كيفكم .. اخبااركم ..
واخباار رمضان معاكم ..
مراح اطول عليكم وراح ادخل بالموضوع ..
مرة كنت اسولف انا وحدة من قريباتي
بعدة مواضيع المهم..
جلست تكلمني عن وحدة من صديقاتها
تقول صارت مشكلة كبيرة بينها وبين زوجها
و مشاكلهم ماتخلص لكن هالمرة اخذا اغرضها وعيالها وراحت لبيت اهلها
وطبعا هو المخطي ..
وكانت تقول دائما هو اللي يخطي علي ومع كذا اتحملة وانا اللي اجي اعتذر له
وهو من الناس اللي مايعترف بخطئة ابدا ومستحيل يعتذر ..
لكن هالمرة قالت مراح اسكت لو على طلاقي منة المهم راحت لبيت اهلها
وجلست مدة عندهم ولا حكاها ولا فكر يراضيها
وطبعا اهلها ضاقت صدورهم من وضعها وهي كمان حست بهالشي
وتقول نفسيتي تعبت انتظر كل يوم متى يجي يراضيني
او يكلم عيالي لكن مافي فايدة
وبعد فترة تقول اني رحت لسوق مع امي اشتري لي اغراض
وكان في وقت العصر و الجو مرررة حر
وبعد ماشتريت اغراضي جلست وكان قدامي عامل نظافة
وشكلة هلكان من الحر والتعب
المهم تقول شريت عصير برتقال بارد
وعطيتة اياه بنية انها تنحل مشكلتي
تقول يوم صار من بكرى سبحاااان الله
جاء زوجي لبيت اهلي راضاني واعتذر لي ورجعت معة
والسبب بعد الله هالريال اللي اشتريت فية العصير
ولاتنسون كمان غير الصدقة الدعاء والاستغفار وصلاة الليل
ومافية مشكلة الا ولها حل
ومهما بلغت المصائب فيجب أن لا تهتز ثقتنا بالله عز وجل
وهذي بعض الاحاديث القدسية تبن مدى محبت ورحمت الله تعالى بنا ..
عن رب العزة ... قال : ( أنا عند ظن عبدى بى ؛ فليظن بى ماشاء.)
عن رب العزة .. قال : ( ياابن آدم ، انك مادعوتنى ورجوتنى غفرت لك على ماكان فيك..
ولو أتيتنى بملء الأرض خطايا أتيتك بملء الأرض مغفرة مالم تشرك بى ]...
ولو بلغت خطاياك عنان السماء ثم استغفرتنى ، لغفرت لك)
عن رب العزة ... قال : ( ماغضبت على أحد غضبى على عبد أتى معصية فتعاظمها
فى جنب عفوى.. فلو كنت معجلا العقوبة أو كانت العجلة من شأنى
لعجلتها للقانطين من رحمتى ...ولو لم أرحم عبادى الا من خوفهم من
الوقوف بين يدى ؛ لشكرت ذلك لهم ،وجعلت ثوابهم منه الأمن لما خافوا . )
عن رب العزة .. قال : ( أنا الرحمن ، خلقت الرحم ، وشققت لها اسما من اسمى ..
فمن وصلها وصلته ، ومن قطعها قطعته ، ومن ثبتها ثبته ..ان رحمتى سبقت غضبى .)
عن رب العزة ... قال : ( من شغله ذكرى عن مسألتى ؛ أعطيته أفضل ما أعطيت السائلين .)
سبحااااااانه يستحي أن يرد عبده خائباً إذا سأله
قال رسول الله " إن ربكم تبارك وتعالى حيي كريم يستحي من عبده
إذا رفع يديه إليه أن يردهما صفراً " صحيح الترمذي ..
كيف لا وهو من كتب الرحمة على نفسة
هذا وصلى الله وسلم على نبينا محمد عليه افضل الصلاه واتم التسليم ..
وسبحانك اللهم وبحد لا اله الا انت استغفرك واتوب إليك,..
彡جولييت彡
يكفي الراحه النفسيه وقلبك منشرح بالايماااااااااااااااااااااااااان ..
يا رب لاتحرمنا