.
.
.
الحمدلله..
فاتحة كل خير..
وتمام كل نعمة..
بهالملف ان شاءالله بنحاول نجمع كل تجاربكم الطيبة مع
.
.
بس قبل لا نبدأ.. أحب أذكركم بكم نقطة مهمة..
1- بأنه أي وصفة تذكرونها ياريت تحطون رابطها ورايكم فيها بالضبط واذا سويتوا عليها تعديلات أو اضافات.. والصور ان وجدت..
2- والأهم من هذا حبايبي اذا ماعجبتكم أي وصفة جربتوها فيا حبذا انكم تذكرون شو اللي ماعجبكم بالضبط فيها واذا بحاجة لأي تعديل..
وعدم جرح أي أخت معانا... فكلنا أخوات متحابات ان شاءالله..
والغرض من هذا الملف للاستفادة والافادة..
3- أتمنى وضع ردود للتجارب فقط بدون رد فيه شكر حتى لا تزيد صفحات الموضوع بدون هدف..
وأي رد عادي سوف يحذف..
.
.
وهذا رابط ملف التجارب السابق لمن تحب الأطلاع عليه :26:
فهيا بنا لنتشارك بتجاربنا الناجحة.. والله يجمعنا في الآخرة بأذن الله..
مشرفات الطبخ
.
.
.
.
الحمدلله..
فاتحة كل خير..
وتمام كل نعمة..
بهالملف ان شاءالله بنحاول نجمع...
بالنسبة لي تجاربي كانت كثييييييرة جدا جدا -صار لي اكثر من خمس سنوات اطبق من هالمنتدى وما ابالغ لو اقول اني مجربة اكثر من الف طبخة لأنة صار مرجعي في كل شي
المعذرة بس بعضها من غير اسم صاحبة الموضوع لأني اكون كاتبة الطبق في ورق وناسية اسم صاحبتة فأرجو من الجميع العفو لكن راح اكتب اسم الحلى كما كتبتة صاحبت الموضوع
من الأخت العفة جربت التراميسو المزين بالمالتيزرز وبصراحة شكلة خيال جدا جدا وينفع لأكبر مناسبة عنك
وكمان حلى خيال رايق ورومنسي بس ماقدرت اتقنة رغم اني حولت 3 مرات
وجربت سوفلية شوكولاتة كوفي التحلية بصرحة لذيذ بس ما اذكر مين صاحبة الموضوع للأسف
وكيك الأوريو البسيط بس الطعم خطير -ما اعرف صحبة الموضوع بس بصراحة لذيييذ وجربتها اكثر من مرة
حلى فوق الوصف بدون مبالغة من النبراس 27 -رووعة ومرتب
كيكة السنكرس لريناد-رووعة بس صرت استخدم بدال الكيكة اللي حاطته كيك بيتى كوروكر لأنة الذ وجربتة مرات كثير
حلى بيض عيون لريناد سريع
ميني تشيز كيك لريناد بس مالقيت بسكويت الفانيلا فأستخدمت بسكويت مالح-شكلة حلو للتقديم وانا صلحتة في صواني الكب كيك
عشان الشكل يكون مرتب
وجربت حلى كريم ليزر كيك ما أدري للعفة او غيره بس كان لذيذ جدا وجربتة اكثر من مرة
حلى الكانشو لريناد بس الأفضل وضع شوكولاتة سايحه تغطي حبات الكانشو
السينيبون لدردشة مطابخ بس احسة متعب جدا واما اعطى الطعم اللي كنت اظنة
صلحت حلى الفناجيل- طعم وشكل بصراحة -للأسف ما اعرف مين صاحبة الموضوع:icon33:
وجربت حلى خيال وطبقات بعد العشاء- روعة
وجربت حلى لذيذ وهش وخفيف-اللى هو حلى الروتي سلايس حلو بس بدلت النارجين بشوكولاتة بيضاء مبشورة وطلع احلى والذ
ميني تشيز كيك -للأخت كريكرة رووعة وشيك
حلى ديمة للقهوة فخم وسريع
وتشيز كيك لونين اظنة للأخت العفة بس انا ما حبيتة عشانة معتمد على الجيلاتين بس شكلة رووعة
دونات دردشة مطابخ حلو بس مو نفس الجاهزة
وصلحت حلى بشكل جديد-بس طلع شكل الجيلي والجيلاتين رائع بس لطعم عاددي
وتارت جوز الهند والشوكولاتة الغنية لكريكرة-لذيذ
وجربت كنافة روعة بمعنى الكلمة -لريناد طلعت لذيذة
دونات هالة -بس ماطلعت زي الجاهزة
وصلحت -حلى قهوة سهل وكشخة- طلع فعلا لذيذ وسريع وانا اضفت جالكسي سادة مع المارس وصارت اروع وجربتة اكثر من خمس مرات
وحلى النكهات-لقوقل - بصراح رووعة
ميني بسبوسة تتحدى فيه اي بسبوسة -طلعت لذيذ وطرية جدا
حلى الكب كيك بالمارس-بس ما حسيتة مميز
حلى الفطيرة بالنوتيلا الساخنة -لذيذة بس تحتاج تصلحيها وتقدم مباشرة
حلى كرات الشوكولاتة الفاخرة -لفتافيت سكر نت بصراحة شكل وطعم وتواجة للمناسبات وانا ابدل في البساكيت كل مرة
حلى يسرق الأنظار -بصراحة شكلة كشخة جدا
حلى كور الجالكسي-لدوحة القران الكل انهبل علية والكل اخذ طريقتة وجربتة مرات كثيرة
حلى قهوة إبداع لمرة الدب المملوح -لذيذ وسريع جدا
وحلى الطعم يذهب والنكهة تبقى لعجايب -لذيذ جدا جدا وشكلة روعة
وقوالب البسكويت بالشوكولاتة اللذيذة -لعجايب -لذيذة وشكلها مرتب
ميني كنافة بالمارس-لعجايب -روووعة
وتشيزا لبف باستري-لعجايب -لذيذ
والكريبات بالنوتيلا لعجايب ررروعة
حلى المارس الفخم-ما اعرف مين صاحبت الموضوع بس بصراحة لذيذ جدا وشكلة رووعة كمان
وغيرها كثيييييييير بس خلاص تعبت
واتمنى اللي ماذكرت إسمها تسامحني
والف شكر للجميع بصراحة استفدت كثيرا من جميع العضوات في كل الأقسام