربت الزيت و الفازلين و كريم التهاب الحفاظ و مانفع معاها تتوقعون من الحليب و لا من بامبرز

السلام عليكم امهات ......
وش الحل مع الامساك اولدي عمره خمسه شهور ومعه امساك وحليبه ٢٦

صباح الخير
اخباركم امهات واخبار بيبيهاتكم
روحي كول انا استخدمت لبنتي فنستل بس مافي فايده وجربت الزيت السمسم احس خفت بس شوي تطلع كل الي ترضعه ومعاه البلغم الله يشفيهم ويرفع عنهم تحزن وتقطع القلب مع الكحه

السلام عليكم ياحوائيات وياكروشات سابقاً

معليش تأخرت عليكم بقصة ولادتي يابنات تجمعي الله يذكركم بالخييير

انا لي عشرين يوم والده وكنت مخلصه التاسع وماخذه من العاشر اسبوعين تخيلوو
مرره طولت وملييت من عمري ومن دخلت التاسع باسبوعين وانا اشرب خلطة الحلبه والكمون والنينخه واليانسون والشمر والمحلب وحبه سودا كل يوم كاس وبعد ماخلصت التاسع باسبوع رحت للدكتوره وسوت لي تخطيط وقالت وضع البيبي سليم الحمدالله
بنعطيك موعد بعد اسبوع اذا ماولدتي نعطيك طلق صناعي وانا ماابي الصناعي ابددد مجربته ثلاث مرات ابي طلق طبيعي
وخلصت الاسبوع وماولدت بس كان يجيني تحجرر فبطني من دخلت التاسع ومررره يألم وخلال الاسبوع الاخير كثررت مشي وادعي كثيير واشرب زمزم قاريه فيه ورد الولاده واشرب حليب بقرفه ومسمار وعسل وزعفران وقبل مااولد بيومين التحجر زاد المه ونزلت علي سداده الرحم فررحت ان ولادتي قربت ونفس الوقت خلصت المده اللي محددتها الدكتوره خلاص بكره لازم اروح ويعطوني طلق جهزت اغراضي وشناطي ورحت امشي وادعي ربي وقبل ماانام جا في بالي اتبخر بكمون وقشر بصل قلت مدامني بروح بكره خل اجرب مب خسرانه ان جاني طلق زين ولا الشكوى لله
رحت وتبخرت وجلست نص ساعه ع البخور وارتحت لحرارة الجمر
قمت وتدفيت ونمت يمكن نص ساعه وقمت على الم التحجر وكان قووووي يوجع اكثر من اول وفجاأه حسيت بمويه تنزل خفت اني سويتها على نفسي بس مستحيييل قمت ورحت للحمام واشوف والاها موية الراس وتنزل بغزاره فرحت اني بولد وخفت من الولاده خذت لي دش دافي سريع وطيران ع المستشفى وفالطريق بدا الطلق بس محتمل والمويه تنزل وزاد الطلق
وصلت المستشفى ومعي ورقة التنويم ودوني غرفة الولاده ع طوول قبل يكشفون علي
كانت الساعه 12 ونص فالليل حطو لي التخطيط والطلق زاد معي كل عشر دقايق ثم كل خمس دقايق قلت ابي الدكتوره تشوف كم الرحم فاتح
قالت بتجي بعد ساعه
وجت الساعه وحده ونص وقاست لي قالت مفتوح سته سانتي فررحت قلت الحمدالله مااحتاج صناعي قالت لا
والغريب ان جهاز التخطيط مايبين قوة الطلق يطلعه لهم ضعيف وهو قووووي مررره
قالت معك طلق قوي قلت اييه مرره اتألم وعطتني الكمام المخدر وخفف عني شوي حسيت اني فعالم ثاني
وبعد كشفها علي صار الطلق حاااار وورا بعض تخيلو كل دقيقه او كل دقيقه ونص يعني ماارتحت ابددد
جلست على هالحال من وحده ونص الى خمس الفجر وانا اتلوااا ومعي الكمام مره احطه ومره اشيله قلت للنيرس قيسي كم انفتح زياده لاني خلاص بمووت قاست لي ووجعتني مررررره جلست اصيح اترجاها تشيل يدها والمصيبه قالت لسا مفتوح سته ونص يعني كل هالالام على نص سانتي تحطمت قلت شكلي بولد بعد يومين اذا على كذا
المهم شكلها سوت تحريض زياده ووسعت عنق الرحم لانها طووولت وهي تقيس واحس وكأنها تدور باصابعها
الالم زاااد مرررره وجت الساعه ست ونص خلاااص حسيت بالمووت وانا مرهقققه من الكمام دوخني مررره جت فجأه خذت الكمام مني ورفعت رجولي وقالت يله دفي دفي وجت الدكتوره
انا مستغربه كيف بولد الحين وهو لسا ماانفتح
ويقولون يله دفي وانا دااايخه ومافيني قووه للدفع حاولت مرتين ثلاث وزي السكرانه منهد حيلي وخوفتني قالت ترا البيبي بيتعب يله دفي بقوه
من قالت لي ترا بيتعب استجمعت قواي ودفيت بقووووه والحمدالله طلع ولدي وسمعت صراخه وفرررحت بالخلاص وصحت ليه ماادري،،

وبس الحمدالله هذي قصتي..

ياطووووول قصتي ههههههههههه