بارك الله فيك اختي شموسه على الكلام القيم ..
ثمار بتستاهلي 5 نجمات كبار على برنامجك ....حلو الاهتمام بالنفس .....;-)
انا عن نفسي الي 4 ايام يستخدم قناع النشا وما الورد ..
احلى ما فيه انه سهل ....وبصراحه ملاحظه فرق حتى زوجي انتبه وناويه استمر عليه ..:-/
ثمار وبسكوتي وشموسه وريومه وفطوم حابه اسالكو عن ساعات دوامكو. من اي ساعه لاي ساعه ؟وكم طفل عندكو....
اتحملوني بس حابه استفيد منكو ..وهل فيه احساس بالتقصير ناحيتهم......
:$

مرحبا بنات كيفكم أنا مش موظفة بس طالبة بدرس وعندي بيت وتلاتة اولاد الله يسعدهم
وحابة اكووون معاكم
بس المشكلة انه دخووولي متقطع
شو رايكم بتتقبلوني ولا ما بسير غير الموظفات

هاي بنات بنوظفك عندنا ياوردة ولا يهمك

حياكي الله

نشوف باقي الأراء ههههههههههههههههههه

انا طبعا مالحقت العناية والحركات وش بتسوون من اقنعة من ورايا بس ماشية انا تقشير لاثار الحمل صابون ببايا يوميا اتروش فيه

جاب نتيجة مذهلة الحمد لله وكل من شافني يقول لا تتزبطي لا تجيكي عين توك نفاس والله انا مو تزبط فقط اهتمام بالبشرة مستنية اكمل شهر واجيب حرمة تسوي دلكة وحلاوة

اخبار ريم يا بنات دعواتكم لها بالتسهيل والفرج

يؤ يؤ نسيت همتنا بالشغل


طبعا غرفة نومي الفترة اللي راحت من الحمل كان التنظيف سطحي يادوب تنظيف الخشب ومسح الشباك وتنظيف الأرضية

بس امس جلست على الادراج خرجت درج درج طبعا ادوية وتقاير المستشفى حقتي بكل درج

تمسيح عميق بالعملاق والتعطير ووضع المفرش

دولاب الملابس خرجت كل ملابس الحمل والارواب بصراحة الرجال مل من منظر الواسع اكيد بده تغيير وهذا اللي صار بالدولاب

غرفتي كان فيها سرير ولدي الصغير سنتين ونص وديته بغرفة أخته لا يهج الرجال ويتزوج الثانية يقول فاتحتها حضانة

هههههههههههههههههههههه

قلت خليني أغير جو الغرفة الين اجيب سرير ثاني للنونو ههههههههههههه وراه وراه عياله والله وانا جايبتهم من وين

طبعا تمسيح للجدار اول بعملاق وبعدها بمعطر وصار يلق وريحة ولا في الاحلام

التسريحة كان لها نصيب طبعا مدة حملي ماكان لي نفس بمكياج ولا اي روائح ولا كريمات كلها رميتها اغلبها

ورتبت كل درج لشئ معين درج للكريمات والثاني للشباصات والثالث للمكياج

ماخليت من فوق الا العطورات فقط

مسحت الارضية وخرجت لحاف كنت ما احطه الا لما يجي ضيوف بس قلت الضيوف مو احسن من ابو الشباب ورزيته وكشخت الكوميدينات بمفارش

بس باقي اباجورات وحركات

بس اطلع للسوق اقلكم وش شريت

ياليت تكون غرف نومنا عنوان لنا عشان نرتاح فيها وترى الرجل يغار من اولاده ان لقى غرفته الخاصة اللي ينام فيها كلها للبيبي راح يحس بعدم اهتمامك فيه وانك رحتي للبيبي وممكن يلعب بذيله

فقصي ذيله احسن

ثمووووورة ,,
كووووويس بحط لك نجمة للايدي والارجل والوجة باقي الشعر والجسم يلا الحقيهم قبل يخلص الإسبوع ...

وبصراحة السدر والزبادي روووعه مرآآ مرآآ يعطي نضارة واااااااو ...


ياسمينة قلبووو
http://forum.hawaaworld.com/showthread.php?t=3327438&page=163
http://forum.hawaaworld.com/showthread.php?t=3327438&page=164

هذي روابط جدولناااا

يلا شدي حيلك معانا

وصاادقة فعلا النشا والماء ورد روووعه للبشرة
اتذكر صديقتي بالثانوي بشرتها ماشاء الله مرآ وردية وصافية
وتقولي هذا قناعي اليووومي

استممممري ..

