مسا الخير عليكم خواتي
الله يتمم جملكم جميعا
انا اختكم جديده حاولت اتصل واكلمكم من زمااااان بس سبحان كل شي بوقته حلو
لي معكم كلاااام كثيييير راح نتبادل خبرات ان شاء الله قريبا
مساء النور
هلا ومرحبا فيج اختي
وحياج الله بينا
في اي وقت في التجمع وخذي راحتج:27:
****
مرحبا بنات
انا اليوم رحت للموعد ومثل ما قلت لكم فتحت ملف في هالمستشفى الحكومي علشان ان شاءالله راح اولد فيها
واول ما رحت على الساعه 2 وخذيت اختي معاي سولي سونار وكانت واااااايد طيوبه الي اتسوي لي السونار قالت لي الحمدلله البيبي اوكي
وسوت لي اكثر من صورة ورفقتهم بالورقه علشان اعطيهم الدكتورة
وبعدين تميت انتظر دوري علشان ادخل على الدكتوره
طلعت دكتورة هنديه بس كانت حبوبة
تتذكرون قبل اسبوعيين فحص السكري العشوائي الي سويته بعد ساعه من شربت الجلوكوزو سحبوه مني دم وقالوا لي روحي لانه فحص عشوائي مو الدقيق الي ياخذ اربع ساعات وانا سويت ابو اربع ساعات الدقيق في الخاص وطلع السكري طبيعي بس قلت لكم الحكومي ما يبون الا فحوصاتهم المهم
اول ما شافت النتايج قالت لي السكري وااااااااايد مرتفع خوفتني واضايقت والله كثير خفت على البيبي
وبعدين قلت لها انه الي سوت لي السونار قالت انه راس البيبي تحت فأنا طبعا خفت
قالت لي لا عادي لا تخافين البيبي صغير وعادي لازم يتحرك وراح تتغير حركته
وقلت لها انه عندي ابرتين ولازم اضربهم اليوم الي هم ابر التثبيت قالت لي ليه تاخذين ابرتين لازم تاخذين وحده بس
انا استغربت قلت اوكي المهم عطوني الحين وحده وعطتني الممرضه الابره وحده بس
وصرفت لي الدكتورة اربع علب من نفس نوع الابره
وقالت لي خليهم معاج كل خميس استخدمي وحده وقالت لي لا تستخدمين الدفاستون خلاص الابر افضل
وعطتني ورقه قالت لازم اتروحين قسم فحص الدم ويعطونج موعد علشان فحص السكري الي ابو اربع ساعاااااات:icon32:الله يعيني يوم الاثنين من الساعه 8 لازم اكون عندهم وصايمه من فالليل..
وعطتني الدكتورة موعد للمراجعه عندها تاريخ 7-12
واول ما رحت البيت اتصلت على دكتورتي وقلت لها الدكتورة اتقولي خذي بس ابره مو ابرتين ووقفي قالت لي الدفاستون قالت ايه الدفاستون خلاص وقفيه بس الابره لا مو وحده لازم تاخذين ثنتين كل خميس ما عليج منها
قالت لي من هاذي الدكتورة شو اسمها هي تعرفهم كانت تشتغل في نفس المستشفى قلت لها الدكتورة الهنديه وقلت لها اسمها قالت لي ما عليج من الدكاتره الهنود يخبصون وانتي مرضيتي وانا اعرف وضعج بس قالت لي عادي لا تاخذين الثانيه الحين عادي مفعول الابره بيكون موجود بس من الاسبوع الجاي تضربين ابرتين قلت لها اوكي
الله يعطيها العافيه والله كثير احبها ياربي ذي الدكتورة والله يحقق كل الي في بالها احس انها اتحس في مريضتها وتعرف شو الي تحتاجه
طولت عليكم بس حبيت اقولكم عن سالفتي اليوم:27:
الحمد الله على سلامتك عيون
الله يتمم علينا جميعا يارب بخير
بنات بسألكم
انا عرفت ان اليانسون حلو للمناعه عشان الانفلونزا
وش رايكم هل يضر لو اشربه يعني هل بيجيب طلق ولا اشرب عادي
الله يتمم علينا جميعا يارب بخير
بنات بسألكم
انا عرفت ان اليانسون حلو للمناعه عشان الانفلونزا
وش رايكم هل يضر لو اشربه يعني هل بيجيب طلق ولا اشرب عادي
الصفحة الأخيرة
الله يعين واحد يساعدني لاني جديده بتبوك مااعرف احد :44::44: