هلا حامل انا بخير الحمدلله يارب ولادتي بتكون ان شاء الله ويسرها ربي لي بالاسبوع 36
حلا حلوة الصورة هههههههههههههههههه بس الموت وين المعده ؟؟؟
هلا حامل انا بخير الحمدلله يارب ولادتي بتكون ان شاء الله ويسرها ربي لي بالاسبوع 36
حلا حلوة...
الله يجزاهن خير يآرب ..,
هذا نظام 1 ..,
عالريق 7 حبات من + . .
-* . طريقة تمر الحلبة :
عبارة عن تمر معجون بــ يعجن التمر مع الزبدة حتى تصبح عجينة لينه ثم تعجن مع باقي الأعشاب وبعدين نكون منها كور بحجم التمر العادي لا يكون كبير ولا صغير .. طبعا يتم علمها قبل النفاس بفترة .. وهذي الطريقة ميزتها انك ماتحسين بطعم الحلبة عكس لمن تنحط مع موية حارة او حليب او مع الأكل يكون طعمها واضح جداً ..
-* . طريقة شاي الأعشاب :
عبارة عن = هذي طريقة الدكتور عبدالله القحطاني وفايدتها تنظف البطن وتشده ..
- آلفطور | عااادي اي شي اشتهية مع كاسة حليب
- الغدا | لحم + مرقوق + خضار مع عصير بس مايكون بارد
- المغرب | اتقهوى من شاي الأعشاب مع تمر الحلبة
- العشاء | اي شي اشتهية واحرص على انه يكون فيه اشياء دافية حليب / شوربة
-* ملاحظة :
يكون في الـ 15 يوم الأولى .. والعشرين يوم الي بعدها استبدله بـ ويكون مرة وحدة باليوم .. مو زي الحلبة مرتين باليوم .. لأنه حار ع المعده مايصير نكثر منه يكون بالصباح بس
وهو عبارة عن تمر وزبدة معجونين بـ ونكورها زي ماعملنا بتمر الحلبة ..
-* . متفرقات :
- ضروري تعطرون ملابس المستشفى .
- وقت مارحت للمستشفى للولادة أخذت معاي حلتيتة وكنت اشمها طول الوقت .. تبعد الشمم ، وكل ماتعطرت او بيجيني الضيوف احرص اني اشمها .
- للشمم او قبل مايجيني ضيوف اجيب كاسة موية واحط فيها أعشاب مجمعتها مكونة من .. وهذي ماخذتها من كتاب عن الشمم ..
- أبعد تماماً عن الرز والنشويات وأحرص على اللحم والبروتينات .
- المشي بدون سليبر على البلاط ممنوع .
- اي شي باارد / غازيات تعتبر من المحضورات واحرص على الدوافي
-* العناية بالمنطقة الحساسة :
- أستخدم غسول مرتين يوميا بالصباح وبالليل ..
- للجرح أستخدم مرهم مطهر ومعالج للحروق والخيوط
بعد اسبوعين أستخدم مطهرات طبيعية :
- موية مفوح معها ملح ومرة ..أستخدمها كـ غسول
- مرهم طبيعي : عبارة عن مفوحين مع بعض طبعا هذا مرهم إذا حطيته ما أحط ميبو ..
-* البطن :
- استخدم المشد من اليوم الثالث لي بالنفاس
- ادهن بطني مرتين يوميا مرة الصباح بـ هذي طريقة الدكتور عبدالله القحطاني لشد البطن مرة المسا بـ لإزالة سواد البطن أدلك بطني فيهم عكس عقارب الساعة ..
-احرص ع التمارين من اول يوم بالمستشفى .. وبديت بأشياء خفيفة من خلال كتاب عطوني اياه مستشفى دلة
- بعد ماطلعت للبيت بديت بالمشي احاول قد مااقدر من ربع إلى نص ساعة يومياً ..
هذا نظامي والسموحة ع القصور ..
هذا نظامي 2 ..