وبسألك كنت زمان لما احطه ع طووول بينشف
هو كذا والا انا اغلط بشيء ؟
وكانت فيه طريقه له قريتها بكتاب انك تغلي المويا ورد وتحطي ملعقتين نشا المهم تصير متماسك وبس تدفا شوي
تحطيهآ ع وجهك .. وتجلس ساعه ع الوجه <<< شغلته شغله .. بس كنت اقرأ انه مرآ مفيد
وانا ما استمريت عليه ... < مافحالي ههههه



.. وبالنسبة لسؤالك ياقلبوو


انا طالبة مختبرات طبية .. يعني اقرب لك شوويا ..
محاضراتي غالبا تبدأ 8 - 2 .. او 1 ونص ..
وفيه يومين اروح 11 واجي 2 ..

طبعآ اقوم من 5 الفجر ..
ولاني غالبا ارجع مع باص الجامعة ويوصل بنات كثير
ما ارجع بيتي إلا 3 الظهر ...

عندي ولد واحد الله يحفظه يااارب
عمره سنه واربع شهور ..

والله انا ولدي بألاول كان عند عمتي ( ام زوجي ) لما كان صغير .. عمر 3 شهور إلى 5 شهور
والله كنت بتضايق كثير بس زواجي مو راضي اخليه عند أمي ..
بس والله كانو بيحطوه بعيووونه لان اول حفيد مرآ مرآ يهتمو فيه ..
بس انا مو من النوع اللي احب اثقل ع أحد
ما اعرف ليه ..

بس ما ارتاح
لو تاخر الباص علي اتوتر لان عندهم دوام العصر فماأحب اطول برآ ..

بعدين الحمد لله قَدر الله ان وحده من خوات زوجي توظفت وصارت الصباح تحط اولادهآ عند عمتي
وحرآم والله دايم اسمع ازعاااج وبكى الصباح وهيا حرمه كبيره مو صغيره ..
وتحسي ضغط عليهآ ..
فقلت لزوجي بأخذ ولدي واخليه عند أمي
والحمد لله وافق لانه شاف حالته أمه مع عيال اخته

وتقريبا من 5 شهور إلى 9 كآن عند أمي وبعدها بدأت الإجازة الكبيرة ..
وبصراحة مرآ مرآ تعبت لما كان عند امي ,,
اول شيء امي عندنا بنت صغيرة سنه وشويا
وكانت تسهرها طول الليل
ولما اجي الصباح
اجلس ادق ع الباب واتأخر كثير واقومهآ من النوم
لانها تكون نايييييمه تعوض الليل اللي راح مع الصغيره

ولما اجي الظهر حرآم احصل ولدي مع خواتي الصغار
بالمتوسط واحيانا تحكيني انو نامت وخلت ولدي مع اختي 6 سنين !!!!

والأكل ما كان ياكل شيء
بس حليب لان اول ما تصحى ماماي مافي وقت إلا للغداء ..
واحيانا الاقيه متروش ومرتب وشبعان .. بس كله حسب النوم بالليل اذا امي نامت بدري
اخذ حقه الطفل وانا سهرت بالليل راااااااح فيها ولدي ...

امي ما تتحمل الأطفال ابداً اخواني الصغار ما تتحملهم شلون عيالي !

المهم كنت بحس بتأنيب ضمير كبيييييييير مرآ ..
خاصه لما اجي واسوي له وجبه عند اهلي الاقيه جوعاااااان مرآ احزن عليه ..

هذا غير المواصلات ..

انا زوجي دوامه مو منتظم الخروج ... لكن الصباح مع بعض وهو يوصلني للجامعة
فكنت اقوم الصباح واروح لاهلي قريب مني ..
واطووول وانا ادق عليهم ..
واحيانا اتأخر واخر زوجي ..

واروح للجامعة ..

بعدين اجي احيانا مع زوجي اذا انتهى دوامنا مع بعض
اروح لاهلي واخذ ابني ..

واذا كان خرج قلبي او لسا ماطلع

اضطر اروح مع الباص
لبيت اهلي
واجلس عندهم إلى ما يجي زوجي ..



والله توصل الساعه 5 العصر وانا عندهم ..


احيانا اخلي اخوي يوصلني ومرآت ابوي
لكن اذا شفت مزاجهم متكر من الشغل ومعصبين
ما احب اطلبهم .. واجلس انتظر زوجي ..

وكان احسن شيء اني بتغدأ عندهم وبأخذ غداء لزوجي معاي ..


احساس التقصير هذيك الايام ماكان موجود إلا بحالات لو ما أكل عندهم او شي
بس احساسي انا لما اخذ ولدي من عمتي او امي
ويقولو طفشنا اليوم .. ما خلاني انام .. ازعج بنتي بصوته ... إلخ ..

كنت اتضااااااايق مرآ ..
وبصراحة ما الوم أحد ابداً

اذا الشخص نفسه اواقت ما يتحمل عياله وشلون عيال الناس ..

<<< هذا كله كان السنه اللي راحت الترم الثاني فقط ...

اما هالسنة مع بداية الدراسة

وديته الحضانة معاي بالجامعة

عمرة كان تقريبا 11 شهر او سنه مو متذكرة ..

رغمني كنت متردده كثير ..
بس هذا افضل حل لي ..


