الله يسعدك يا وصايف انتي الوحيده اللي عبرتيني وجاوبتي على سؤال الله يفررج همك يارب

ان شاء الله ح استمر على زيوتي لما تخلص وان شاء الله راح استخدم خلطة غنوه بس ابستخير اول شي لان مبدائيا ارتحتلها الحمدلله


اليوم حطيت حناء بطريقة كلي حلا ما اقوول الا الله يسعدها هيا وصحبتها يارب

ماشاء الله تبارك الله رائعه غسلتها بشامبو فاتيكا وحطيت فاشكول بالثوم 5 دقايق وغسلته ورطبت شعري بخلطة حور

وان شاء الله يوم السبت بحط زيت

سحر الخيال حبيبتي مثل ماقالت وصايف اي شي تقطعينه فجأه اكيد راح يتضرر حتى الحنا لو ضليتي فتره طويله تستخدمينها وتركتيها فجأه راح يتساقط شعرك وينعدم لان الشعر خلاص تعود عليها عشان كذا انا اعطيت شعري فرصه للتغيير وراح استمر على التونك والحنا والزيت والفيتامين حتى القى نتيجه مرضيه وقتها اتركها بالتدريج او اخفف من استخدامها لاني تأكدت انو الشعر يبيله عنايه دائمه 
والتونك حبيبتي استخدامه مره سهل واحطه فقط اذا غسلت شعري وهو مبلول وريحته حلوه ومايدهن الشعر  واذا عجبني ماراح اتركه ان شالله 
ومشكوره ع ذكر تجربتك واهتمامك 

ان شااء الله بحاول..او اسوي تونك السدر و الياس و اكليل الجبل..مشكورة حبيبتي ع الرد


وصايف
شكككرا ع الوابط و الرد..

ابشري
هذا رد كنت كاتبته لوحده من الاخوات نسخته لك..

من ناحية التعب تتعب شعري شوي بس مع ذلك ماني مستعده اتخلى عنها خخخ تدرين ليش..لان بحياتي ما فيه شيء نبت لي شعر جديد وفادني كثرها..ألحين فروة راسي مليااااااااانة شعر صغير »ماشاء الله تبارك الله..
بس اكتشفت تقنيات تقلل من جفاف شعري بعد الحنا بقولها لك ﻻحقا..(:
طريقتي بالحنا مقتبسة من خلطة الأخت احبه حيل»حفظا للحقوق (:
حنا ..حسب طول شعرك انا احط فنجالين
م ك قرفة مطحونة
م ك مسمار (عويدي)(قرنفل) مطحون
م ك خل أبيض
نص علبة زبادي
فنجال من أي زيت و الأفضل زيت الشمطري»ممتاز للتقصف
فنجال عسل
فنجال حبة سوداء»اطحنيها قبل الإستعمال مباشرة
فنجال أملج مطحون»خذيه حب و اطحنيه بالبيت أظمن
بيضة
---------------------
اعجني الحنة بموية دافية..بعديين ضيفي باقي المكونات..و خليها تتخمر أقل شي ساعة و أكثر شي ثمان ساعات..و حطيها على شعرك أقل شيء 5 ساعات..
---------------------
بعديين اغسلي شعرك بموية ..ثم بشوي شامبو..
بعديين حطي 4نقاط زيت اللوز و 4نقاط زيت السمسم و وزعيها على شعرك وهو مبلول »يقوطر موية ﻻزم..و على طول لفييه طاقية..
اليوم الثاني فكييه و زيتي شعرك بزيت اللوز و الأفضل الباكستاني و اتركيه كم ساعه وخذي شور ..و نعيما
-----------------------
انا اذا ما سويت هذي الطريقة بعد الحنا..القى شعري متجمع عند رقبتي..و نافش تقل اسد مو أدمية خخخخخخخ.. و اذا مشطته تقطع..يعني معاناه..و الحمدلله ألحييين مرتاحة على هالطريقة..»و طريقة التزيت و الطاقية اسويها بعد كل شور حتى لو ما كنت حاطه حنا بس اقلل الزيت يصير نقطتين زيت اللوز مع نقطتين زيت السمسم و ألفه
----------------------
و بالأضافة إلى اني استخدم ماسك الحلبة يطري الشعر بشكل رهييب..اخذت طريقته من وحده هندية لو تبينها علميني..و الله يرزقنا بالشعور الزينة..
_____________________________________________________

هذي الحنا اول شهر استمريت عليها مرتيين بالاسبوع..و هي اكثر شي فادني في برنامجي..و الحيين محتارة يمكن استخدمها مرتيين في الاسبوع و يمكن اخليها مررة وحده و الحين صرت اعجنها بموية البصل و الثوم مو المويه العادية..


و هذا الماسك مرتيين في الاسبوع ..بس بنات امانه قصروا على الصوت لانه فيه موسيقى و تراني ما احلل الا البنات يشوفونه <عشان انزل و ضميري مرتاح





و استخدم زيت اللوز الباكستاني و الجرجير اول كنت استخدم كل واحد بلحال و الحيين مزجتهم مع بعض بحيث يكون اللوز ضعف الجرجير لاني سمعت ان زيت الجرجير زيت حار و ما يصلح يستخدم لحالة..


و مؤخرا صرت استخدم ماسك ..السمسم المحمص و المطحون مع علبة زبادي و نص فنجال زيت زيتون و احيانا اضيف موزة و اضربهم بالخلاط..

الان لي شهر ونص من بدييت عناية و لله الحمد





ماشاء الله تبارك الله

السلام عليكم
انا بدأت لي شهر وانا مهتمه في شعري وشعر بنتي سويت خلطه زيوت اللي هي(زيت خروع زيت الجرجير زيت زيتون زيت دابر املا ومعاهم اربعه فصوص ثوم) واحطها مرتين في الاسبوع
واخلط حنا سوداني وسدر وعسل وشوي من الزيوت واحطها مرتين في الاسبوع يعني يوم حنا واليوم الثاني زيت واللي بعده راحه وهكذا
والله انا كان قاصه شعري لحد الرقبه وقليل مره اليوم ماشاء الله نازل عن كتفي يسوي واحسه فيه منابت كثيره
راح اواصل على هذا البرنامج واحقق مرادي