candy.. @candy_5
عضوة مميزة
يلزم عليك تسجيل الدخول أولًا لكتابة تعليق.
candy..
•
اول شي :
القلب زي الصفحه البيضاء
انتي لما يكون معاك ورقه بيضاء تحسينها تفتح النفس
با بامكانك تخلينها شي جميل ونظيفه او ترسمين فيها شي روووعه باحلا الالوااان
اوبامكانك تاخذين القلم ونقطي بالاسود لمن تصير سودا كامل ماتحسين انها تضيق الخلق تكتم
هذي زي القلب الاشياء الحلوه مثل القرب من ربي
نجاحاتك
بر لوالدينك
الاشياء الحلوه اللي بامكانك تسوينها
بس لو قعدتي ذنوب ذنوب ذنوب اكتئاب نظرات سلبيه للحياه
كل ذنب بمثابت النقطه السودا
لما تكتم عالقلب خلااااااص
هذا اول شي بتكلم عنه القرب من ربي
كيف نسوي اشياء تاثر على نفسيتنا وتنفعنا دنيا وآخره
امم اول شي العبادات الصلاه
(اذا لم تعش جيدا اعلم انك لا تصلي جيدا )
بغض النظر عن انها عمود الدين ووووووو
والله العظيم يابنات انها راحه نفسيه اللي تقول ماحس بشي لا صليت
اقولك تللذذي بالصلاه صدقيني بتحسين
الرسول عليه الصلاه والسلام كان يقول( ارحنا بها يابلال)<< حطي تحت ارحنا عشرين خط
لو نلاحظ صلاتنا كلها خيط بيط هع
خلاص اهم شي انا نصلي عاده بس
بس خلي قلبك يستشعر لذتها حسي
استشعري انك مقابله ربك وتصلين له والله يابنات شعوور عظيم
ما اقدر اوصفه
طيب نترك الفروض على جنب
اذا ضاق خلقك ولا عصبتي ولا قفلت الدنيا بوجهك
شبتسوين
انا اقولك اول شي ببتسوينه بتتصلين على اقرب خوياتك وبتبكين وبتشكين
هي بس تسمع لك بس ماراح تقدر تساعدك
ولا بتروحين تشغلين اغنيه حزينه تضيق وتضيق زياده وتهلين العبره
بس جربي مره وحده بس انك تفرشين سجادتك وتبكين لربك زي الطفل
اذا كنتي مظلومه باذنه ينصرك
اذا ناقصك شي محد يقدر يعطيك الا هو
اذا تحسين بكتمه مافي شي يبعث الراحه الا قربه سبحانه
يعني يابنات حاجه بدقيقتين تغير نفسيتك 180 دررجه
انا بس بقولك جربيها مره وحده واذا ماحسيتي براحه قولي الله ياخذ عمرتس ياكنيد :biggrin:
**ملاحظه
إذا ضاقت نفسك يوما بالحياة.
فما عدت تطيق آلامها و قسوتها...
إذا تملكك الضجر و اليأس
وأحسست بالحاجة إلى الشكوى
فلم تجد من تشكي اليه..
فتذكر أن لك رباً رحيماً
يسمع شكواك و يجيب دعواك
المهم الشي الثاني
تخيلي معاي انتي قاعده وبرفعه يد والحاح يجيك اللي تبين
من فينا جربت تدعي وتغيرت حياتها او استجاب دعائها ؟!
كثير منا يقووول انا ادعي ادعي بس ربي مايستجيب دعائي
انا بقولك في اشياء كثير ماتخلي دعائك تستجيب
اولها الذنوب
تخيلي تعالى الله عن ذلك
انو تجين عندي مثلا وتسوين اشياء تغضبني
وتزعلني
بعدين تجين تطلبين مني شي !!
توقعين بعطيك شي
هذي هي تعالى الله عن ذلك
كيف تبين تغضبين ربي وتعصينه وتسوين اشياء وانتي عارفه انها حرام وتغضب ربي وهو يشوفك تسوينها
بعدين تروحين تدعين
ابعدي عن الذنوب صفي قلبك
والحي بالدعاء زي الطفل بين يدين ربك شفتي الطفل لما
يحن عندك ويلح لما تجيه الحاجه اللي يبيها
خليك كذا الحي الحي
واذا تعبتي وفقدتي الامل استمري لان هذا دليل ان استجابة دعائك بأذنه قريب والشيطان يبي يفقدك الامل يبي يخرب عليك ابن اللذين :biggrin:
وصدقيني منتي خسرانه شي الدعاء اللي تدعينه مستحيل يروح هباء منثورا
يايستجاب لك حاجتك
او ينرد عنك شر
او يصير لك جبال من الحسنات يوم القيامه اللي تحتاجين حسنه وحده بس فما بالك يجيك جباااال من الحسنات سبحانك ربي ما اكرمك
صدق انا بخيلين على انفسنا
*ملاحظه
إذا خنقك دخان الألم :.
