اهلين مس فيفا يشرفنا نتعرف عليك اكثر ..والله يجزاك خير على الموضوع الرائع اللي نزلتيه للمقبلات ع العملية ..
ايش مؤهلك الدراسي ؟؟
احد يعرف بالعملية غيرك انتي وزوجك؟؟
الله يرزقك بالذرية الصالحة
اهلين مس فيفا يشرفنا نتعرف عليك اكثر ..والله يجزاك خير على الموضوع الرائع اللي نزلتيه للمقبلات ع...
بالنسبة لاسئلة: سبب النزيف طبيبي الى الان لم يجد اجابة محددة... و انا متاكدة انه اللي تعرضت له لا يتعرض له هنا البنات لانه اليل صابني ليش ترشيح خفيف متل الدورة...
بنات ركزوا ... اللي صابني نزيف مو طبيعي... الطبيب نفسه لما شافه خاف عليي و قال : ما مرت عليي حالة متل حالتك متل هالنزيف الا حالة واحدة... و كانت حامل في الشهر التاسع ...
بنات كنت احس والله انه متل حنفية مية مش قادرة اوقف على رجلي و ازا وقفت بحس في شي دافي بين رجلي عن بينزل حتى لو جلست ...و الدم كان في كل مكان ... على الارض... على الدرج... في العيادة .. على سرير العيادة ...في كل مكان... حتى اقدامي كلها و رجولي كلها صااااارت دم... و حتى عباتي عصرتها نزل منها دم
اما اللي بصير مع البنات هون مشحة دم او تنقيط متل قبل الدورة او الدورة نفسها... فلا تخافوا بنات... انا لحد الان مش عارفة تفسير للي حصل لي
سؤالك التاني: لا ما عملت تحليل حمل وقت النزيف لانه ما كان لي مرحعة غير اسبوووع... يعني اكيد لو فحصت مارح يبان مستحيل.. و لو كان رح يبيين كان الطبيب طلب مني بنفسه اني احلل فورا...
هو طلب مني تحليل لما شاف الدم الغزير و قال لي حللي يوم العاشر من الترجيع مع انه ما بحب التحليل قبل اليوم 12 بس حكالي انه حاالتي خاصة و انه لو كان في حمل رح يبين و لكن بنسبة قليلة و هي فوق 20 يعني بكون حمل
و هو تحسبا منه اعطاني ابرة تثبيت... في حين عند الطبيب اللي قبله لما عملتها عندهم و نزل علي دم يوم التحليل و كان متل بداية دم الدورة لونه احمر ... اتصلت على المشفى (طبعا هداك الطبيب ما بيعطي رقمه لحدى ... المتابعة و الاستفسارات بتكون مع الممرضات في المركز نفسه) المهم طلبت من الممرضات انهم يعطوني اسم ابرة التثبيت عشان اخدها و صاروا يحكيلوا مافي داعي و خلص و هيك كلام... و لما حللت كنت حامل بس حمل ضعيف يعني هرمون قليل جدا و العوض على الله
الخلاصة يا بنات و ركزوا في كلامي كويس والله رح ترتاحوا: الخلاصة انه لن يصيبنا الا ما كتب الله لنا... يعني لو اخدتي ابرة تثبيت و الله مو كاتبلك نصيب في هالحمل مارح تاخديه و لو ما اخدتي شي و كنت بتنزفي طول فترة حملك و الله كاتبلك نصيب فيه رح تاخديه غصب عن الكل
اقراوا كويس في الفقه خصوصا في بند الايمان في القدر.. رح تحسوااا في راااااااحة ما بعدها رااااااحة
القدر يا بنات... الله هو اللي مقدر الاقدار و كلنا بياخد رزقه... فلا تزعلوا لو راح منكم حمل او اصلا طلع مافي حمل... كله في اجر و ثواب عند الله اذا احتسبتي المك عند الله اجر ان شاء الله
و بعوضك الله في خير اخر يمكن بشي افضل من الحمل نفسه... يمكن بزوج صالح ... او سكن دافي... او محبة من الله يضعها في الناس اللي حولك اتجاهك... او اي شي اخر
بخصوص سؤالك الثالث... اسم ابرة التثبيت بريميلوت اطلبوها اذا شعرتوا انها ممكن تفيدكم لو صابكم نزيف لا سمح الله و الافضل اولا و اخيرا استشارة طبيب... تذكروا انني لست بطبيبة لافتي... لكن انتبهوا انه جرعة ابرتين منها تعادل تحاميل تثبيت لمدة اسبوع كامل
سؤالك الاخير: لا اعرف كيف ممن نميز بين دم الدورة الفعلية و بين دم النزيف... اللي ممكن يميزه هو صورة الالتراساوند عند الطبيب... لانه طبيبي عمل لي فحص التراسانود مهبلية وقت النزيف و عرف انها مش دورة من بطانة الرحم... لانها كانت سميكة سمك مناسب لاتغراس اجنة و قال لي لو كانت دورة لكان الجدار رقيق و كان نزل كله في الدم
اتمنى اكون افدتك انتي و القارئات العزيزات
و اي سؤال حبيبتي لا تستحي اسالي عادي