.
.
.
الحمدلله..
فاتحة كل خير..
وتمام كل نعمة..
بهالملف ان شاءالله بنحاول نجمع كل تجاربكم الطيبة مع
.
.
بس قبل لا نبدأ.. أحب أذكركم بكم نقطة مهمة..
1- بأنه أي وصفة تذكرونها ياريت تحطون رابطها ورايكم فيها بالضبط واذا سويتوا عليها تعديلات أو اضافات.. والصور ان وجدت..
2- والأهم من هذا حبايبي اذا ماعجبتكم أي وصفة جربتوها فيا حبذا انكم تذكرون شو اللي ماعجبكم بالضبط فيها واذا بحاجة لأي تعديل..
وعدم جرح أي أخت معانا... فكلنا أخوات متحابات ان شاءالله..
والغرض من هذا الملف للاستفادة والافادة..
3- أتمنى وضع ردود للتجارب فقط بدون رد فيه شكر حتى لا تزيد صفحات الموضوع بدون هدف..
وأي رد عادي سوف يحذف..
.
.
وهذا رابط ملف التجارب السابق لمن تحب الأطلاع عليه :26:
فهيا بنا لنتشارك بتجاربنا الناجحة.. والله يجمعنا في الآخرة بأذن الله..
مشرفات الطبخ
.
.
.
.
الحمدلله..
فاتحة كل خير..
وتمام كل نعمة..
بهالملف ان شاءالله بنحاول نجمع...
أولا أحب أشكر اختي فنون نجد على الطريقه الجميله وعساها على القوه
أنا من زمان احب السويس رول ولا فكرت اسويه بصراحه يمكن لأني دائما اشوف إن طريقته طويله وصعبه ويبيلها فصل الصفار عن البياض وخفق وسالفه
لكن طريقة أ ختنا فنون نجد مضبوطه وسهله وأوريكم تطبيقي لها مع بعض الإضافات
وهنا رابط المقادير والطريقه الأصليه
http://forum.hawaaworld.com/showthread.php?t=1487197
وعندي إضافات بسيطه بما اني طبقتها اكثر من مره
إنك تضيفين خل بمقدار غطاء علبه الخل او ملعقه صغيره لأنه الفانيليا ماكفت تغطي زنخة البيض
وإذا طلعتيها تبرد لايكون الوقت اكثر من 3دقايق عشان لاتبردواجد وماتقدرين تلفينها زين وتتكسر معاك
ولاجيتي تلفينها لاتقلبينها زي ماسويت(بتسوي حركه كانت الأخت) يعني لا بردت الكيكة أدهني المربى اوالشوكلاته على الوجه الرطب وخلي الطبقه السفلى هي الظاهره مع اللف لأني قلبتها ولزق كثير من الكيك بالقصدير ... وأنا شلت ملعقيتين من مقدار الطحين وحطيت بداله شوكلاته بودره غامقه ودهنتيها من جوى بمربي توت وشوكلاته نتولا ومن برى بعد مابردت........
والشكر كل الشكر لأختي أم الذرابة على تصغير الصور الله يعطيها العافيه (يخدمونها المال والبنون)آآآمين يارب