بارك الله فيك يا غالية


اللهم امين ...غفر الله لك اختي


..تسلمي يا غالية ..ويار يتها جمبنا ابعتلها سبانخ
بس شو طعمه تمام الوالد طبخته ونفسها حلو ..
وحتى ابوشباب صار يشارك معنا شكله خبير بالمطبخ
وكلامه صح ..النقص حله سهل بس الزيادة :44:


بارك الله فيك
نصائح من ذهب

الملكه الناعمه

مساءك جورى ياقمر

الله يعينك يارب

وحلو الجدول اللى انتى حطاه بس لازم الهمه عشان تمشى عليه وما تاجلى عمل اليوم لغدا

السلام عليكم
موضوع منقول دعواتكم لصاحبة الموضوع
سيراميك المطبخ



1ممكن تضعى كلور فى بخاخ وترشى السيراميك وتتنظرى فترة وبعد كدة تمسحية بفوطة وتكونى لابسة جوانتى

2فكرة تانية ممكن بماء وصابون سايل وبعد كدة تنشفى بفوطة مبلولة بالخل علشان يلمع

3لويعنى المطبخ له فترة ممكن تدعكية بالسلك وشوية مية وكلوروبعدين تنشفى برضه بفوطة وشوية خل اوديتول

4لوبين السيراميك مسود شوية ممكن بفرشاة اسنان مغموسة فى الخل (مجربة ) وتدعكى اوكلور

5لو السيراميك حالتة سيئة ممكن تستخدمى الجاز تبللى قماشة او سلك وتدعكى او بيرسول لكن احترسى احترسى لان الاشياء دة بتساعد على الاشتعال خلى بالك متكونش كتير يعنى يادوب تبلى السلك او القماش مش تغرقى الدنيا


الشفاط



1ممكن تفكى الشفاط وتنقعية مدة فى ميا دافية وصابون وبعد كدة تدعكية بالسلك

2ممكن بالجاز بلبس كيس بلاستك ونخد شوية جاز على سلكة اوقماشة قطن وندعك بتشيل كل الدهون بسهولة و بعد كدة اغسليه بالميا والصابون

3فى ناس بترش علية شوية بيرسول اومبيد وتمسحة منه نظافة ومنه حماية من
الحشرات ناس تانية بتنضفة بالتنر

4ممكن كمان ننضف الهيكل المعدنى بعد مانفك المساميربالجازوالأماكن الضيقة بفرشاة مغموسة بالجاز

5فكرة تانية انك تنضفيه بميا وكلور وصابون وتدعكى بالسلك


خشب المطبخ



1ممكن تغلفى مواسير الغاز فى المطبخ بالفويل لسهولة تنظفها وحماتتها من انها تزيت وتتراكم عليها الدهون والاتربة والزيوت

2ممكن تضعى فوق دواليب المطبخ ورق الجرايد لحمايتها من الاتربة والزيوت

3ممكن لو ورق الجرايد مش مناسب ليكى تغليفها بقطع مشمع

4ممكن برضه تغطية بالفويل ولو ان الفكرة دى مكلفة شوية بس هتوفر عليكى تنظيف ومجهود وممكن وانتى بتنضفى تمسحية مش تغيريه كل شوية ودة الهدف منه حماية خشب المطبخ

5لوعندك المطبخ متقفل تحت الحوض لازم تهتمى انك تنشفية اول ما يجى علية ميا لان ده هيحمى الخشب من التشقق

6كمان لازم ترشى تحت الحوض بأى مبيد لانة بيكون مكان رطب وعرضة للحشرات

7لغسل وتنظيف خشب المطبخ فى نوعيات خشب مغسول او دهان مغسول يعنى الميا مش بتاثر فيه تغسليه بليفة وميا واى منظف سائل وتنشفيه

8ولو المطبخ الوميتال مفيش مشكلة برضو من الميا تغسلى وتنشفى ولتنظيف مجرى الالوميتال بفرشاة صغيرة وتنشفى كويس