فـ إفتح نافذة الدعاء ليتجدد الهواءْ ..
الشي الثالث
جربي اذا شفتي هندي بالشارع او شفتي الطاوله هذي حقت التبرعات
عطيهم لو ريالين او 5 او 10
احنا نصرف بالسوق بالالآلاف
باقي اللي معك مو مخسرك شي
اي شي تقدرين عليه اقلها ريال
صدقيني بتحسين بشعوور حلوو بتحسين انك سويتي شي عظيم
واللي جربت بتعرف هالشعور
صدقيني بتجيك باي طريقه دبلاااات
جربي تصدقين بكل صدق نيه انها لوجه ربي
والله بتجيك لو بعد شهر
دايم تصيرلي
يمكن 5 ريال تجيك 500 ريال
باي طريقه مثلا يمدها لك ابوك اخوك امك
غير كذا شوفي اجرها
حتى المريض مثل ماقال الرسول صلى الله عليه وسلم (داوو مرضاكم بالصدقه)
اذا عندك احد مريض الله يعافي مرضانا ومرضا المسلمين
تصدقي عنه بنيه الشفاء بقولكم قصه وحده اعرفها
اخوها عمره 10 سنين
جاه الووكيميا السرطان بالدم :frown:
المهم حالته ميئوس منها قالولهم الاطباء
المهم خذته امه صارت توديه عند شيخ وتغسله بماي زمزم
ويوميا تصدق عنه يومياااااااا
بشي بسيط
اقسم بالله الذي لا الله الا هو ان الولد صارله 3 سنين مافيه الا العافيه\\
راح منه المرض تعجبوا الدكاتره
كل هذا بعد الله من الصدقه واكيد مع الرقيه ووو
الشي الرابع
ربي منعم عليك او عندك راتب او حتى مكافأه
بقولك حاجه ضمان للجنه وان شاءالله سعاده بالدنيا ورااااحه
100 ريال بس
تكفلين فيها يتيم يالله شوفي اجرك ايش عند ربي
قال صلى الله عليه وسلم "أنا وكافل اليتيم في الجنة كهاتين" وأشار للسبابه والوسطى
فرررصه يابنات والله العظيم فررصه ليه نضيعها من يدنا
100 ريال اصلن ماراح تسويلك شي
بتروح بملابس او خرابيط خليها بشي ينفعك بأخرتك
وفي اشياااء كثير وكثير بس مابي اطول الموضوع
بس فكري فيها انها تنفعك بالاخره
الوحده يابنات ماتعرف متى يومها
قاعده افكر في بنات كبري توفوا بحادث الله يرحمهم ويغفرلهم وبنفس السنه وحده فجأه كذا جاها نزيف وتوفت
بدون سبب وحده من خوياتي بنت خالتها قاعده معاهم تسولف راحت تنام ماقامت عمرها 11 سنه بس الله يرحمهم يارب
كانو يعرفون انهم بيموتون هالسنه يعرفون السنه اللي راحت انو السنه الجايه بيموتون:frown:
يعرفون انو الشهر الجاي بيموتون
يعرفون ان بكرا يومهم
لو دروو توقعون وش سوو حطي نفسك مكانهم
شبتسوين
خلونا نستغل حياتنا باشيااء تبسطنا وتسعدنا وتنفعنا بعدين
الذكي اللي يسوي اشياء تخليه مبسوط ويعيش حياته وبنفس الوقت يفكر كيف تفيده باخرته يستغلها
وفي حاجه حابه اقولها
اللي هي يابنات الغيبه
اذا كنتي تغتابين فنصيحتي لك لاتصلين ولا تدعين ولا تسوين اي شي ترجين منه حسنه !!
تخيلي تجمعين حسنات منا تطير على كل من تكلمتي فيهم
ماستفدتي شي ابدا
خذو حسناتك ولا زياده عليها تاخذين ذنوبهم
واحنا مشاءالله علينا مو ناقصين ذنووب ندور الحسنه دواره تروحين بكل بساطه تعطينها حسناتك على طبق من ذهب
غير كذا يابنات اي شي تكلمتي عليها فيه
صدقيني ربي بيبلاك
خلاص امسكي لسانك
امم بقولك طريقه تسوينها
عطي نفسك وعد انو اذا تكلمتي على احد بشي
تتصدقين ب 10 ريال مثلا او 20 او 50
وخليك صادقه مع نفسك وكل ماكثر المبلغ كل ماتبتي ززياده مسكتي لسانك شوي شوي بتتركين هالعاده من نفسك
وتنفعك منها انك تصدقتي ومنها انك تركتي الغيبه
انتي بس فكري انك يوم القيامه بتوقفين مع من اغتبتي قدام ربي
شبتقولين!!
