اهليين بنات غسلت شعري من الصبار و جوز الهند و سويت حمام مغربي
بعد التليف حطيت خلطه حنا و سدر و كوكم جسم و ماء ورد
و بنات بسالكم عن خلطات صابون دوف تعرفون وشي
اشتهيت اجربها
و بس شعري فرقت عليه النعومه و كانه صار لين شوي يبيلي استمركل اسبوع و اشوف النتيجه
بنسبه للماسك شرايكم زبادي و زبده و عسل و بيض و مايونيز ؟

السلآم عليكم
صبآح العنآيه ^_^
يَ بنآت أنا من يوم الجمعه وأنا أرشّ ع شعري موية قهوه > مويه مو الحثال ،
يقولون توقّف التسآقط !!
مرّتين يومياً .. أغّرق شعري فيه .. وبعدها احط مسحه خفيفه من سيروم الفيف واغررررق الاطراف

اضطريت اليوم اغسل شعري ، واثناء الشَوَر حسيت بنعومه مو طبيعيّه > مادري من القهوه ولا السيروم خخخ
لكن صراحه بعد مانشف شعري كشش من القهوه :| 
بس السيروم عطى شعري لمععه حلوه $_$ ،

بس شرآيكم أستمر ع القهوه ولا :/ ؟  
احسها نشفت شعري بقوووه :"(

ولا السيروم شهادتي فيه مجرووووحه ، انصححححكم فيه ياحلوات
مررررررره خطييييييييييير ، يكفيكم انه بزيت الارغان $_$ 3>
وان شاءالله بشوف تجارب البنات ع كريم الفيف من نفس مجموعة السيروم مع اني واثقة بإذن ربي بيفيدني ؛)
لاني أدور ع كريم يناسبني :) .. شرايكم فيه حبوباتي ؟


سوزآن & anteanet .. بعطيكم رآبط موضوع بالر الجاي ان شاءالله ممكن يفيدكم ؛)

سوزي - antwanet

سمّوا بالله وأدخلوا هالموضوع :)
هي طريقة قديمه كآنو يستعملونها جداتنا ( ويااارب تطلع الصور ، لان الموضوع له سنه تقريباً )
 http://forum.hawaaworld.com/showthread.php?t=3260160

الان اشوف الرابط اختي خيال انثى
بنات ريحة البيض اشمها بشعري شنوالسوات مع اني غسلته بشامبو وبلسم وحطيت كريم

اختي ترى الماسك


شوفي عسل اذا كان شعرك جاف
قرتها بموضوع قبل شوي
واذا دهني نسيت شنو :(
اما مايونيز او بيض
لان مايوينيز اصلا بيض

لان اتذكر دكتورة وصفت لي حمام زيت وحطت لي خيارات
اما بيض
واما ماييونيز

الزبده حلوه بالشعر ماشفت عملت شي مو حلو يعني
اكثر شي ركزته ع الاطراف لان متقصفه وبموضوع كاتبين الاطراف تحطي زبده عليها

اهليين صبايا كيفكم وماشالله حماسنا حلووو
وان شالله على طول يارب ونشوف شعورنا من احسن مايكون يارب ....

صدقون بنات انا اول مااحب الشعر الطويل ولا احبه اطوله ودايم اقص شعرى لين عند الكتف عادة صارت عندى والعام في العيد قصيته فكتوريا وكانت مغامرة الصراحه ...

والحين ودى اطوله لين نص ضهرى على الاقل نفسى اشوف شعرى كذا بس خايفه مااقاوم واقصه لليلة العيد الان طول شعرى تقريبا مثل اللى باالصورة 11 ونص ماشالله ونفسى يطول اكثر بس ابصبر عليه واشوف وربنا كريم

اليوم المفروض حنه بس انشغلت ورحت السوق ولا امدانى بس ان شالله بحيل الله بكرة .....

اليوم بس صبارة حطيتها بعد المغرب وفركت شعرى فيها + تونك القراص لى ولبناتى والله يوفقنا جميعا