سلامووو عليكوو بنوتات
حبيت نتناقش اليوم معلومات اكتشفتها من قريب
ع كثر استخدامي لأرواج ماك ..
واللي لاحظته ان فيه
كذا نوع مو بس Matte (مطفي) - Shiny (بلمعه)
زي اللي متعارف عليه
يعني بأغلب الماركات تلقين روج عليه لمعه مو قليتر
لااااا زي القلوس ..
وفيه مطفي بالمره ...
واما بماك فلكل نوع مكتوب
عليه (والأكيد) انه فوق أسم الروج من تحت ...
والأنواع الموجودة ووصفها
برأي الشخصي:
Lustre = وهذا النوع روعه ... عليلمعه زي القلوس
ويرطب الشفايف بشششكل .. واللون يكون أخف بكثير من شكله ع الإيد .. يعني لما تشوفين
روج شوي من هالنوع مو فاتح كثير .. تأكدي انك لما تستخدميه راح يكون شبه شفاف ع
الشفايف!
وهالنوع حلو كثير
للوك الطبيعي .. والسمبل
.
Frost = وهذا النوع قريب من النوع
الأول Lustre بس بقليترات خفييييييفه وناعمه .. ولونه شوي اوضح
يعني ما يجيك زي القلوس ولا هو مطفي (matte)
يعني لما تجربينه ع ايدك
تقدرين تاخذين الدرجة زي ماهو واضح عندك .. لأنه ما يختلف
كثير على الإيد .. (للعجازين زي واللي مالهم خلق يجربون بالمحل!)
وهالنوع حلو للوك الغير رسمي
ولكن بنفس الوقت حابه يكون لك طله حلوه ... بدون لا يكون الميك آب قوي ..
ولا سمبل مره ...
وع فكرة يعطيك لمعه
كأنها معدنية .. فبعض الأرواج تعطيك انعكاس بين الروز والجولد!
.
Matte = طبعا ً كلنا نعرف هالنوع
المطفي من الأرواج واللون يكون واااضح تمام زيه
زي التجربة ع اليد .... اللهم بالدرجات الفاتحة ... تكون افتح من ع اليد
وهالنوع ثااااااااابت جدا ً
وتقدرين تستخدمين معه قلوس حسب رغبتك الشخصية
وعليه درجات ناعمة حلوة للوك الطبيعي ...
ودرجات قوية للسهرات
ولا تنفع إلا بهالمناسبات فقط ...
.
Amplified = هذا النوع واااااااااضح
جدا ً جدا ً جدا ً يعني زيه زي ع الايد .. يعني لما تشوفين
الدرجة ع ايدك وتجربيها بنفسك راح يعطيك نفس وضوح اللون (متشبع باللون)
لدرجة انك احيانا تاخذين
درجات قد تكون شوي فاتحه وتكون ع الشفايف شوي فاقعه
لهالسبب هالنوع لازم الوحده تجربها ع الشفايف مباشرة ً حتى تتأكد من مناسبته لها ...
وهو كريمي مررره ...
والحلو فيه انك تاخذين
الألوان القوية اللي مو فاتحه ولا غامقة جدا ً ..
الوسط .. زي الروج المشهور خخخ : Girl About Town
لأنه راح يعطيك نفس الدرجة
اللي تشوفينها بالروج وتجربينها ع اليد ... (^_^)
.
Satin = هذا النوع يشبه الـ Matte
مطفي ولونه واضح ولكنه مو بنفس درجة المات وقد يختلف
عن تجربته بالإيد يعني لو تجربه الوحده ع الشفايف مباشرة ً احسن ...
.
Glaze = بصراحه هالنوع ما حصل
اني جربته .. ولكن ان شاء الله البنات راح يفيدونا
ولكن اللي اقدر اقوله عنه انه يميل للقلوس اكثر من انه روج ... نسيت لا اذكره
وذكرتني فيه عضوه الله يجزاها كل خير ...
وان شاء الله هاليومين
اذا لقيت فرصة راح اجربه ...
هذولا الأنواع اللي لاحظتهم
وميزة كل نوع .. وبالنسبة لي للوك الطبيعي والسمبل ...
احسنهم الـ Lustre
لأنه ما بين الروج والقلوس ...
اتمنى اني قدرت افيدكم ولو شوي
وحابه اننا نتبادل النقاشات والملاحظات بهالمعلومات ....
انتظر تعقيبكم الطيب ...
.
(ملاحظة: هذا الموضوع من مجهودي الشخصي
اي وحده تنقله لا تنسي تذكر مصدره)
وجزاك الله خير