وعلى فكره ابر شي بالغيبه ان ربي مايسامحك عليها لانها حق ناس لازم يحللونك
افرضي اغتبتي وحده وماتت !
عشان كا اقولكم يابنات اتركوها اتركوها اتركوها
حاجه ثانيه
الاستغفار
اللي اسميه العصا السحريه
صراحه الاستغفار له معاي شخصيا مواقف عجيبه عجيبه
ماراح اتكلم لان اكيد الكل عارف شيسوي الاستغفار
بس بكتفي بهالايه تامليها
{فقلت استغفروا ربكم إنه كان غفارا، يرسل السماء عليكم مدرارا، ويمددكم
بأموال وبنين ويجعل لكم جنات ويجعل لكم أنهارا}
اهم شي بعد يابنات الرضا باللي مكتوب لك والقناعه
حطي في راسك ان كل شي مكتوب لك بتاخذينه لو توقف الدنيا كلها بوجهك
صيري قنوعه باللي عندك
في ناس يشغلون انفسهم بالتفكير بشي ما عندهم او باللي عند غيرهم
مايشوفون اللي عندهم ابد
او بعد في بنات تشغل نفسها انا ماتزوجت انا ماجبت عيال
حطي براسك شي واحد
رزقك مكتوب قبل لاتنولدين اذاا مكتوب لك عيال بتجيبين
ااذا مكتوب لك زواج بتزوجين ان شاءالله عمرك فوق 50
توكلي على ربي وثقي ثقه تامه ان رزقك بيجيك
لا تفكرين ابد باشياء مو بيدك او اشياء مستقبليه تتعبين
عيشي كل يوم بيومه
لا تطالعين باالي عند غيرك شمعنى عندهم وانا ماعندي بتتعبين كذا
بعدين افرضي عندهم فلوس وجاه انتي عندك اهل يحنون عليك وعندك راحه بال موب عندهم مستعدين يدفعون فلوسهم كلها ويحصلون اللي عندك
خليك قنوووووعه وتوكلي على الله زي ماقلتك
واللشي المكتوب لك بيجيك بكرا اللي بعده ماعليك محد ماخذه غيرك
**ملاحظه
لا تفكر فى الماضى ولا تفكر فى المستقبل ولكن فكر فى الحاضر و كن قنوع بـ ما كتب لك في الحياة
BRB
candy..
•
حاجه ثانيه حابه اتكلم عنها <<ياكثر اللي تبين تهذرين بووه :biggrin:
اللي هي يابنات
الحب
كثير بنات يحبون واغلبنا حب
اللي حبت بداخلها وكتمت مثلا ولد عمها ولد جيرانهم ولد خالتها
او اللي حبت وراحت بعلاقه محرمه مع اي واحد
او من حبت بنت زيها
اللي تقرا موضوعي هذا وهي تحب تركز معاي
يمكن ماراح تعرف قيمة كلامي اللي اذا حست فيه بعدين
اول شي انتوا ادرا بحكمها ماراح اتكلم بانها حرام يابنات احنا بمجتمع
يرفض رفض تام مثل هذي العلاقات حتى تفكير الشباب خلاص تربوا على انه حب وحده ماياخذها
اذا شفتي تزوجها تراه اقل من 1%
حتى لو اخذها هل هي مرتاحه معاه !!
بتعيش بشك حياه مدري كيف كل شي مبني على حرام شتوقعين نهايته !!
الحب اللي ممكن يمشي اللي هو انك تميلين لولد عمك مثلا وكنتي مخطوبه له من وانتوا صغار
بس غير هذا صدقيني هم بهم
حتى لو كان يقربلك وتقولين ماراح يضرني
افرضي ان قريبك هذا تزوج وحده ثانيه
مثلا اخذ اختك بنت عمك شنو شعورك !
