لولاتو2002 :

حطيت التايد على حسب كميه الغسيل. حطيت الكومفورت في علبه خاصه ورميتها في الغساله علشان مايمدني أفتكر أحطه قبل الشطفه الأخيره. وطبعاً أكون مقسم الغسيل على مجموعات الأبيض والملون الفاتح والملون الغامق علشان مايفسخ وينعدم عليا .. ولو كان الغسيل الأبيض وسخ وفيه بقع أستخدم نوع جديد من الكلوركس الأبيض خاص للمناشف وأستخدمه للأبيض يعقمه وينظف البقع ومافيه ريحه قويه تقعد في الغسيل ومره جينتل على الغسيل مايشحبه ولا يفسخ لونه ولا حتى يهريه أو يخرقه بالذات الملابس الداخليه ومشاء الله معاه مايحتاج تزهري الملابس البيضاء المصفره ولنفس الأسباب أستخدم الكلوركس الملون مع الغسيل الملون بإضافه إلى ثبات اللون وعدم بهتانه. وشغلت الغساله . حطيت الغسيل. بعد ما خلصت الغساله شلت الغسيل وحطيته في النشافه علشان ينشف. وأستخدمت ورق معطر خاص للنشافه ينعم الغسيل وينعش ريحته. عايرت النشافه على حسب الوقت ودرجه حراره الي ابغاه للغسيل. ولما خلصت النشافه من تنشيف الغسيل مشاء الله ندر حار ومايحتاج لكوي وطبقته. ملاحظه:أنتبهو على كل لبس ورقه صغيره مكتوب عليها طريقه غسيلها أو كويها ومحددين معيار ودرجه حراره الغسيل بالغساله أو باليد وتلاقي على غطى الغساله من جوه لماتفتحيها معايير وطريقه غسيل أنواع الملابس وطريقه إزاله البقع بالصور و أنتبهوا علشان ماينعدم الغسيل عليكم. وأتسحرنا بالعافيه. ساوى جوزي مع أصحابه مندي في حفره وأتسحرنا منه ومره كان لذيذ. وتابعوني بكره أن شاء الله في مفاجأه.

حطيت التايد على حسب كميه الغسيل. حطيت الكومفورت في علبه خاصه ورميتها في الغساله علشان مايمدني...

أم الذرابة :

السلام عليكم ورحمة الله وبركاته ماشاء الله..لاقوة الابالله الحمد لله الذي اطعمنا وسقانا من لاحول ولاقوة اليوم الرابع من رمضان ربي يعوده علينا اعواما عديده اللي صار يابنات اليوم أني صحيت مع أذان الظهر الله يغفر لي فاتتني صلاة الضحى كنت تعبانه وراحت علي نومه بعد صلاة الفجر والحمد لله اني صليت الفجر وقريت أذكاري اليوميه المهم صحيت الظهر مع اذان الظهر توضيت وصليت الظهر رحت المطبخ لقيت الشغاله سوت الصالونه فتحت النت قعدت افرفر شوي دخل بومحمد هااا شنوبخاطرك اليوم قال يبي رز قلت اسوي له رز ابيض مع الصالونه صحت البنت هاااشنو تبين للفطور قالت ثريد بس قلت لها انتي سوي الشوربه وبعدين انا ادخل المطبخ بنتي سوت شوربه سمج ( يريور) ناعوظ بس ياسلام ولاشوربه المطاعم وانا بعد ماصليت العصر سويت بيتزا الكيري لفنون نجد وعجنت عجينة دفئ الليل وشكلتها الشغالات سو السلطه وجهزوا العصير وكل شي يخص السفره سويت حلى في العلب بس من راسي وسويت فالوده ( الماسيه ) بالحليب وعصير الورد طلعت من المطبخ والباقي على الشغالات انا بوريكم الشغلات اللي سويتها بس السفره ماصورتها هذي حلى العلب شي زينته بسويس رول الكيك وشي زينته ببسكوت اوريو مطحون وهذي الألماسيه وهذي بيتزا الكيري لفنون نجد تسلمين يالغاليه وهذي عجينة دفئ الليل ماشاء الله عجينه عجيبه وناعمه وقطنيه تسلم ايدينها يارب وهذي باللبنه وصبيت عليها عسل بعد مااستوت وهذي كرسون شوفوا اشلون طري وهذي فطاير حشيتها جبن كيري واللي تشوفونها كأنها قنفذ حشيتها سجق بعد الفطور صليت المغرب وتقهويت مع بومحمد وبنتي وقال بيروح بيت بنتي تروحين معاي قبل زحمة الشوارع قلت لاابي اقوم اسبح عشان اصلي العشاء والتراويح وأقرا قران راح الله يحفظه ورسلت معاه شوية فطاير لبنتي الله يسهل عليها يارب قلت انزل لكم يومياتي وأقوم أصلي وأشوف متى يحصل لي ادخل عالمي الثاني ومع ألف سلامه دعواتكم يالغاليات ربي يتقبل منا ومنكم صالح الأعمال

السلام عليكم ورحمة الله وبركاته ماشاء الله..لاقوة الابالله الحمد لله الذي اطعمنا وسقانا من...