اقوم الصباح اجهز شنطتي وشنطته
ويروح معاي بمشوار واحد .. ولا اتاخر ولا أخر زوجي

وكمان ساعات الفراغ بالدوام اروح له ..

واتصل عليهم اسال اكل او نام وهكذا

بالبداية كان مرآ مستنكر لدرجة يقولي لي كل المربيات
احنا مو مسؤلات لو صار له شيء ..
وانا اعرف وولدي مرأ ستنكر ويظل يبكي يبكي ..

وكان وحده منهم الله يجزاها خير تاخذه لفصول الاطفال الكبار وتلعبة بألعابهم
وتفرجه ع الاناشيد ..
جلس اسبوعين مستنكر وبعدين الحمد لله تعوود ...
وحتى ببداية هالترم صار نفس الشيء لكن اللحين والحمد لله
مرآآ صار احسن بكثير ..
خلاص كبر وصار يفهم ( سنه و3 شهر )

طبعاً تأنيب ضمير
اكيد موجوود !
وبقوه !
بقوه !
بقوه !
احيانا اجي البيت انا دموعي ع خدي !

بس شو اسوي مافي حل غير الحضانة !
والحمد لله صبرت عليه كم اسبوع وشوفيه اللحين ماشاء الله تعود عليهم ..


ومن ايجابيات الحضانة ولدي تعلق فيني لانه طول الوقت بكون جنبة
اوقات الفراغ الصباح الظهر بالباص طول الوقت معاه ..

والحمد لله ع كل حال


اما عن يومي بالبيت

قلت لك ما اوصل الا 3 ..
لو مانمت بعد الغداء من ولدي
<< هذا اليوم لا تحسبيه ابداً اكون متوتره ومرهقه وبس توصل 10 ماتلاقيني .. من التعب

لكن لو نام المحروس ..
انام ويكون يومي عاااادي وحلو واقدر انجز فيه ..

طبعا انتي ممرضه وتعرفي كيف دراسة المجال الصحي
تحتاج مذاكرة وبحوث وعروض ..

والله ما بلقى وقت لهذا كله

يعني لو بشتغل الشغل اليومي بالجدول للبيت ما بلاقي وقت للدراسة

واقولك انا حاليا مو رايح فيها الا دراستي

لكن ايام الاختبارات

اطنننننننننش البيت بكيفه ..
وبس ع مذاكرتي ..

لان اطول كثير بالمذاكرة ترجمه وحفظ ومقارنات وجداول ...

تعرفي احنا مختبرات يعني تشخيص امراض ..
وناخذ مثلا في البكتيريا الطوائف والمملكات والشعب في البكتيريا كلها >_<
بالخصائص والاسماء اللي ع كيفك .. وكيف تشخصي كل وحده وكيف تكشفي عنهم بالمختبر
وايش العلاج ... إلخ ..
يعني تذاكري كل وحده لحالها سهله ..
لكن كلهم ع بعض اوووووم الحوسه ..

وعندنا منهج كامل فطريات - بكتيريا - طفيليات - فيروسات

وكلها نفس الهرجه .. مملكات وطوائف ... إلخ )

عاد تخيلي كذا وانا بنص المذاكرة ومركزة يجي الصغير يبكي جوعان !
او موسخ ..

يلا قومي بكل هدؤك غيري له وأكليه ونوميه ..

وبعدين ارجعي للدرس من الأول !! :(


عاد ايام الاختبارات الاحساس بالتقصير يكون من ناحية البيت
+ الزوج ..

والحمد لله زوجي متفهم شوي ..

لكن احيانا يقول كلمات :( .. الله يهديه بس..

عاد هالكلمات ما تطلع لما اجتهد بالبيت وبملابسه شكر وعرفان وثناء
لا ما تيجي الا وقت الزنقه والتقصير ..

بس والله بكيفه وين اقطع نفسي انا !! هههههههههههه
من جد والله ..

بس الحمد لله
انا احب حيااااتي
زي ماهي ..
واحب دراستي
واحب بيتي
واحب ابني ووزوجي
واحب نفسي

احب كل تفاصيل حياتي من تعب وألم وفرح وسهر وضحك وكل شششششيء
ومومنة ان هذه الحياة هيا كذا متعبة والأهم لازم نتكيف معاها بكل تفاصيلهآ
ونحبهآ ..

احيانا تعصبي وتتوتري من شيء
بس بداخلك خلي عندك نظرة ان هالشيء مو تعانية لحالك
الغالب كذا حياتهم ..
واذا كانو مو موظفات فغالبا الوقت يروح بالنوم !

والحمد لله ع كل حال

وزي ماقالت ثموره القرب من الله هو اللي يجعلك تكوني اسعد انسانه بالدنيا ..


واعتذر ع كثرة الهرج
قايمه الصباح
وزوجي طالع رحلة مع الصحبة ..

واخذت لابتوبه وجالسه عليه ...