او الولد اللي تعرفتي عليه من اي كان بعد
والله يابنات انهم كلهم واحد المشكله انا نشوف ومانعتبر نقول لا انا غير
انا بغير القاعده واخر شي النهايه وحده اذا ماكانت فضيحه
يابنات الشباب اللي مايضرك بشرفك وفضحك بيضرك بقلبك بياخذك ورده متفتحه مورده وبيتركك ولا شي ذبلانه
بيرميك بدون قلب بدون روح
وبيروح يتزوج وينسبط وعيش حياته
صحيح بترجع ببناته بخواته باي كان بس ماراح ينظر شخصيا
انتي اللي بتنضرين
اولها بتطيررررين بيعيشك احلام ورديه ووهم وبيتركك بتوقعين على راسك
لا تقولين غير هو يخاف علي
بعضهم يدخلون لك بمدخل انه يخاف عليك وفيه خير عشان ترتاحين له
مثلا ينصحك وقومي صلي الا الصلاه وطيعي امك وووو
وهو خرطي خافي على نفسك منه
يابنات والله العظيم كلهم كذابين ولو حبك صدق مستحيل يتزوجك
ربي عطانا عقل نفكر فيه ليه ننجرف ورى مشاعرنا
الحب اللي يبدا بالشارع ينتهي بالشارع
واللي يجي من النوافذ ينتهي عندها
حبي بعدين الانسان اللي شاريك جاك وقدرك واحترمك ودق بابكم على طول
حتى حب البنات
الحين فيه بناات تماااادو مره كنت جالسه اسولف مع وحده
تقولي انتي حبيتي بنت قلت لها لا
قالت والله انو وناسه
قلت كيف احبها يعني
قالت عادي اعمل معاها كل شي !!
وصلنا لمرحله ماقول الا الله لايخسف فينا
في بنات يحبون بعض مجرد كلام وقلوبهم متعلقه فبعض بس وبعدين
اخرتها هم بهم وبتعذبين
يابنات ياحبيباتي انا اتكلم معاكم وانا حاسه وواعيه باللي اقوله مو مجرد كلام وحده فاضيه
انا بنت زيكم احب اتعلق
بس الواحد يحكم عقله
القلب اذا تعلق بغير ربه خلاااص
علقي قلبك بربي
انا ماقولك لا تحبين
حبي صديقتك خواتك قريباتك
بس لا تجاوزين الحدود تبين الراحه خلي قلبك لك صدقيني راحه بااال
لا تزوجتي حبي زوجك صدقيني شي له طعم ثاني
اعرف وحده تحب المهم انها انخطبت وبتزوج ماقدر تترك الشخص اللي تحبه
قلبها مره متعلق كنا ننصحها دايم بس ماتسمع
بس تزوجت قالتها بعظمه لسانها يابنات حب الحلال الزواج طعم غيييير
شي حلو راحه
اكتشفت اني كنت عايشه بوهم
خلو قلوبكم لكم محد يستاهلها عطيها من يستحقها ووجهيها للحلال
مشكلتنا انا مانعرف نتحكم بمشاعرنا بس لازم نتعود
اشغل نفسي بأي شي تحبينه وصدقيني بتعرفين تحكمين بمشاعرك
ملاحظه ***
..آسف يآقلبي
............ سآحيلكِ إلى التقآعد !!
............ فـ كل قرآرآتكِ خاطئه
............ وسآمنح العقل منصب الإدآره من اليوم:rolleyes:
BRB
candy..
•
المهم خلونا نروح
للمظهر الخارجي
احيانا لاضاق خلقي من اي شي
اروح اغير ستايلي من الى يالله تتغير نفستي مرررره
المظهر الخارجي دايم يعكس عالنفسيه داخل
اقلها لو تروشتي وطلعتي وريحتك حلووه تحسين نفسيتك اوك مره
اول شي واهم شي
النظافه الشخصيه
في بنات تلقينها كشخه من برا لاخر شي
والعطووور واللبس والكشخه وتلقينها حلوه
بس مافي نظافه من داخل ابدا تلقين فيها ريحه مو مرغوبه تنفر البنات منها
ووحده ثانيه مو كشخه مره بس مرتبه ونظيفه وشكلها وريحتها تفتح النفس فواحه تحسينها صابونه تمشي
وش الافضل اكيد الثانيه
بس ليه مانجمع الاولى مع الثانيه
النظافه مع الكشخه
النظافه الشخصيه /
اول شي تشلين الشعر الغير المرغوب فيه بالطريقه اللي تريحك
لانه اول سبب مسبب للروائح وتجمع للبكتيريا
في بنات يقولون امي ماترضى !!
استغربت جدا تقول ماتخليني الا اذا تزوجت !
هذا الشي امرنا الرسول صلى الله عليه وسلم امرنا فيه !
