غرشوب رعبوب

ياحبنيلك والله كلماتك بكتني ونزلت دمعتي

لاني جد حسيت اني أغلط غلطات غبيه ومتحملني

وخفت اني أفقد هالنعمه اللي انا عايشه فيها

الله يخليك ولايحرمك الاجر وياليت يكون لك رد ثاني تنصحيني فيه اكثر

لان كلامك احس من جد فاهمتني وفاهمه اللي بيننا

دينا 22
يابعد قلبي انتي
والله كن كلامك وصلني

يكفيني مرورك يالغاليه ,,

عيوني دام خطيبك يحبك ويحترمك ويتحمل عشانك كل شيء .. لازم تتحمليه وتحطي على نفسك شويتين .. عشان المركب يسير .. ويواصل مسيرة .. بطريقتك راح تطفشيه .. في أمور كثيرة المفروض تتغاضين عنها .. مافيها شي لو كان مشغول شوي أو انه راد من الدوام وتعبان ويحتاج ينام ويرتاح ...

حبيبتي الزوجة هي اللي تغير من نفسها للتأقلم مع زوجها .. الرجل صعب يتغير عشان زوجته .. الطريق الأسهل له إنه يدور له على غيرها تريحة من غير كدر وتعب ... و الأشياء اللي مايحبها ابتعدي عنها قد ماتقدرين .. ولاتخربي عشك .. و الرجال شاريكِ .. إبدئي من نفسك .. وصلحي عيوبك .. ولاتدققي في كل شي ... ممكن تدققي .. في امور بس مو شرط كل شي تتوصلين له تخبرينه فيه ... ولا كل شي يزعلك تقولين له عليه ..


على فكرة اختي .. الزوج في بعض الأوقات يحتاج يشوف زوجته تثقل عليه .. مو انك تطنشيه لا بس شويه ثقل عشان تشوفين غلاج .. وتحسسينه بغلاج بالنسبه له .. ممكن انج ماتردين على التلفون من أول مرة يتصل فيها .. ولو سأل ليش وعشان ماتكوني كذبتي عليه تكوني تاركة التلفون في غرفة وانتِ في غرفة ثانية .. ولم يسأل ليش مارديتِ تقولين له .. و الله كنت تاركة التلفون في الغرفة و أنا كنت اسوي الشغلة الفلانية أو إني كنت بالغرفة الثانية .. ولسه شايفه المس كول .. أو لسه مخلصة وجيت للتلفون..
الله يوفقكم ويسعدكم ... ويخليكم لبعض ..

أم محمد

فديت قلبك أنااااا

والله بردودكم حسستوني اني انشالله بتغير

او بديت اتغير من هاللحظات

يارب أستمر

ادعولي ولاتحرموووووووني من ملاحظاتكم

وخذوا راحتكم وقولولي غلطاتي وعاتبوني عليها

والله اني ابغى احد يقولي انتي غلطتي لازم تتغيرين

راح اتقبلها بكل حب عشان اتغير

أولا : يجب احترام زوجك00 ( حتى مايقول تمونين علي ) امزحي واضحكي لكن لاتمونين بزيادة لأن لكل انسان طبيعته 0

ثانيا: عليك بالتناسي ثم التناسي ثم التناسي00
اختي تغاضي والي فات مات00وأي شي يصير لك مع زوجك (وهو الأهم) أو مع الناس تناسيه وارميه ورا ظهرك 0

انا اعاني من مشكلة التدقيق لكن الحمدلله شوي شوي وخلاص اتخلص منها00
ولاتقولين ماأقدر حطي في بالك دايم هدفك الأساسي 00انتي ليش تبي تتخلصين من هالصفات فيك ؟؟مو علشان حياتك وزوجك الي حبك واختارك وضحى بالكثير علشانك ؟؟

يعني الموضوع يستاهل00

حبيبتي عليك بالدعاء دايم وبالي قلت لك00ولا تنسيني من دعواتك00
الله يوفقك ويسعدك ياغالية00

عطر الليل

تسلمين ياروحي

بس يابناااااات إفهموني

لنا سنتين متعودين على مكالمات يومياااااااا

كيف تبغوني أقطعهااا فجأه

امانه فهموووووووني

اذا انا قدرت هو بيستغرب

مستحيل راح يفهم غير اني مليت او اتغلى وأثقل