السلام عليكم ورحمة الله وبركاته

امس كنت ادور على أكله سهله وخفيفه في المنتدى عشان اسويها حق العشا ..
ودخلت ملف أختنا كريكره الله يذكرها بالخير ..
وماشالله عليها ملفها غني بالوصفات المميزه ..
ربي يحفظها ..

هذا رابط أكلتها :

http://forum.hawaaworld.com/showthread.php?t=713181

اخترت هالأكله مع بعض التغييرات البسيطه ..
والكل مدحوا الأكله حتى خواتي الصغار مع انه فيها خضار .. بس أكلوها كلها باللي فيها ..


المقادير


3 حبات بصل أبيض " مقطع شرائح "
3 حبات ثوم " مقطع شرائح "
حبة فلفل أخضر بارد " مقطع شرائح "
1 علبة مشروم " مقطع شرائح"
قرنبيطه وحده .. مقطعه الى زهرات " مثل ما قالت كريكره ^_^ "
بيضتين
صحن صدور دجاج
فنجانين طحين
علبة Sour Cream
ببريكا " فلفل أحمر بودر "
فلفل أسود
ملح
خل أبيض
مكعب ماجي
كاس ماي حار
زبدة
زيت



--


الطريقة



- نخلط : ( البيضتين + ملح + فلفل أسود + بابريكا + ملعقة خل أبيض )
- نحطهم على القرنبيط ونخلطهم
- نقلي القرنبيط لين ما يصير لونه قبل الذهبي بـ شوي


- نخلط : ( الطحين + ملعقتين صغار ببريكا + ملح + فلفل أسود )
- نقلب الصدور في هالخلطه
- نقلي الصدور (مثل ما قالت الأخت كريكره نقليهم من الصوبين بس ما نخليهم يستوون )


- في جدر : انحط ملعقة زبده + زيت
- انحط البصل + الثوم ونحمسهم لين ما يذبل البصل
- انحط مكعب الماجي ونخلط
- انحط الفلفل البارد ونخلط خمس دقايق
- وبعدين انضيف المشروم .. لين ما يذبل
- بعدها انضيف الماي الحار مع الملح والفلفل الأسود ونقلب لين ما تشوفين الماي بدا ايفور
- انخفف على الضو شوي .. ونحط الكريمه .. وانقلب 5 دقايق
- بعدها انضيف القرنبيط
- ملاحظه : الأخت كريكره كانت ضايفه كزبره وشبث وبما اني ما احبهم ماحطيتهم


- في صحن بايركس ( مال الفرن )
- انصف صدور الدجاج
- انحط عليهم خلطة الخضار
- وانرش عليهم جبنة موزريلا
- نفتح الفرن على الحرارة من تحت وانخليه 25 دقيقه
- وبعدها نفتح الفرن من فوق عشان شوي نغير لون الجبن



وهذا هو شكلها

يعطيك الف عافيه

شكرانلكي

شكران وجزك الله

شكران