هذي نظافه لنفسك انتي
لانو اصلن يسبب امراض بكتييريا فطريات ممكن تسبب بعدين للاتهابات ممكن تسبب للعقم
<<سوري على جرائتي بس شي لازم اقوله هههههه
الشي الثاني عندك مناديل كير فري للمنطقه والغسول يعطي نظاافه وريحه حلوه
والفوط اليوميه بعد مره رووعه
تلقينها عند الصيدليات او هايبر بنده رخيصه بعد
بالنسبه لمزيلات للروائح العرق عندك في الصيدليه خذي الطبيه تجيك كريم
هي افضل الشي لا
اللي تجيك الرول زي حقت زهور الريف واللي زيها
تحبس العرق وتسبب سرطانات بعيد الشر عنكم
فخذي طبي افضل لك عند الصيدليات
واهم شي انحطها بعد النظافه بعد الشاور
في بنات اذا ا شمت بنفسها ريحه راحت تحط فوقه ديور دنت وعطر يطلع مزيل بشري : (
روائح الفم
لازم تروحين عند طبيب عشان تشوفين شسببها ممكن تكون من اللثه ممكن تكون من المعده
عالجيها ضروووووووووري تعالجينها ضروري
وفي عندك مضمضه غسولات للفم بس اذا السبب من داخل ممكن ماتنفع
من ضمن العنايه والنظافه الشخصيه والاشياء المهمه لك
نظافتك وعنايتك ايام البيريود :
هالايام تغير النفسيه بميه وثمانين درجه بس لازمها عناايه لانها اهم ايام تمر على البنت يكون كل شي فيك حساس
فابتعدي عن الاشياء هذي عشان ماتأثر عليك
اولها الوضوء والشاور
الشاور اول 3 ايام منها له اخطاااااااااااار كثير بالذات الشعر
ليه ايام البيريود مانتوضا <<لان فيه خطر علينا
وها الكلام يابنات اكيييييييييييييد
الدكتوره بنفسها قالتلي
تنظفي حطي بودره وسبراي وغيري ملابسك ترتبي ويمشي الحال لا تخافين ماراح تعفنين
ابتعدي عن الحوامض لانها تسبب تعفن بالرحم
كثري من شرب المويه والاشياء الدافيه
لاتمشين على السيراميك حافيه انتبهي
الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
اشربي الاشياء اللي تنظف الرحم مثل القرفه الكمون والفلفل الابيض مع الزنجبيل
ابتعدي عن الاشياء البارده والغازيات
لا جيتي تغسلين الله يكرمكم خلي دفع المويه خفيف من فوق
اهم شي التغذيه الزينه
ابتعدي عن البنادول خي مسكنات خاصه بالبيريود
غيري الفوطه كل ساعتين او 3ساعات
ابتعدي عن المطهرات والمعقمات ايامها لا خلصت استخدميها
انتبهي من النتف والحف والتقشير لان الجلد يكون حساس
فيه نظام فييافي مره روووووووعه
ملاحظه **
تمتعي بصحه جيده لكي تتمعي بنفسيه جيده
الشي الثاني
احيانا لما تكونين رايقه بتروحين تروشين خلي ترويشتك غير
مثلا
خذي مقشر وقشري جسمك او خيمه البخار اذا عندك سوي سونا
تحسين بشعور جميل
وغير كذا اذا عندك مناطق غامقه التقشير والسونا والحمام المغربي يفتحها مره
اذا ماعندك مقشر عندك زيت زيتون وملح او سكر مع شويه ليمون يخلي الجسم نعوومه
وعندك مقشر افركا سبا جدا رووووووووووووووعه من ذي بودي شوب
واقلها عندك املاح اليوكو
ب 5 ريال بس بس روووعه تعطي نعوومه الييييمه مره بطله
وشعرك سويله ماسكات او حمام زيت او اي شي تستخدمينه للعنايه
لا خلصتي اغسلي جسمك بالشاور جل الي تحيبين
اخر شي رشي جسمك بمويه بارده تسكر المسام
وغرقي جسمك بالبيبي اويل
او احيانا اخذ بوتل المويه احط مويه وابخ فيها العطر اللي احب او زيت العطريه كم بخه ورشيها على جسمك
روووعه وتثبت الريحه
وبعدها البودره وخمريه الشعر واذا تحبين تبخرين وعطر الجسم
واهم شي واحلى شي المسك الوايت مسك ريحته جدا جميله
او عند القرشي المسك الالماسي او الورد
مرره بطل
حطيه على اماكن النبض
واخر شي لا لبستي عطر الملابس
شوفي كيف تصيرين فواحه
حتى نفسيتك تصير مررره روووعه
بالنسبه لمجموعات الجسم عندك كذا مجموعه روعه
