وصآيف آخر سؤال ب الله تنصحيني اشتري الساونا و اسويه لحالي عشان ابي جسمي يتوحد لونه

انمار شكلك زيي مو حقت خرابيط تحبين شغلات واضحه وسهله والكسل له دور وهذا عيبي .. بقولك على شغلات مفعولها عجيب بس مع الاستمرار اذا بتطفشين وتقطعين من الحين اقولك لاتعبين نفسك

اول شئ لازم تنحفيين وهالشئ بيدك محد بيعطيك ياه .. بس لازم يكون رجيمك فيه كل انواع الفواكه والخضار بالذات والالبان عشان بشرتك وجسمك محتاجه تغذيه ودوري لي على فيتامينات مكس بس ماتسمن

تشققات الاقدام حلها تاخذين مبرد القدم من الصيدليه وتنقعين رجلينك بمويه دافيه مايله للحراره الى ان تبرد المويه ثم تفركين كعب القدم الى ان تتقشر بعدين ترطبينها بمرطب ثقيل انصحك بفازلين بزبدة الكاكاو لانه رخيص ومتوفر بعدين البسي شراب الى ان تخف ان شاء الله

بالنسبه لسواد المناطق الحساسه بقولك على اسهل حـــــــــــــــــل وانا بنفسي جربته والى الان مستمره عليه
خوذي لك علبه عصار بس تكون قزاز او سيراميك حقت الحمام اللي نحط فيها الصابون لانه ماينفع بلاستيك

اخلطي فيها علبه زيت ليمون مع زيت جلسرين بس يكون ربع كمية الليمون وربع علبه زيت اللوز المر وحطي هالعلبه بالحمام
ووبس كل ماتدخلين الحمام وتستخدمينه لازم تنشفين تماما بالمنادبل الورقيه ثم خوذي شوي بيدك ادهني المنطقه كلها من جوا وبرا ومن داخل الافخاذ ووووووبسسسسسس

الابط غسليه باليوم مرتين او ثلاث بصابونة الليمون او باسكينول ليمون لان التنظيف بشكل مستمر يقطع البكتيريا اللي تسبب السواد بعدين ادهني نقط خفيفه من خلطة الجلسرين اللي فوق واقطعي كل مزيلات التعرق بانواعها هي سبب السواد انا كان فيني
واستخدمي الشبه او بيكربونات الصودا بودرا لحالهم بدون خلطات
الركب والاكواع والسواد اللي بارلجل انتي حاليا سوادك على كلامك مره غامق وهذي احلى طريقه للتفيتح
انتفيها كل يوم بحلاوه ورطبيها بفازلين مخلوط بزيت الليمون وبتوشفين نتيجه من ثالث اسبوع وااااااضحه
والاهم من هذا كله اذا جيتي تقعدين لاتتكين على ركبك والا تقعدين ووتكين على اكوواعك والا تصلين على الارض او سجاده عاديه او تحطين رجليك تحت وتتربعين هذي سبب السواد ترا
سجادتك خوذي نوع محشي باسفنج او انتي سويها بالبيت دبلي كذا سجاده من منطقة الركب
ولاتقعدين على الارض كذا عشان المؤخره ماتسود خلي قعدتك على الكنب دايم

واهم شئ البسي بالبيت شئ طويل ولاتلبسين ملابس داخليه على الاقل هالفتره خليها تتهوى تساعدك على التفتيح
دشك اذا اخذتيه لاتتروشين الا بصابونة الليمون تليفي فيها واقعدي 10 دقايق بعدين تغسلي بمويه وكملي عادي
ومره وحده بالاسبوع سوي دلكه مغربيه وهذي طريقتها زي ماهي كاتبتها صاحبتها "" باكتبها برد لحاله "

كثري شرب مويه كل ساعه كاسه مويه او كل ساعه ونص
ولاتطلعين للشمس الا بواقي بشره

ترطيب الجسم اخلطي بعلبه ( زبدة الكاكاو مع لو شن الازرق حق فازلين مع زيت اللوز المر وزيت الليمون هالثنين الاخيرات للتفتيح )

بالنسبه للسيلويلايت والدوالي ترا الحجامه ممتازه لها وحده بوحده بالذات الدوالي بس اذا نحفتي سويها

بشرة وجهك برضو بالرد الثاني وان شاء الله افضى قريب واكتبه لك >> وصايف مافصرت فديتها عاد خوذي اللي تشوفينه بيحمسك اهم شئ تبدين وكل الي كتبت لك من تجربتي شخصيا ومابخلت عليك باي شئ اعرفه دعواتك لي بالذريه الصالحه وان ربي يرد لي شعري ويزينه يارب

وصايف الله كريم من جد الله يكثفه:king:

هلا وغلا الله يرحمها كلنا ع هالطريق وانا اختك ادعيلها وتصدقيلها هي بحاجتك الحين اكثر


تعال معنا بالقروب هنا وارجعي لعنايتك واشغلي نفسك

السلام عليكم


غلا ديرتها / الله يرحمها ويغفر لها يارب وجميع المسلمين يارب ويصبر قلوبكم ياكريم





**
اليوم عنايتي زيت وغسلت شعري بشامبو حلاتي

بنات بسالكم شامبو حلاتي تخلونه برا ولا بثلاجه ؟؟
وعادي كل مادهنت شعري اغسل فيه ولا احدد لي ايام اغسل شعري منهه ؟؟
..
الحمممدلله اليوم شريت صبار وبكره اسويه بس بسالكم بعد ؟ ياكثر اسئلتي خخخخخ


الحلبهه اغسلها ؟؟ والصبار عادي احطهه بثلاجه لين ينبت الحلبهه اخاف تتعفن والكميه شويه ؟؟

اهم شي ودي استبعد البصل المسلوق ؟؟ يصلح ولا لا



والله يسعدكم ياررب وتزين شعورنا ياحي ياقيوم