- (( الايام الاولى )):
في الصباح وعلى الريق تأخذين مع هذا السفوف ( اللهوم ) بعد جمع نباتاته وطحنها وتأخذين منه 2.م.ك
{ كوب حلبه+ نصف كوب ماش وحبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب ولاننسى التمر مع الرشاد من اول يوم لاخر يوم بالنفاس
- (( الايام الاخيرة)):
نفس تسلسلك بالادويه ولكن السفوف يختلف وهو مكون من {كوب حبه سوداء+ م.ك. قرنفل+م. ك قرفه + م. ك. فلفل اسود+ م.ص. محلب + فنجان كمون + م.ك. نونخه+ فنجان حبة حلوة(شمر)+ فنجان رشاد} تطحنين جميع المكونات ماعدا الرشاد
وشاي الاعشاب ..قشر قهوة +كمون+يانسون+نعناع او الي تحبين تشربينه
- الغسول ملح وماء وارطا ..
وسلامتكم
لـ ارواحكم الطاهرة كل الود ~
هذا نظامنا بالنفاس واستخدامنا للاعشاب 3 :
- الحلبة : تطحنينها ناعم وكل يوم تاخذين ملعقة أكل بالصباح وثانية بالليل طول الـ 20 يوم الأولى ولوماتقبلتيها لوحدها حطي ملعقة حلبة ( مطحون - أو كامل ) مع ملعقة قرفة بترمس وصبي عليهم مويه حارة واشربيها أو حطيها مع حليب حار ..شوفي الطريقة اللي تريحك ..
- الرشاد : ملعقة صغيرة يومياً اول 15 يوم والأفضل تحطينها بالتمر , وطريقة التمر : خذي 7 تمرات وحطي معها 7 حبة سوداء و ملعقة صغيرة رشاد وشوية زبدة وفلفل اسود تاكلين يومياً التمرة هذي .. وانت جهزي 15 حبة من قبل النفاس افضل وحطيها بالثلاجة وكل يوم طلعي حبة كليها على الفطور ممكن تسخنينها بالميكرويف وقت الأكل , بالعشرة ايام الأخيرة ارجعي خذي ملعقة رشاد يومياً بدون تمرة لو حبيتي ينظف الدم ..
- الشمر : حطي بترمس ملعقة شمر + ملعقتين قرفة + ملعقة زنجبيل + سكر حسب الرغبة حطي عليهم مويه مغليه وتقهوي عليها ..
- المرة : لو أخذتي مضاد لاتاخذين مرة لحد ماتوقفينه .. لو حسيتي بتعب اخلطي كمون + محلب + مرة مطحونات حطيهم مع فنجان قهوة واشربيها مرة باليوم ولاتزيد عن 3 ايام متصلة .. بس كلما حسيتي بتعب تقدرين تاخذينها ...
- المرامية : لا تاخذينها توقف الحليب
- الارطا : حطي ملعقتين بقارورة وحطي عليها مويه مغلية وشوي ملح خشن وخليها بالحمام تتشطفين فيها بعد ماتكملين 20 يوم من النفاس .. من ناحيتي ما استخدمته في ولادتي الاخيرة اكتفيت بالتشطف بالمويه والملح ..
- قشر القهوة : اعمليها قهوة او مع الكمون والقرفة مثل
مايقولون البنات ..
- الحلتيتة : شميها لو تعرضتي لروائح عطور ..
امي توصيكم بالمطازيز مع اللحم والبيض الصباح والحيب الدافئ .. ابعدي عن الحمضيات والخضار اللزجة .. والبيبسي واللبن والبطيخ , يومياً كثري من السوائل الدافية واشربي ماء مايكون بارد ..
- مدرات الحليب : الحلبة - الشمر - الكراويه - الحلاوة الطحينية - السمسم - التمر - الحليب والسوائل بشكل عام .. مرق اللحم ..
رتبي مواعيد أكلك وحاولي لو قدرتي تنامين بمواعيد منتظمة بعد الولادة دهني بطنك بزيت الزيتون أنت وطفلك يدفي أجسامكم ..
- الـكبو : تحتاجينه لو حسيتي برعشة برد أو آلام بالفخذين والظهر طريقته تحطين مرة + رشاد + كمون + قشر بصل + هدب أثل وتتبخرين فيه ولاتكررينه مرة ثانية الا لو حسيتي بالتعب هذا مرة ثانية .. لأنه بعض الناس تستخدم الكبو يومياً وهذا غلط .. وممكن تستخدمين الكبو قبل الولادة وأختي تقول لك <-- العايلة كلها مجتمعة تعطي توصيات تقول شوفي نظام العامرية كويس ماعليه ..
ودعواتك لي وللوالدة .. ترى جايتها مخصوص اليوم عشان آخذ لك نظام النفاس كاامل
الله يهون علينا وعليك والجميع يارب