احب المسك وجابانيز شيري من بودي شوب
وو Soap & Glory اما من النت او تلقينها عند صيدليات بوتس البحرين
يمكن بجده بس سمعت بالرياض ماتنباع
بس مررررررررررره شي بطله
عندك الروز من ماركس سبنسر
كل وحده وذوقها
وفيه مجموعات كثير بعد
روحي محلات العنايه
مثل بودي شوب زهور الريف لوكستيان ميشا و ايف روشيه
خذي اشياء منها ماسكات مجموعات
ترى لما تعتنين بنفسك تشترين شي لنفسك تحسين بوناسه من جد
حتى الاظافر
عندك طقم العنايه من مكياجي
جدا روووعه
او تلقين بالصيدليه وخذي من نزيه او الجوهي هذا الوردي اللي يشيل الجلد الميت
وسوي مانيكير بالبيت واذا ماعليك صلاه حطي مناكير
ملونه او الفرنش
رتبي اظافرك لا تخلينها طويله مره قصريها عشان مايصير شكلها مو حلو
بالنسبه لستايلك ولبسك
بالنسبه للبس والستايل كامل انا عني احب اغير ستايلي كل 6 شهور
حتى بعض البنات يقولون لي انتي كل يوم لك شكل ههههههههه
باللبس احب انوع مره سمبل مره سبور مره كيووووت مره لا اصير مره ههههه
بالنسبه للدوام مثلا ايام البس سكيني مع قمصان الطويله
وايام البس جنز مع تشيرتات
مره تنوره سودا مع بلايز كشوخيه
لا تخلين ستايلك واحد ابد نوعي غيري
اذا انتي طويله البسي شي تحسينه يبرز طولك اذا قصيره العكس البسي شي تحسينه يوحي لشكلك بالطول او شي يعطيك منظر كيوووووت
اذا نحيفه البسي شي يعطيك منظر مليان اذا مليانه العكس
اذا انتي زرافه زيي طويله ماعليك البسي كعب طوله وسط مو عالي مره :icon20:
انواع الهواش علي طولي 170 مع الكعب
بس قسم رزه بالمناسبات ااذا انتي قصيروره كيوته البسي كعب طولي ههههه
بس يكون مريح بالمناسبات اما الايام العاديه لا عادي
فلاتات اي شي يريحك
شعرك
قصصيه مره طوليه غيري لونه
غيري تساريحه
شعري بالذات احب اغير فيه لان الشعر هو الاساس هو اللي يغير الشكل
تشوفيني جدا مغامره بالقصات والصبغات
ويطلع روووعه
الحين خليته طيلان شوي وصبغته اسوووود معطيني ستيل ثاني اعجبني واعجب اللي حولي مره
مع العدسات الخضر يطلع رووعه
ويبزر البياض الاسود يخليك لمبه
اذا انتي حنطاويه او سمرا عندك الاشقر رمادي والوان الشوكلاه
صبغتها طلع حلوو بس احس عالسمرا والحنطاويه احلى
خلطت اشقر رمادي فاتح واشقر بلاتيني من كولستون 2000
طلع هيك
كل من شافني سئلني وين صابغه وش لون صبعتك
لا غيرت ستايل شعري تغير نفسيتي مره
اذا ماتبين تقصين قصي اطرافه بس
في دراسه اثبتت انوا اطراف الشعر كلها شحنات سلبيه
عشان كذا حريم اول اذا فقدت احد او حزنت راحت تقص جديلتها
انتي اصلا لا قصيتي شعرك تحسين براحه انا عني انبسط احس براحه مدري ليه
مكياجك
بالنسبه للمكياج
لازم تعرفين اللي يناسبك كل وحده لها مكياج يناسبها
جربي وانتي قدام المرايه انواع الكحل شوفي اللي يظبط ليك اعتمديه
عندكك باليوتيوب يعلمونك رسمات كحل كثييييره
مثلا الحين احط الكحل الفرنسيه او الكات آيز
اذا عينك كبار ابديها من بدايه العين اذا صغيره من نص العين لزاوية العين بس
غيري بالوان العدسات حطي عدسات الطبيعيه الوانها
مثلا عسلي اخضر رمادي
انتبهي تحطين ازرق او الوان فاقعه
تطلعين قطوه ههههه
اذا فيك حطيتيها كثفي الكحل
ابرزي جمالك بالمكياج
اذا جمالك بعيونك ابرزيها بالعدسات بالكحل
اذا ب انفك حطي زمام يبرز انفك
اذا بشفايفك حطي روج جذاب ومع القلوس
عندك فيه بيس جفنشي دكتور وايت مره بطل وصباحي ويعطي البشره شكل حلووو
وفي نفسه من muf احلى منه بعد
وفيه بيس سان لو ران روووعه
البيس الاخضر : يغطي الاحمرار
البيس البنفسجي : يغطي الاصفرار والشحوب . :و يفتح لون البشره .