الثلاجة



1لاتضعى فى الثلاجة طعام بدون غطاء لانه هيتتسب فى ريحة للثلاجة

2لو فى الثلاجة ريحة ممكن تضعىشوية لبن مكشوف سيمتص الريحة أو خل أبيض أو قطعة فحم

3اى اكل فاسد تخلصى منه فورا ولو عندك باقى أكل ولو كمية بسيطة وعايزة تحتفظى بيها ضعيها فى الفريزر فى علبة

4لغسيل الثلاجة بالماء والصابون وتنشفى بفوطة جافة

5ممكن كمان تمسحى بماء وخل للتخلص من الروايح الغير مستحبة

6لا تضعى فى الفريزر على الرف السلك اكياس بها طعام اوخضار لانها لما تتلج هتاخد شكل السلك وتنزل بينه وبيكون صعب اخرجها ضعيها أولا على صنية اوطبق فويل بعد ماتتلج ضعيها على الرف لسهولة اخرجها

7أى شئ مبتل وهتضعية فى الفريزر ضعى بينه اكياس نايلون علشان ميلتصقش ببعضه
ولتنظيف الفريز افصلى الثلاجة 15 دقيقة واخرجى كل الأطعمة اللى فيه وامسحيه باحدى الطرق السابقة

8خلى بالك من انك تضعى بصل فى كيس وفى الفريزر لان الريحة هتتنتشر ضعيها فى برطمان أو علبة جيدة الغلق ومربوطة بكيس

9لانتسى انك تنظفى الثلاجة من الخارج بفوطة ومياوصابون وتنشفى كويس

11 لتظيف أماكن وضع البيض والزجاجات بالمية والصابون لكن لا تضعى البيض والمكان مبلول حتى لا يلتصق


درف المطبخ والأدراج



1خرجى كل الاوانى والححل وامسحى الدرف واستنى لما تهوى وافرشى مفرش بلاستك تقيل هو فى الاول بيكون مكلف لكن بعد كدة بيوفر وتغسليه وتنشريه وتفرشيه تانى بالإضافة انة مش هيتحرك من تحت الاوانى

2درفة التوابل والخزين فضى الدرفة وخرجى كل العلب والبرطمانات وتخلصى من اى حاجة صلاحيتها انتهت

3فضى البرطمانت وضعى التوابل واخزين فى اطباق واغسلى البرطمانات والعلب بالميا و الصابون وسبيها تنشف فى الهواء ورجعى كل حاجة مكانها

4الادراج اللى ملينة كراكيب تخلصى منها فورا

5 فى الادراج حاجات بتكون دقيقة زى المسامير الدبابيس حطيهم فى علب زى علب الكريم اوعلب الحلاوة او الجبنة

6الأشياء اللى بتعمل فوضى فى الدراج زى مثلا مقص اوقطاعة او الفتاحة اومقاوير ممكن تضعيها فى طبق بلاستك اوكرتونة علشان الدرج ميبقاش فوضى

8فى ستات كتير بتحب تحتفظ بالعلب والبرطمانات الفاضية هى صحيح بتنفع بس بتعمل فوضى لحل الفوضى دي ممكن تدخل العلب جوة بعضها والبرطمانات تضعيها فى كرتونة داخل الدرفة

9الأطباق والحلل كله يدخل فى بعض ويترتب علشان ما يخدش مكان

حاجات تسهل عليكى الشغل فى المطبخ



1ضعى ساعة أو منبه صغير فى مطبخك علشان الوقت مياخدكيش ويضيع عليكى مثلا ميعاد الصلاة او ميعاد وصول زوجك

2ضعى صابونة فى المطبخ لغسل ايدك بدل ما تروحى وتيجى كل شوية للحمام

3لاتنسى ان تضعى على الثلاجة ورقة بالاذكار وتقوليها وانتى بتشتغلى لاستفادة من الوقت وتاخدى ثواب

4ضعى كل الادوات والمنظفات عندك فى المطبخ واذا كنت مش عايز تشترى الحاجة مرتين للحمام
والمطبخ ممكن تقسمى الصابون مثلا او الكلور زجاجتين واحدة فى المطبخ وواحدة فى الحمام

