السلام عليكم كيفكم بنات ان شاء الله ولدي راح يدخل المدرسه السنه الجايه اذا الله اراد اليوم رفع ضغطي في كتابة الحروف ابغا افكار لتعليم الاحرف او تقولولي على كتب تنباع في المكاتب تكون تعليميه طلبتكم لاترودوني

يسعد قلبك يالماهرات اليوم كان شكلي اهبل وانا ابغ افهم هالصفحة فالاخير قلت لبنتي لونيها وخلصنا

سؤال حبيباتي عارفة يامكثر اسئلتي استحملوني
فيه بنات ناس اقارب وحدة خامس ابتدائي وحدة اولى متوسط امهم مو عايشة معاهم و يدورو على مدرسة خصوصية
فكرت ادرس بنت خامس بمقابل طبعا بس ماني عارفة عن مناهجهم من فيكم عندها طفل في خامس تقلي كيف مناهجهم

هلا وغلا بالبنات الجدد ,, اميره بصفاتي وام وسن وفسطين حره وام مجد الشمس المحرقه ..


ندوشي والماهرات ,, حياكم الله من جديد ومن طول الغيبات جاب الغنايم

صمت الجروح ,, والغلا كله ,,
نفس معاناتي ولدي عندي ممتاز ومنظم وعند المعلم ولاشي , اليوم كتب لولدي في اخر الدفتر انو مايتجاوب ,
طيب ايش اسوي اذا انا واثقه انو دارس وحافظ . وزي ماقلتي احسن حتى معلم ولدي مرره متشدد ومو مراعي انو لساتهم باول مساكين ويادوب يتقنوا الحروف يعني درس حرف الميم ماصدقت اخلص منه الا يتقن الميم صح وحركة الضمه الحين الضمه مايعترف فيها ولدي انا اللي اسويها له والله يعين .. وربي شي يرفع الضغط الله لايضيع تعبنا بس .
على الاقل انتو تقدروا تروحوا تتفاهموا مع ابلاتهم لكن انا ايش اسوي وزوجي الله المستعان حاط المسؤليه عليه .

فلسطين حره ,, انا مع الاخت هاديدي والله يعين عليهم ياشيخه

الغلا كله ,, من جد بنتك تقهر الله يصلحها مرره دلوعه شدي عليها والله حرام يضيع تعبك عليها هاوشيها بس لتضربيها عشان ماتكره المدرسه , والله اني اشد على ولدي احيانا تنفلت اعصابي مني الله يهديهم .

ميم الحلوه ,, وراك ماتجربي اسطوانات سي دي واذا لقيتي معلمه منزلي مو مشكله جيبي لها ..

غايب حبيبي ,, الله يهنيك احس راح نص التعب ,, ومشكوووره يالغلا رغم انو مااخذوا في العلوم الا درس واحد وهايط معهم المعلم ماادري ايش في ...؟!!



لوز مقشره ,,, وام جنى . البنات ماقصروا .

ام الفيافي ,, ولدي تقريبا نفس الشي ,, بس مافي انجلش رياضيات مرتين والعلوم كذلك والفقه والتوحيد مره والفنيه مرتين ولغتي كل يوم ماعدا يوم الربوع يرتاح منها والقران كل يوم وكل يوم حصيتين تقريبا والبدنيه 3 مرات وهذي اللي ولدي يحب المدرسه عشانها .


بسكوت مالح ,, يمكن الاوراق افضل واكيد لهم طريقه خااصه انا مااعرفها مدارس المملكه وولدي يطلع الساعه 11 ونص .


وردة عموري ,, مافهمتك والله وان شاء الله البنات امهات البنات يفيدونك اكثر .

روعة الظهران ,, في عندك كتاب القاعده النورانيه وكتاب القاعده البغداديه ,, البغداديه كانوا يعطونها ولدي في التمهيدي وفي كتاب ناسيه اسمه والله اظن تعليم القراءه والكتابه يعني انزلي المكتبه وحتلاقي ان شاء الله .

ام ماريا ,, اختي خامس بس المشكله اهلي بعيدين عني ولا اعرف شي عن مناهجهم ان شاء الله البنات يساعدونك .

صخب انثى ,,


نفس معاناة ولدي في التمهيدي ونفس سن بنتك والله بهذلني اصلا ماكان يخرج من البيت ولا كان اصلا يلبس ,, واضطريت اخليه يجلس في البيت وانا اشتري له كتب واعلمه في البيت .. وفعلا خليته يجلس وريح وارتاح المسكين .
انا انصحك تخليها السنه هذي شفتي مضى شهر وشوي ومو راضيه تتكيف البنت يمكن عشانها صغيره ماتفهم لكن يمكن لمن تكبر سنه زي ولدي تفهم وتعقل وتحب المدرسه والله كنت شايله هم سنه كامله ان ولدي يسوي فينا زي ماسوى في التمهيدي لكن الحمدلله يااارب تكيف والحين مبسوط يمكن عشان كبر سنه وفهم وعقل والله يوفقك ويعينك انا كنت اروح واخلي بنتي لوحدها في البيت واحيانا زوجي يستاذن الين ماارتحنا الحمدلله .