البيس الزهري : يغطي البهتان خاصه للبشره المائله للبياض .
البيس البرتقالي : يعطي رونق للبشره السمراء.
البيس الاصفر : يستخدم في الاضاءه القويه ويمتص الضوءويعكسه علي البشره
البيس الازرق: يستخدم للبشره الشديدة البياض الباهته
خذي اللي يناسبك
حطيه قبل الاساس او لحاله يجي
يعطي شكل مره نايس للبشره
<<لو بتكلم عن المكياج ماراح اخلص خلني اسكر الموضوع ههههههههههه
الذكيه اللي تعرف لنفسها تبرز نقاط الجاذبيه فيها سواء شكلا او حتى بشخصيتها
يابنات والله اذا اهتميتي بشكلك ياثر عليك بشكل كبيييييييييير للايجابي
حتى اللي حولك بيتاثرون بتسمعين الاطراء والمدح ويمكن الطنازه من اول مره بس ماعليتس طنشي ههههه
طبعا اختصرت جدا الشكل الخارجي لاني لو بفصل ماخلصت
ملاحظه**
الشكل الخارجي يؤثر
وبشكل كبير على الانطباع الأول الذي تتركه لدى المتلقي : )
candy..
•
المهم الشي الثاني بشخصيتك
كل وحده فينا لها ميزه بشخصيتها
احيانا تشوفين وحده عاديه تمر من عندك بس تحسين لها هيبه او لها رزه
شخصيتها عاكسه عليها
اللي اهم شي الثقه بالنفس
الثقه بالنفس شي مهم مرررررررررره
اصلا تشوفين الانسان اللي مافي ثقه بحاله
خايف متردد او احيان توصل للاكتئاب مافي ثقه ومافيي قناعه يشوف نفسه ولا شي
شوفي الاشياء المميزه فيك بجميع النواحي مافي انسان خالي من شي يميزه
ربي خلق لكل واحد منا ميزات شخصيه غير تميزه عن الثاني
وصدقيني ثقتك بنفسك تعكس على نفسيتك ومرتبطه جدا فيها
في بنات مشاءالله تلقين كل شي عندها بس تعيسه وحاسه بالنقص
مافيها ابدا ثقه بحالها
اخر شي بتكلم فيه
اللي هو المواهب اللي عندنا واوقات الفراغ
تمر علينا اوقات كثير فاضين ماعندنا شي نسويه نقول طفش زهق مدري ايش
لكل وحده فينا موهبه او شي ماهره فيه
فيه منكم اللي اكتشفته ونمته وفيه اكتشفته واهملته وفيه ما اكتشفت شي اصلا
فاقولكم شوفي انتي شاطره بايش اشغلي وقت فيه
فيه اشياء كثير نقدر نسويها تضيف شي لنفسي والشي الثاني تشغل وقتي
لان الفراغ اعوذ بالله يقعد الشيطان على راسك:icon20:
قومي سوي حلا مثلا تبرعي سوي عشا وخليه كشخه بالتقديم
اممم اقعدي مع اهلك اطلعي معاهم
تمشي زوري اقاربك
اعزمي خوياتك او اقاربك بنات خالاتك عماتك
اقعدي عالنت صممي تعلمي اشياء جديده افتحي اليوتيوب تعلمي المكياج الرسم اي شي
العبي مع اخوانك الصغار بالمويه او ورق اونو بلايستيشن هذي اشياء كلها تسلي وتونس:icon20:
اكتشفي مواهبك يمكن رسم او خط او كتابه او اشغال يدويه التصوير
صدقيني لا انتجتي شي انتي مسويته شعور لا يوصف الحين لا رسمت لوحه جديده
احسها وحده من بناتي انبسط فيها مررره
اذا انتي قاعده خذي دورات لغات او حاسب اداره اي شي
اذا جدتك او جدك عايشين خليهم سولفي معاهم اسئليهم عن ايام قبل ينبسطووون
وسوالفهم تهبل
احيان جدي يجيب العيد بس فديته يهبل احس اني اقلب عجيز معاهم :icon20:
اقوللكم بعد احيان لا طفشت رحت جرير وعند قسم الالوان والرسم انبسط هناك
او اروح الصيدليه مدري شسر الصيدليه معاي اموت فيها ههههه:icon20:
روحي ملاهي بالذات اذا نسائيه ياسلام بس نفتقرها عندنا بالشرقيه هنا كلها عوايل بس مايعوقنا هههههههه
فيه اشياء كثير تسلي بس اذا انتي راكبه مخك انها طفش بيصير طفش من جد حتى لو ودوك القمر
واذا حطيتي فبالك انو وناسه بيصير وناسه او ماسويتي شي
الهي باي شي عشان مايصير لك وقت تفكرين باشياء تضايقك او تزعجك
اذا تبين الوناسه من جد حطي قدامك قهوه وشوكليت وكلي وابلعي وبلعي وابلعي
لا خلصتي جيبي صحن البطاطس والفشار والهولستون
واشتغلي اكل اطلق شي بالدنيا ههههههههه
والله في دراسات اثبتت ان الفشار يحسسك باوناسه والسعاده ومن جد
لا اكلت فشار انبسطت مدري شالسر
مدري شحاطين فيه
وفي اشياء واجد وكثير تغير على نفسيتنا بس انتوا ابحثو عنها
بس ابرزها زي ماقلتلك القرب من ربي
هذا الشي اللي نفسنا مفطوره عليه واذا ابتعدنا خلاص تجينا الضيقه والاكتئاب
ليش الغرب مئات الالاف ينتحرون باليوم مع ان كل شي عندهم من ملذات الدنيا لان النفس مالقت الي تبيه
خصصي 10 دقايق باليوم تقرين قرآن مثلا لعله يكون شفيع لك يوم القيامه
صومي خميس اثنين تعرفون للصوامين باب الريان بالجنه
ملخص كلامي
1- اذا تبين الراحه النفسيه خليك قريبه من ربك
2- خلي قلبك لك وتعلمي تحكمين بمشاعرك
3-سوي اشياء تشغلك وتفيدك ولاتخلين مجال للوقت الفراغ الا قليل
4-غيري بشكلك وستايلك ومظهرك الخارجي ياثر على نفسيتك من داخل
ملاحظه**
يملئنيّ شُعوَر بِالرآحُةِ
حِيُن أُرَدِدُ : ” آلحمّدآللّه “
مهممِاَ صعُبتَ علَينُآ ظَرُوفّ ?لحُي?ةة
يبَقىُ ذككرَ معُيناً لّنآ <3
. . . . . * آلحمّدآللّه
..
ملاحظه **
يقول علماء النفس
آخر 45 دقيقة قبل أن تنام *...*
هي أهم الدقائق في حياتك?
لأن العقل الباطن
يشتغل بما كان الإنسان
قـد شـغـل نـفـسـه بـه
في آخر 45 دقيقة قبل أن ينام
لــذلــك
اجعل دائماً آخر 45 دقيقة قبل النوم
لحظات تفاؤل
لحظات أمل
لحظات حلم حقيقي تريد تحقيقة
اجعلوها لحظات إيجابية
وستشعرون بالإيجابية
د.طارق السويدان
الصفحة الأخيرة
بسم الله الرحمن الرحيم
صباحكم مسائكم انا <<رحتوا وطي :icon20:
اعزائي المشااهدين معكم كنيد الحمامه الجميله في منبر مراسلات السلام
جايه تقرق على روسكم شوي<<الا صدق تخيلو الحمامه تتكلم
بصراحه ماعندي موضوع معين اطرحه عليكم
يعني الله يعينكم على لحسه المخ بشطحلكم من موضوع لا موضوع
المهم ياعزيزاتي الجميلات
هل تعبتي عزيزتي الجميله من خياس النفسيه
هل فكرتي بالانتحار
هل تعبوا اطفالك او اخوانك من التمحيط بسبب تقفيلت مزاجك
هل تشعرين بالضجر والملل والاكتئاب اذن تفضلي معاي كنيد ام كشه وابشري بسعدتس
<<الخلا بس
اللاحظ كل مادخلت المسن
القى برسونال البنات
راحت الراحه على العوض
خلاص الهم قتلني
ابي امووت وارتاح
يارب خذني
صراحتن شي يثير استغرابي جدا
مع انها توها في بدايه العمر
ادخل عليها عسى ماشر ياامي فيك شي
من شنو متضايقه تقول انا خلاص كارهه الدنيا انا ابي اموت
انا مهمومه انا متضايقه
اقول وراتس مات رجلتس وخلف لتس 20 ورع
ولا يتيمه وعند مرت اخو تكرفتس لمن تقولين امين
تقول خلي بالقلب بالقلب
انا ما انكر ابدا انو كل سن له تفكييره ولا همومه بس صدقيني بس
تكبرين بتضحكين على عمرك ضحك هستري تقولين والله اني خبش <<خبش خبله هبله
المهم انا بكتب اشياء تغير نفسيتك من برا ومن داخل كله
سنعود بعد قليل