5ضعى ورقة وقلم فى المطبخ لتكتبى كل ما ينقصك بسهولة اى حاجة انت محتاجاها دونيها على طول علشان متنسيش

باسكت الزبالة



1اغسلى الباسكت بالميا والصابون واتركية يجف وضعى كيس مناسب فيه

2ممكن تضعى كسين داخل بعض علشان ميسربش لو فى اى حاجة فيها ميا

3ممكن كمان تضعى كرتون المسحوق الفاضى اوكرتون اوكرتونة البيض او ورق جرايد

4للحفاظ على الباسكت من غزو الحشرات ممكن رشة مبيد او رشة ديتول

5 الزجاج المكسورلفيه بورق جرايد وفى كيس بلاستك مشكلة سنون الحقن فى غطاها البلاستك وتتلف بورق وكيس علشان متنقليش العدوى لحد فلا ضرر ولا ضرار كما قال الرسول صللى الله عليه وسلم او انك ترميها فى التواليت

7ديما غطى باسكت الزبالة وممكن تضعى ورق جرايد بعد ماترمى اى حاجة فيه

8لا تتركى اى بواقى اطعمة فى الباسكت ديما تخلصى منها بالليل حتى لا تكون سب فى وجود الحشرات

فوط المطبخ



1استخدمى لكل غرض فوطة خاصة فوط التنشيف الفوط الماصة وفوطة ليكى ولازم تكون قطن والمساكات كمان لازم تكون قطن علشان متنقلش الحرارة ليكى لو الياف صناعية

2اغسلى الفوط بعد الاستخدام وانقعيها فى ميا وصابون وبعد كدة ضعيها فى الغسالة

3ممكن تجمعى الفوط وتغسليها مع بعض وتحطى المنعم لتكون رحتها جميلة

4لاتتركى اى فوطة مبلولة حتى وان كنتى مش هتغسليها بسرعة علشان (متعفنش)اتركيها فى الهواء لتجف وبعدين ضعيها فى سبت الغسيل

6ممكن تعملى سبت اوطبق مخصص لجمع فوط المطبخ علشان ما تختطلتش بالغسيل

7يمكنك استخدام الملابس القطنية القديمة بعد قصها الى قطع فى مسح الاشياء المتسخة زى الشفاط والبوتاجاز وبعد كدة ترميها علشان فوط المطبخ متتبقعش وتتسخ بزيادة وتحافظى عليها وقت طويل


مريلة المطبخ




1 لازم المريلة طبعا علشان تحمى هدومك بنصحك انك تشترى مريلة شيك وجميلة لانك بتقضى بيها وقت طويل وممكن زوجك يشوفك بيها لا مش ممكن ده اكيد فلازم تكونى جذابة حتى فى مريلة المطبخ

2 لازم المريلة تتغسل كل ماتتوسخ وتكون رحتها حلوة

2خلى عندك اكتر من مريلة علشان لو غسلتيها اوجالك ضيف وحب يساعدك او زوجك (فى الاحلام طبعا)محدش يتتحجج ان هدومه هتتوسخ لو اشتغل معاكى

3احترسى فى مرايل بتتباع فى 2 ونص ملونة دى بتبهت على الهدوم

4لا تستخدمى مريلة وشها بلاستك وانت واقفة امام النار لانها بتنقل الحرارة

5ممكن تغسلى المريلة على ايدك بماء وصابون او تضعيها فى الغسالة بعد ما تطبقيها وتضعيها فى كيس الشرابات برضو علشان متختلطش بالغسيل

الخلاط



1غسل شفشأ الخلاط بعد كل استحدام بالماء والصابون

2ممكن وضع ماء وصابون ونشغل الخلاط بعد ذلك هنلاحظ ان تنظيفة اصبح اسهل

3خصصى مطحنة للتوابل ومطحنة للمكسرات علشان ريحة التوابل ماتتنتقلش للمكسرات

4 لنظيف الجزء الخاص بالموتور بفوطة مبلولة بميا وصابون وامسحيه مش تغسليى بالماء حتى لا يحترق الموتور

