السلام عليكم ورحمة الله
اسعد الله أوقاتكن بكل خير
نضارة البشرة وجمالها أهم علامات الجمال والأنوثة الطاغية ,,
ولتألق بشرتك ينصح خبراء التجميل بعمل حمامات البخار لجسمك وبشرتك للعناية بحيوتها ونضارتها بشكل دائم ..
حمامات البخار انتشرت من العصور القديمة وتعتبر من أفضل الطرق لتنظيف الجلد بعمق وتساعد على استرخاء وراحة الجسم
راح اتكلم بموضوعي عنها بشكل مبسط
أتمنى لكم الفائدة
حمامات البخار:
• تنظف البشرة وتحميها وترطبها بشكل دوري
• تناسب جميع انواع البشرة
• تعمل على فتح المسامات واستخلاص الجلد الميت والاوساخ
• تساعد على استرخاء العضلات وشد الجسم
• تنشط الدورة الدموية
• تجدد حيوية الجسم وتساعده على الاسترخاء والمتعة
• يساعد على توحيد لون البشرة وصفاءها
• الحوامل ومن تعاني من الربو والسكري وفقر الدم والضغط عليها استشارة طبيبتها قبل عملها
• متوسط عملها في الشهر الواحد من مرة الى مرتين
( لاتتهورين وتصيرين كل يوم يومين مرتزه بالخيمة
لان الجلد له دورة لتجديد الخلايا وغير كذا يفقد الجسم كميات كبيرة من السوائل
اعرف وحده اشترت الخيمة وكل شوي تدخلها تقول تبغى نتايج سريعه
تقول فجأه حسيت اني دايخه وماعاد قدرت اتحرك ويالله سحبت نفسي وطلعت منها )
• نتايجها لاتظهر من اول حمام ممكن من ثالث او رابع حمام راح تشوفي النتايج
( توحيد لون الجسم + ترطيب ونعومة الجلد + راح تلاحظين لمعة حلوة بالجلد )
أشهر أدوات حمام البخار خيمة الساونا
طبعا هي عدة انواع وانا راح اتكلم عن النوع اللي عندي
هذي صورتها
تلاقونها بالصيدليات وساكو ومحلات التجميل العادية اشتريته عن نفسي 250 ريال مع ضمان سنة
لكن اقرأ كثير بنات يشترونه بسعر أغلى من كذا يوصل 400 ريال وبنات يشترونه بأقل من كذا بعد ..
*
*
طريقة تركيبه بوضحها بالصورة لكثرة الاستفسارات عن النقطة هذي /
* أول شئ عبي الجهاز بموية أقل حد الى الإشارة الحمراء الموضحة بالصورة
* هذي صورة الخيمة من الخلف رقمتها عشان اوضح اكثر
* اول خطوة وصلي الجهاز بالخيمة عند الرقم (1)
*بعد كذا وصلي المنفاخ بالخيمة عند الرقم (2)
وبعد ماتنفخين الخيمة قفليها بالسدادة رقم (3 )
هذا اللي مؤشر عليه بالسهم مالكم شغل فيه
خلوه عادي طبعا تعمدت حطيت صورته لان في صبايا يستفسرون عنه
يقولون يبقى فتحه وش نسوي فيها عشان الهواء
* بعد كذا شغلي الجهاز من هون
*
*
طريقة تنظيف خيمة الساونا /
* خصصي فوطة بعد ماتخلصي حمامك مرريها على الخيمة من داخل
واتركيها مفتوحة لحد ماتجف تماما من الموية
* لو لاحظتي بقعة عليها نظفي مكان البقعة بصابون وماء
يتــــبع
راح اكتب طريقته اللي اعتمدتها من سنة أخذتها من وحدة مغربية الله يسعدها ..
