بداية:
نشكر الله على نعمه أللتي لاتعد ولا تحصى علينا . ..
وأسأل الله أن يرزق كل محروم بالذرية الصالحة ..
بسم الله ماشاءالله ..
بعرفكم بنفسي أنا أم لثلاث أطفال 8 سنوات و4 سنوات وسنه وشهرين ..
اليوم: الأحد
التاريخ: 26 / 12 / 1430 هــ
بطلة يومياتي هي ابنتي الكبيره تدرس سنه 2 ابتدائي ..
يبدأ يومها من الساعه 5 صباحا ..
تقوم من سريرها ترتب المفرش
تروح الحمام تغسل نفسها وتوضي وتفرش اسنانها ..<<روتين لابد منه
تصلي صلاة الفجر ..وتتناول افطارها ..
طبعا الفطور غالبا يكون جبن وحليب طازج ..وبعض الاحيان انوع فيه ( بان كيك او بيض او تونه ...)
وكان فطورهاا هاليوم بان كيك مع حليب طازج ساخن واحليه بسكر او شوية عسل ..
..
طبعا واحنا نفطر مع بعض نردد الاذكار مع بعض.. وان مافي وقت بالسياره مع ابوهااا ترددها هي حافظتها بس يبيلها من يشد عليها ويذكرها تعرفوون اطفال يهملون هالشي ..
واستودعها الله وتبوسني قبل ماتروح فديتها ..
و فطورها بالمدرسه اشكل لها لانها ملوله اذا تكرر الشي اكثر من مرره ..
فاسوي لها توست مثلثات محشي ببيض وطماطم وخيار وعصير برتقال
او توست بالتونه مع طماطم
او جبن سلايس مع شرائح طماطم و شرائح مرتديلا ..
وأكثر الاوقات هي تحب توست محشي بشكولاته نوتيلا مع انتي ما افضلها لكن بما انها تفطر بالبيت فما عندي مشكله ..
وسويت لها هاليوم توست محشي بشرائح مرتديلا وخس وطماطم مع سلطة فواكه ..
هذي الشنطه بعد مارتبتها ..
يتبع
واستقبلها ببوسه وهاتك يا أسئله عن يومها كيف كان ؟؟
قبل ماتدخل البيت تفسخ شوزها بدولاب اللي عند الباب وتدخل البيت وتغير ملابسها
بما ان الجو بارد فما يحتاج انها تستحم كثير عكس ايام الحر طبعاا
تتوضى وتغسل يدها ووجهها بالصابون .. وتصلي الظهر معي ..
الاستحمام غالبا كل يومين ..
طبعا ماعندي نوم بالظهر ابدااا الا للظروره اذا بروح مشوار بالليل او مشغولين عندنا ضيوف يعني شي خاارج عن ارادتي فتنام الظهر عاادي ماتتعدى ساعتين ..
ولكن اغلب الاوقات اذا جات من المدرسه ترتاح شوي وتاكل فواكه مشكله او ساندويتش مع اخواتها الصغار ..
وتلعب معاهم ... او
تفتح كمبيوترهااا تجلس شوي على مواقع تعليميه او العاب شوي ترفه عن نفسهاا
وعندها هواية الرسم والتلوين ..وكانت قبل فتره راسمه رسومات وتقولي حطيها ياماما بالمنتدى.. بس انشغلت وقلت فرصه الحين ..
قبل فتره كانت تطالبني بالوان معجون وفرش ..قلت لها اذا صرتي متفوقه بالمواد جبتها لك كامكافئه لك ..والحمدالله جابت نتيجه مرضيه واخذتها لها ولسه ماتعلمنا عليهاا ..
الساعه 2 غداها ..
طبعا انا معلمتها تكون معتمده على نفسها بقضاء اشغالها .. بعد ماتتغدا ترفع صحنها وتغسله ..
بعد صلاة العصر نستعين بالله ونبدأ بالمذاكره ..
يوم علي ويوم على ابووهاا ..
وقبل المغرب بشوي تكون خلصت مذاكره وحل واجبات ..
وتجهز شنطتها وترتب كتبها وبكره ان شاءالله عندهم احتفال بالمدرسه بمناسبة عودة الامير سلطان ..
وتجهز الشباصات اللي بتلبسهاا
وجبتها تكون الساعه 7 مساء بعد صلاة العشاء تكون مصليه وتتعشى بعدها على طول ..
طبعا يكون عشاء يا ساندوتشات او اكله تدفي ياعصيده تمر ..او خبز بر بالتمر ..او مصابيب بعسل وسمن ..الخ ..
مايجي الساعه 8 مساء الا وهي نايمه ..
..
طبعا انا مشدده جدا على ادائها لصلواتها في اوقاتها والمحافظه عليها ..
والحقيقه اني مابديت اشدد واهتم الا من سنه 2 ..
وهذا الجدول تبع الصلاه ..
الله يجزاها خير اللي سوته انا اخذته من عالم حواء وجدا فادني حتى بنتي صارت تهتم وتخاف اذا
ماتقنت صلاتها ..
وهذا جدول الصلاة وان شاءالله تستفيدون منه زي ما استفدت ..
اظغطو هنا
^
^
^
جدول متابعة الصلاة
وهذا موضوع لنفود نجد ربي يجزاها خير جداول للطفل مهمه وروعه ان شاءالله اطبقهاا..
جداول للطــــفل ^_^ ** للطباعه ** من تجميعي **
ختاما :
إن اصبت فمن الله وإن أخطأت فمن نفسي والشيطان ..
اتمنى عجبكم يومي البسيط مع بنتي .