5لتنظيف بين الازرار بفرشاة اسنان مغموسة بماء وصابون أوكلور

البوتاجاز



1نظقى البوتاجاز أول بأول لا تتنتظرى لبعد انتهاء اليوم لان فى حاجات لو سقطت علية هتسودو وتعمل ريحة مش كويسة زى اللبن والشربة

2ممكن تنظفى بالليف والسلك والصابون

3لو محتاج تنظيف شوية يبقى بشوية كلور وسلك بس خلى بالك لان فى بوتاجازات صاجها بيقشر من السلك

4فىمنظفات بوتاجازات بتساعد فى التنظيف

5لتنظيف مفاتيح البوتاجاز ممكن خلعها ونقعها فى ماء وصابون وغسلها بعد ذلك او تنظفها بدون خلعها بفرشاة اسنان مغموسة فى ماء وصابون

لنظيف عيون البوتجاز
1ممكن نقعها فى ماء وصابون وكلور وبعد ذلك تدعكيها بالسلك
2ممكن تغليها مع عصير ليمونة وبعد ذلك تدعكيها
3ممكن كمان بعض الخل يؤدى الغرض
4اغسلية وجففيها جيدا وامسحى الشعلات
وركبيها تانى

لتنظيف الفرن
1امسحى الفرن لو فيها دهون بقطعة قماش وهى ساخنة لان ذلك سيكون سهل
2ممكن تسكبى بعض الخل فيها
3 ورق الجرايد يجعل الفرن لامعةاذا مسحتى بيه
4جوانب البوتاجاز ممكن تدعكيها بالليف الخشن او السلك ونتنشفى بعد ذلك بفوطة ناشفة

صحة أسرتك تبدأ من المطبخ



1استخدمى ليفة للاكواب وليفة للاطباق

2استخدمى سكينة للخضروات وسكينة للحوم واغسلى سكينةاللحوم بالكلور او الخل لقتل السلامونيلا الموجودة فى اللحوم والدواجن

3استخدمى سكين لتقطيع الخضروات والبصل واخرى للفواكة

4امسحى رخام المطبخ برشة مية وديتول او خل او كلورلتعقيمه

5لاتتركى اى طعام بدون غطاء

لتنظيف اوانى المطبخ



1انقعيها بماء وصابون وشوية كلور وبعد كدة ادعكيها بفرشاة الاسنان

2لتظيف الاطباق البلاستك نفس الفكرة النقع والدعك

3يفضل عدم استخدام العلب البلاستك لحفظ الطعام مثل الخضار لانه بيغير لونها استخدمى زجاج أو صاج لسهولة التنظيف

5لاعادة بريق المعالق انقعيها فى ماء وصابون وبعد كدة لو فيها حفر استخدمى الفرشاة الصغيرة


اللمسات الأخيرة



1لازم الحوض يتنضف بالسلك والصابون وممكن شوية ديتول او كلور لقتل الميكروبات



2تخلصى من أى شئ مكسور فى المطبخ لأنه ممكن يجرح ايدك مثلا طبق مكسور فى جزء صغيراوكوب ارمية على الفور اواستخدمية فى وضع فرش الأسنان بعد تزينةلكن لاتستخدميه فى الأكل أو الشرب



3ممكن تزينى كرتونة المسحوق وتضعى فيها بعض الاشياء مثلا الجرايد اوورق الفويل



4شبشب البيت يكون غيرشبشب المطبخ لان ساعات المطبخ مش بيكون نظيف والشبشب يتوسخ وتخرجى بية تلاقى السجاد اتوسخ



5من وقت للتانى حاولى تجددى فى المطبخ يعنى مثلا اشترى فوط جديدة او اشياء توضع على الثلاجة ولو انت من هواة الاشغال اليدوية
ممكن تعملى ده بنفسك ولو حاجات بسيطة هتغير وتجدد من شكله