الأدوات /
هذي صورة العدة حقتي طبعا بإضافة الليمون والصابونة أخاف يزعلون لو ماصورتهم مع الأدوات
1/ صابون مغربي سائل (قوامه مثل المربى يعني مو سائل مره )
2/ صابونة الطاؤوس ( أو اي صابونة تناسب بشرتك )
3/ ليمونه < ممكن الاستغناء عنها اذا كانت البشرة حساسة
4/ حنا ( العادي الأحمر المعروف )
5/ طين مغربي
6/ نشا
7/ زيت الخزامى
8/ صنفرة المشمش ( او أي نوع صنفرة )
9/ صحون وملاعق بلاستيك عشان اخلط فيها من الكسل مافيني كل مرة اروح المطبخ
10/ ليفة مغربية او ليفة بودي شوب نسيت اصورها
الطريقة /
• جهزي الخيمة وشغليها تسخن على بال ماتجهزين الخلطات
• جيبي صحنين بلاستيك و جهزي الخلطة الأولى :
( 2ملعقة صابون مغربي + حنا + عصير الليمون )
• الصحن الثاني جهزي فيه الخلطة الثانية :
( طين مغربي + نشا + 2 ملعقة صنفرة المشمش + قطرات من زيت الخزامى )
• ادخلي الخيمة واجلسي فيها من 10 الى 20 دقيقة << لاينصح بمدة أكثر من كذا عشان السوائل اللي بالجسم
• بعد كذا اطلعي وادهني جسمك بالخلطة الأولى وادهني وجهك كمان واغسلي وجهك بنفس الوقت اما جسمك اتركيه لمدة عشر دقائق
# ممكن أثناء انتظارك بهالفترة تزيلين الرؤوس السوداء لأن بشرة الوجة تعرضت للبخار فأكيد المسامات مفتوحة
أما بالأداة ذي
تلاقونها ببودي شوب او تجيبين خيط وتلفين اطرافه على اصابعك وتمررينه على أماكنها
• بعد كذا اشطفي جسمك بالموية الساخنة ( حسب تحملك )
• وجيبي الليفة المغربية وافركي من الأسفل للأعلى بشكل دائري عشان تتنشط الدورة الدموية وركزي على الأماكن الخشنة الركب والأكواع راح تلاحظين الجلد الميت كيف ينزل
• بعد كذا اغسلي جسمك بصابونة الطاؤوس او صابونتك اللي تناسبك وغسلي شعرك كمان بالشامبو
• بعدها وزعي الخلطة الثانية على جسمك وخليها ربع ساعة كذا
# ممكن أثناء انتظارك تفركي أقدامك بالحجر
• آخر خطوة اشطفي جسمك بدون استخدام الصابون وحاولي آخر شطفة تكون بموية بارد ( حسب احتمالك عشان تتقفل المسامات )
طرق أخرى /
• البعض يكتفي بالصابون المغربي بدل الخلطة الأولى
• البعض يستبدل الخلطة الثانية بطين وماء ورد فقط بدون أي اضافات وتحطها على الجسم والشعر ايضا واذا كانت البشرة دهنية تضيف ليمون لها ,,
• البعض يستخدمون الصابون بعد الخلطة الثانية مو الخلطة الأولى مثل طريقتي ,,
• البعض يختصرون ويحطون بدل الخلطة الثانية فقط صنفرة كاب او أي صنفرة
ملاحظة / مو شرط وجود خيمة الساونا لعمل الحمامات المغربية بس حنا نشتريها اختصار للوقت
أصلا أغلب الاخوات المغربيات ماعندهم الخيمة وطريقتهم يفتحون الموية السااااخنة ويغلقون الشبابيك والباب حتى يمتلي البانيو ويصير الحمام مليان بخار وبعدها يجلسون في البانيو ( طبعا حسب تحمل البشرة ) لمدة 10 دقائق او ربع ساعة
طريقة أخرى لاستخدام خيمة الساونا /
هذي الطريقة جربتها وعجبتني نتيجتها كمان .
• قبل تدخلين الخيمة ادهني جسمك كامل بالجلسرين السائل + ليمون واجلسي المدة اللي تقدرين عليها ساعة أكثر أقل حسب وقتك يعني
• ادخلي الخيمة واجلسي من 10 دقائق الى ربع ساعة
• بعدها افركي جسمك بالليفة وانتي داخل بشكل دائري من تحت لفوق
• من ثم اطلعي وقبل تغسلين جسمك ادهنيه بأي نوع صنفرة عندك وافركي فرك خفيف واذا عندك فرشاه مثل حقت الاطفال يكون أفضل
• كملي الشاور عادي وانهيه بشطفة باردة لقفل المسامات
بعض النصائح المهمة جدآ
قبل الساونا /
• اشربي كوب ماء او عصير ولاتدخلي وانتي جيعانه
• ممكن تضيفين للماء اللي بالسخان ورق نعناع او قطرات ماء ورد او قطرات من أي زيت عطري
فالجمال ينبعث من الداخل والزيوت العطرية تساعد على الاسترخاء ونزع التوتر والارهاق من الجسد
• يفضل عمل حمام زيت للشعر استغلال للوقت اللي راح تقضينه بالخيمة
أثناء الساونا /
• ابعدي رجلينك عن مصدر خروج البخار عشان ماتحترقين لاسمح الله
• وجودك بالخيمة فرصة للاسترخاء واستغلي الوقت بذكر الله والاستغفار
• الفرك لايكون عنيف لانه بيعطي نتيجة عكسية للاسف
• لو حسيتي بدوخة اطلعي على طول
بعد الساونا /
• احرصي تكون آخر شطفة بماء بارد ( حسب استحمالك ) الماء البارد يقفل المسامات
و يشد الجلد وحلو لفروة الرأس
• احرصي احرصي احرصي على الترطيب لان البخار يسبب الجفاف لو مارطبتي
و أفضل طريقة للترطيب تدهنين جسمك وهو مبلول بالماء قبل تجففينه