*دوري* :
كلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه بارك الله فيك وجعله في ميزان حسناتككلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه...
*دوري* :
كلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه بارك الله فيك وجعله في ميزان حسناتككلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه...
*دوري* :
كلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه بارك الله فيك وجعله في ميزان حسناتككلام جميل جدا و واضح انه خارج من القلب ........ جزاك الله خير يا كلام العيون ...و ننتظر البقيه...
رجعنا من جديد
كيف تقدرين ترتبين حياتك وتعرفين
اللي لك واللي عليك؟
كل وحده فينا عندها افكار كثيرة ببالها ونوايا اكثر ..
بالتغيير والتحفيز .. ولكنها تولّ مع الأيام وتنسينها!
ليش؟
لأن العقل البشري ما يقدر يتحمل يخزن افكار كثيرة ..
بوقت واحد .. فيبدأ بالأهم ثم المهم ثم الذي يليه!
وقد تنوي الوحده انها تغير حياتها للأفضل .. فتنشغل بأبنها الرضيع مثلاً .. او بتوفير الراحه لزوجها ولعائلتها ... والأعمال اللي تلي بعضها البعض
(والعمر يخلص والشغل ما يخلص!) ...
ولا تنتهين منها الا قد فقدتي كل طاقتك على آخر الليل ...
وتتذكرين وقتها وتسألين نفسك !
كيف اقدر اغير من وضعي ووش الفايده!
دام للحين ما قدرت اغير ابسط شئ!
هذا حالي ماراح يتغير!
8
8
هالتفكير السلبي اهو اكبر عامل مثبط للعزيمة وقوة الأرادة ...
وهذي هي الصفات البشرية .. لأان الأنسان ملول وعجوول!
وانا اعترف بهالشئ ... :icon33:
ونبغى نستعجل الأمور دائما ..
وهذا اللي يخلينا ما نجيب اي نتيجة!!!
بدل لو اننا فكرنا شوي .. وبدأنا خطوة خطوة .. من الأبسط الى الاصعب واعطينا من وقتنا الكافي ومن صبرنا وطولة بالنا المفروض .. كنا غيرنا اشياء كثيرة!!
فلهالسبب:
الصبر ... وما ادراك ما الصبر.
انا اللي تعلمته من خبرتي المتواضعه بالحياة ..
ان كل شئ بهالدنيا اقدر احصل عليه بس بالصبر!!!!!!
وان اكبر عامل يقتل الشيطان
هو الأيمان بالله والتوكل عليه بكل الأحوال مهما ساءت الظروف ... والصبر اللي يسكر اي باب او مدخل لوساوس الشيطان ..
لأننا لو فكرنا بالمنطق ..
وش وظيفة الشيطان اعوذ بالله منه بهالدنيا؟
غير انه يحول حياة المؤمنين الى جحيم والعياذ بالله ..
وانه يآخذ اكبر عدد من البشر معه الى نار الخلد عسى الله يقينا منها
جميعا ً .. آمين
لأنه حاقد على آدم ونسله ..
لأنه انطرد من رحمة رب العالمين بسببه ...
فكروا معي هل تظنين ان عدوك اللدود قد يتمنى لك الخير؟
اكيد لا ؟؟!!!
طيب ليش نستمع للوساوس الشيطانية؟
ليش نخلي انفسنا فريسه سهلة
له! ليش ما نفكر بالأيجابية بدل السلبية؟؟ وهل التفكير بالسلبية بيغير شئ؟
لا تتوقع الوحده ان التفكير بالأسوء يهون المصائب بالعكس!
الا يزيد الطين بله ...
كيييف؟؟
لأن اذا قدر الله انه يصير شئ
لا سمح الله سوء لك او لغيرك تشائمك ماراح يغير شئ بالموضوع! يعني عشتي قبل المصيبة وبعدها وانتي بتشائم .. يعني نكد × نكد!
بعكس انك تفكرين بإيجابية وتتفائلين بالخير .. وهذا اللي قاله رسولنا الكريم عليه
الصلاة والسلام: (تفائلوا بالخير تجدوه)
عالأقل نعيش لحظة الحزن بلحظتها!
مو نعيش اغلب ايامنا في انتظارها!
.
نقطة مهمة اخرى:
ان مقاومة هالشئ (اقصد الوساوس – الحزن – الياس)
تحتاج شجاعة كبيرة .. وقوة إرادة
ولكل بني آدم قوة إرادة .. بإيدنا نقويها وبإيدنا نضعفها ..
زي الأختبارات!
اللي يدرس ويذاكر اكثر واغلب
ايامة مراجعة للي يحفظة .. مو زي اللي يدرس ساعتين قبل الأمتحان صح؟
طيب هالشئ يتطلب مجهود مننا وما انكر انه مجهود صعب ...
ولكنه مو مستحيل!!!!
وعندي طريقة تقدري فيها تبدأين
بتغير حياتك للأفضل بإذن الله:
اشتري لنفسك دفتر .. يعتبر مرجع لك من وقت لآخر ..
للتذكير !!
للتفائل ... !!
تكتبين فيه افكارك ووش اللي تبغين انه يتغير بحياتك؟
اكتبيها كنقاط بالأول .. واكتبي لكل نقطة صفحه خاصه وشلون تتعاملين مع المشكلة .. وهل لها حلول ام لا ...
قد تلقين مشاكل او صفحات مفتوحه
ولكن مصيرها راح تنحل مع الأيام بطريقة او بأخرى ...
فلهالسبب .. اتركيها وانتقلي للنقاط الأسهل تغيريها ..
زي الأمتحان ... لا تضيعين وقتك كله على سؤال صعب جدا ً وعندك اسئلة اخرى سهله وراح تساعدك انك تجمعين نقاط اكثر .. حتى تنجحين!!
اتركي السؤال الصعب وانتقلي للي بعده ... خلصي كل الأسئلة السهلة وحليها ... وارجعي بعدين بكل هدوء للأسئلة المعلقه والصعبه .. وحاولي باللي تقدرين عليه .... وبإذن الله راح تحلينها .. او عالأقل راح تلقين حلول مؤقته ... صح؟
وكل ما تعبتي ارجعي لهالدفتر .. واكتبي الأنجازات اللي فعلا ً قدرتي تغيرينها راح تسعدك كثير .. وتحسين فعلا ان مجهودك ماراح هدر .. وانه فيه نتائج اكثر من التذمر والشكوى ...
ونصيحة اخرى:
كل ما حسيتي انك في ضيق شديد
ويأس آسر .. وانك مو قادرة تستمرين ... هذا الحل راح يساعدك كثييييير 100%:
1-تعوذي من ابليس.
2-اكثري من الأستغفار.
3-اقرئ كتاب الله الكريم ففيه راحه للنفس ما يوازيها اي شئ بهالكون.
4- توضي وصلي ركعتين لوجه الله وتضرعي له واشكي له الحال.
5-ابكي , لا تحبسين الدموع اطلقي العنان لنفسك ولقلبك انه يعبر عن ما بداخله , ولا تتوقفي الا لما تحسين انه فعلا ً طلعتي كل ما بجوفك من آلم وتعب .
5-إلجئ الى أقرب انسان لك من بعد الله . وحاولي تشاركيه وجدانك ولكن مو بكآبة , يعني فضفضي عن اللي بقلبك حاولي تستمعين لنصائحه .. وكلامه اللي راح يرفع
معنوياتك ويخفف عليك ..
وبعدها غيري جو الحزن معه .. اضحك وابتسمي ... آخرتها موت!
وهونيها ترى والله تهون.