"ثمار المدينة" :

السلام عليكم ورحمة الله وبركاته كيف حالكم أخواتي الحاضرات والغائبات هذي بعض الصور لرحلتنا أمس للبرية معليش الصور صغيره إضغطوا عليها تكبر 417858 هذي صورة غنمات زوجي 417859 وهذي صورة حلى الأناناس الكذاب وتقطعينه دوائر يطلع شكله مره روعه وكمان حتى طعمه ومقاديره هي : الطبقة الأولى : تضعين في الخلاط 4بيضات وكأس حليب بودره وكأس جوز هند نارجين وفنجال شاي سكر وفنجال شاي ماء وفنجال زيت وملعقة باكينج باودر وتضعينها في صينية وعلى الفرن إلى أن تحمر أطرافها الطبقه الثانيه : في الخلاط 6حبات جبن كيري مربعات ونص علبة حليب مكثف محلى ونصبها على الصينية لما تطلع من الفرن ونرجعها في الفرن نشعل عليها من فوق بس ونكون عندها لأنها تحترق فقط إلين تتماسك ونرص عليها البسكوت ابو سمسم الطبقة الثالثة : على النار 2كريم كراميل وعلبة سفن أب إلى أن يغلي ونرشه بالملعقة على الصينية ونتركه يبرد وبالهناء والعافية 417860 وهذي صورة الغداء لما سويته على الحطب ياسلام ولا يفوتكم الكرسي تبعي بلوك لا ولا يفوتكم الطاولة الجانبية كرتون البرتقال هههههه شغل مرتب 417861 وهذي صورة الجرير زارعه زوجي الله يحفظه وزارع نعناع مديني ونخل بس هذي ماهي المزرعة هذي فقط مرعى للأغنام والماعز الله على أيامك ياهايدي 417862 وهذي صورة نبته برية ريحة أزهارها رووعه وسلامتكم حبيباتي ماهو مسموح غير 5 صور فقط

السلام عليكم ورحمة الله وبركاته كيف حالكم أخواتي الحاضرات والغائبات هذي بعض الصور لرحلتنا...

ريم الفلا27 :

بنات الهمم بستشيركم ف شغلة تخصني وياريت منكم كلكم تعطوني رايكم بليز قلت كلكم،، فطوم وشمس وثمار وام ذكرى شموخ ام الخوالد كلكم بلا استثناء الله يجزاكم الف خير نبدأ فالموضوع يابنات انا أسكن ف شقة تتكون من غرفتين نوم وصالة معيشة ومجلس الضيوف وحمامين ومطبخ وبس،، أكثر شغلة متعذبه منها هي غسيل الملابس وكويهم هالشي بصراحة يتعبني خصوصا غسالتي عادية مو اتوماتيك والحمامات يبالهم تغسيل عميق مرة وحده ف الاسبوع والايام العادية تنظيف سطحي،،أما التنظيف ماعندي مشكله معه بالعكس مريحني لأنه بكون أنا وافقة يعني ما أضغط ع بطني،، المهم احنا مجمعين مبلغ عشان نجيب شغالة تساعدني ف ريم والبيبي الله يجيبه بالسلامة بس الحين امي معترضة وبقوة انه اخلي العيال لما ابدأ الدوام باذن الله بعد الوضع عند الشغاله بروحهم تقول ماهو امان افضل اني اوديهم الحضانة ماحد يعلم الشغالة شوه تسوي فيهم والشغاله خليها فالبيت،، وبيني وبينكن حتى انا ماني مطمئنة من ناحية هالشغالات كثير ،،يعني ف هالحالة الشغالة بتضل فالبيت وماهو شغل البيت كثير البارحة جلسنا أنا وزوجي نتناقش أنه نجيب بهالفلوس غسالة اتوماتيك مع نشاف حراري نحل أزمة الغسيل والكوي وياريت اللي عندها فكرة بالغسالة والنشاف تنصحني باي ماركة وشوه مميزاتهم وعيوبهم،، واجيب شغالة بالساعات فالويكند تساعدني ف التغسيل العميق للحمامات والمطبخ والشغل اليومي علي،،والاولاد أوديهم الحضانة فشوه رايكن ياصبايا ارجوكن نورني ،،

بنات الهمم بستشيركم ف شغلة تخصني وياريت منكم كلكم تعطوني رايكم بليز قلت...