اللهم آمين

دمتي حبيبتي لمن تحبين
:)

زوجي احبه واموت فيه كفايه علي حنانه وحبه الله لايحرمني منه يارب

من جد قلبي الحين مثل ذالقلب اللي يرقع < يخفق خفقانا شديدا :22:

يافديت روحه و كله حبيبي بشتاق له موووووووووت

مب قايله انا الاشياء اللي سويتها له

بقول بعض المفاجآات اللي سواها لي

قبل ما أطلع من الاربعين بخمسة أيام < لاااازم أربعين يوم عندها

قال لي تعالي بطلعك مشوار مهم

وأروح ماعلي إلا بجامة عادية على الاقل جديده خخخخخخ

إلا ويوقفني قدام مشغل نسائي ويعطيني فلوس : يالله روحي تسنعي هههههههههه وأدخل طبعا مابي أكسر خاطره فديته

واقص وأصبغ و اسوي بودي كير و حمام مغربي و مكياج

يوم رجعت البيت الا و القاه مجدد ترتيب الاثاث و الشموع مولعه في كل مكان

و في المجلس على الطاوله كيكة تجنن مكتوب عليها : اشتقت لك

و ادخل غرفتي والمفرش الجديد وعلى الطاوله هدية طقم ذهب مررة نايس و كتاب اسعد امراة في العالم ههههههههه

ومجله مدري شتبي ورواية وعطر ناعم مررة و قميص نوم يجنن طبعا مع ملحقاته من كريمات وحركات< فاهمني

الموقف الثاني :

في الانفرسري مستنية الهدية على احر من الجمر وهو مسوي نفسه ناسي وضابط الدور تماااااااااام < اعنبو ابليسه حتى الابتسامة ما ابتسمها

الا ويقول خوذي لك كم قطعة بنطلع في استراحة بنلعب الولد < انا شوي وأصيح خخخخخخخ

تصدقون كنت شاكة انه مسوي لي مفاجعه :42: بس طيح وجهي وانا أحط السيشوار في الشنطة وفرشة الاسنان و منشفتي < مخربتها

يوم قال : ليش تاخذينهم ... يوووووووه طاح وجهي قسم بالله فشيله هههههههههههه و أرجعهم مرة ثانيه

وهو يمثل دور اللي راحمني وانه بيعوضني يوم ثاني على هذي الدنيا هههههههههههه

الموهم رحنا لمحل وقال لي اختاري هديتك وانا حدي مبسووووطة على الاخر

ونمر من عند فندق مشهور في الرياض ويقول : شرايك ننزل فيه ..؟؟

قلت : تخيييييييييل هههههههههه

ويسوي نفسه بيدخل في مواقفه ويرجع يطلع < رفع ضغطي ونشف ريقي الله يهديه ههههههههههه

وناخذ لفه على الفندق تخيلي

الا و يرجع يدخل ويوقف وانا ماصدقت واشوفه يسلم المضيف مفاتيح السيارة

وههههههههههههه وربي اني اتحمد ربي ان علي نقاب وللا كان بتفشل من كشرتي اللي فاتحتها خخخخخخخ

وادخل الجناح والقاه مجهز بكل شي لبى قلبه ماقصر فدييته فاد فيه التعليم ههههههههههههههه

الموقف الاخير < مب ساكته

أمس كان يوم غييييييييير اكتشفت حجم حب زوجي لي ولأسرتي الصغيره ومب قايله لكم التفاصيل هههههههههههه

يارب لا تحرمه مني ويخليني له و يخليه لعياله ويخلي لكم ازواجكم ويبارك لكم في اعماركم

معليش يابنات مشاعري اليوم فايضه ههههههههههههه وخربتها بالسوالف

بس والله استحي اسولف السوالف هذي لخواتي مابي أتباهى عندهم :( أحس صدري بينفقع ابي اسولف لأحد

تبون سوالف ثانيه سولفت عليكم < قايله لكم مخرفه اليوم

سؤال المسابقه : كم مرة وردت كلمة سوالف في السالفه كلها :icon28:

معليش ما اقدر انظم الليله لكم اني زعلانه عليه وما اكلمه بس اموت فيه

^ ^ ^ ^

يابنت الحلال تعوذي من ابليس ليش زعلانه منه < ملقوفه فاضيه