السلام عليكم
كيفكم يابنات
عندي استفسار عن الشهر التاسع متى يفكوا الربط وهل بنج كامل او نصفي
راسيا
•
غريبه العيون
الله يقومك بسلامه واكثري من الدعاء
جوري
الف حمدلله على سلامتك ,وانا انتظر هاللحظه بفارغ الصبر
يارب اوصل لها على خير
الله يقومك بسلامه واكثري من الدعاء
جوري
الف حمدلله على سلامتك ,وانا انتظر هاللحظه بفارغ الصبر
يارب اوصل لها على خير
الصفحة الأخيرة
كيفكم يابناااات والله مشتاااقة لكم حيل مع اني متاابعة اخباركم اول بأول بس مافيه وقت ارد يعني اطمن بس عليكم كل فترة ..
ماشاء الله جلست ادور الرابط الجديد لحد مالقيته وماشاء الله امتلى بالبنات الجدد الله يسهل للجميع ويهووون عليكم ...
عيووووووووون الامارات كيفك يالغلا ؟؟ ياوحشة لك بقلبي والله
الحرة الف مبروووك البنووووته وعقبال الباقيييين
لابسة جينز لاتشيلين هم الكل في الشهر السادس يحس بنفس احساسك يعني انوااااع الطفش بس عليك بملازمة القران والاذكار وحاولي تطلعين شوي او تقابلين زميلاتك او خواتك ..
الله يسهل للكل ويتمم لكم ربي على خير ياااااااااارب ويفرحكم بشوفة عيالكم اللي تنسيكم التعب واحتسبوا الاجر من عند الله الكريم على كل الم او ضيقة فعند الله خير كثير
المهم اعلمكم بولادتي بعد مرووور شهر ونص :42:
زوجي داوم الصباح بعد ماتطمن اني طيبة ... وانا كنت حااااسة بألم بس ماتوقعت ولادة المشكلة دوام زوجي بعيييييد يعني ساعة ونص رايح ومثلها جاااي:3_10_6: .. وبسي طلع من هنا ويجيني ذاك الوجع من هنا ... يعني بدأ الطلق :eek::eek:
والله يابنات واقوم اخذ دش عشاااان يخف الالم شوية والموية على الحااااااااااااار اصبها على جسمي عشان يخف الطلق واطلع اصلي ركعتين وادعي الله واحاول اطول بالسجووود لأني سبحان الله وضع السجود يريح وقت الطلق ثاني شئ ادعي ربي يسهل لي ...بس قد ماكنت خايفة ومتوترة من الولادة اللي جايه وزوجي بعيد قد ما حسيت بالفرحة اني باولد أخيرا وافتك واشوف البيبي..:baby2:
المهم واقوم احوووم بالبيت واقرا سورة الزلزلة واستغفر واستغفر لحد مايشد الألم واحاول اخذ نفس وقتها واجرب وضع الركوع ( والله جدا مفيد تأخذين نفس اثناء الطلق وكمان وضعية الركوع ) المهم بعدتقريبا الساعة الا الالم يشتد واقوم اكلم زوجي اقول متى راجع؟:confused: (ولابينت اني تعبانة ) قال توي واصل بسم الله فيك شئ قلت لألأ عادي بس وش رأيك توقع وترجع ؟؟:biggrinlo
عاد هو انهبل عرف اني مش ولابد .. قااام السيد كلم ابوه وانا ما ادري الا عمتي جاااايه مفجووووعة وحناها على يدها المسكينة من الليل ...فيك شئ ؟؟؟ تقول لي ...قلت الم بسيط ( وانا والله وحده العالم بالوجع بس ما ابين لعمتي لانها حرمة كبيرة مابغى اخوفها وكمان عشان مابيهم يودوني المستشفى ابي استنى زوجي ...المهم زاااااد الالم ولا عاد احتمل صرت اقوم واقعد ماادري وش السالفة وش السواة وشوية الا عمي يشغل السيارة ويالله على المستشفى وانا بالسيارة في عالم ثاااااني من الطلق واقول لعمي شغل اذاعة القران عشان مايسمع شئ بس الحمد لله ربي ستر على لحد ما وصلنا وهناك الدكتورة تكشف ويالله لحد ما جات الولادة ( هنا ينقطع الفلم ) سبحان الله عشان لي شهر ونص احس بدت التجربة تنمحي من ذاكرتي والصراحة انا ما احب استرجعها بس لعيونكم كتبتها المهم احداااااث كثيرة مرت خلال تلك الساعات بس اللي اذكر الدكتورة تقول " يا ماما مش حتولدي كده ... انا مش مسؤؤؤلة عن اللي يسير للبيبي ّ:angry2:!!! دا طفل عزيز ( يعني من سنين وحنا نستنا يسمونه كذا )واسمعها تنادي على دكتور ( على قد ما قلنا نانبغى رجاااال بس الله يتجاوز عنا ويتوب علينا..
وتمت الولادة على خير ( يارب اكرم كل وحده تقرأ بالولادة الميسرة ) واقوم من الدوخة وهم جالسين يدورون على عرق ياخذون منه تحليل مالقوا ... يمكن ست اوسبع ابر يعطوني ويحاوولون يسحبون دم مايلقون شئ .. قلت شكلي ما عاد فيني دم :22:
لحد ما رجعت لي الروووح والحمد لله حتى يرضى والحمد لله اذا رضي وله الحمد بعد الرضى ...اسأل الله العظيم ان يسهل للجميع الولادة ...
فيه اموور ونصايح مفيدة ومجربة وقت الولادة اول ماتحسين بالالم وتوقنين انها ولادة :
1) اول شئ هدي نفسك ( هدي هدي هدي ) اشعري نفسك بالفرحة وتذكري المولود اللي ياما استنيتي جيته هاذا هو جااااي
لا تخافين كثير من الولادة وتذكري ان االله معك في كل لمحة بصر وهو ارحم الراحمين لاتتوقعي حاجات سيئة مثل يمكن تتعسر الولادة او ما القى دكتورتي او ... او ... ارمي كل الكرب وراء ظهرك وافرحي بجية الضنا... وانك بتصيرين ام ( يعني حاااولي تكون معنوياتك مرتفعة لأن النفسية لها دور في التسهيل بإذن الله )
2 ) لا يفتر لسانك من الاستغفار والزلزلة ومريم ووقت الطلقة ( رددي يااااارب ياااارب يامسهل الشديد يا ملين الحديد اخرجني من حلق الضيق الى اوسع الطريق بك ادفع مالا اطيق ولا حول ولا قوة الا بالله ... اللهم رحمتك ارجو فلا تكلني الى نفسي طرفة عين ...) هذا الدعاء اتحفتنا به في التجمع عييون الامارات الله لايحرمها الاجر وحاااولي انتي تترجين ربك حبيبك يسهل عليك ...
3) مهما بلغ بك الالم ففهو شئ في طاقتك يعني انت مهيأه لتحمل هذا الالم والله يابنات احنا نكبر الموضوع من كثر مانسمع من بعض الحريم اللي كنهم كانوا في معركة ويبغوووون يوضحوون انهم ابطال فيزيدون من شدة الوصف وان المووووت كان بهم ( صح فيه الم بس يختلف من وحدة والثانية ) يعني خلك ( قدعة )وتحملي ..
4 )خذي لك شاور بموية دافية او حااارة نوعا ما تخفف بإذن الله الالم .
5) صلي ركعتين واطلبي الله
6) لاتروحين اول ماتحسن بالالم يعني ساعة او ساعتين واحسبي حساب الطريق ..
7) احتسبي الاجر في كل وخزة الم وتذكري ان ملايين الحريم يتمنون ذي اللحظة ...
8) حاولي ماتصارخين كثير واذا كان لابد فقولي ياااااااااارب
9) اذا احد قريب منك ( زوجك , اختك , امك....اوحتى الممرضة ) اطلبي منهم يدلكون ظهرك ويسون لك تكبيس وقت الالم
10) لاتنسين طريقة التنفس العميق لها دور بعد والافضل تدربين عليها من بداية التاسع خذي نفس وخليه يحترق جوا وبعدين زفير بهدوء
11) احمدي الله اللي من عليك بالحمل والذرية وتوكلي عليه
12) بعد ماتقومين بالسلامة اشكري الله ولاتنسين فضله عليك وكثري صدقة .........والله معك
والله اليوم خرجت اللي بخاطري كله من كلام ...يعني حق الشهرين اللي طافوا بس والله من حبي لكم وسامحوني على الاطالة ...وان شاء الله ابقى معاكم دايم وحاضرة للأسئلة ..