امبارك عليكم الشهر بالنسبه لي فأنا قي غربه وحايسه في هالغربه(الأخت في جده)الحين الدنيا تمطر عندنا بس الرطوبه زادت شوي مع هالمطر وحتى مكه والطائف امس امطرت عليهم

عندي مشكله مالقيت عجينة غوارعيالي يحبونها لفيت جده كلها مافي فايده بالاخير شريت سبرنغ رول بديل المطبق وشرائح السنبله بديل شرائح غوار كان ودي بعجينة الفت اجربها بس ما ادري وين احصلها بنات جده راسلتهم وماردولي:mad:

حنا ساكنين شقه مفروشه موقعها حلو على الكورنيش بس الفرن الي فيها صغير ومن تحت بس يعني مافيها شوايه للتحمير ولي اسبوع اسوي بروفا على الأطباق الي تمشي بون تحمير من ضمن الإختراعات سويت قبل رمضان لزانيا ولما استوت واتحمرت من تحت حميت صينية تيفال وقلبت عليها الصينيه الأولى بدون ماتنكب بس تظغط عليها ودخلتها الفرن لين تحمرت
ودي اروح لتافولا الي بالتحليه عشان اشتري روتشرز حق التحمير >>مدري اسمه صح سعره ب149كنت بأخذه من فرع الثلاثين في الرياض وهونت يوم جيت احاسب عليه طلع ماعنده شبكه مير اتعيجز اروح الصراف والحين حسيت بقيمته

اليوم سويت شوربة كويكر وبيتزا وكنافه وتارت طريقة حورية المطبخ اموت على طبخها وسويت جيب التاجر وسمبوسه بحشوة البيض المسلوق والجبن كرفت المغموسه بالبن والدقيق وسويت اصابع العوسه المغموسه بالزبده والقرفه والسكر البني ومغطيه بالنستله والكيري وشاورما دجاج بشرائح السبرنغ رول وبشواية الساندويش وقطايف بثلاث حشوات جوز وجبن والثالث قيمر وكلهم أشويهم بالفرن بدون قلي

اليوم أنقهرت تخيلو بالمطبخ من الظهر إلى الساعه 9 والسبب هالرسبيشن حق الشقق اليوم جاء يشوف الفرن وكان المطبخ مليان على االطاولات البيتزا والقطايف والشوربه على النار والشاورما كلهن قدامه عاد انا كنت ناويه ارسلهم تحت من كل نوع بس ماأمداني حوسه أذن وأنا ماحشيت التارت ولا شويت الشاورما قالي رجلي بكره ارسليلهم وأثرعيالي ماشاء الله خلصو معظم األأشياء قمت من صحاحتي واسوي عجينة قطايف واصبب من جديد واحشيها وادخلها الفرن وسويت كنافه وبرضو دخلتها الفرن وشويت كم حبة شورما بالشوايه وحشيت كم حبة تارت بالباتسييري واصفهم في صينيه واقول لولدي نزلهم ويعيي قلت حرام عليك تعبت عليهم قال خلاص افطرو قلت ياكلونه سحور يوم نزلهم بالأصنصير واتنفس واطيح مير ايرجعهم قلت ليش قال إنه يقول خلاص فطرنا مش عاوزين!!! أهب كان عطاهن العمال
المشكله إن كانه يحسبهن فضله

هلا ام الذرابه يامحاسن الصدف صار ردي تحتس حسافه ليتني جيت للبحرين كان اصرف على الأقل احمر الفطائر عندتس:42:

السلام عليكم ورحمة الله وبركاته .
مبارك عليكم الشهر .
بلنسبه لى كل سنه اول يوم يكون عند اهلى .
بس السنه هذى قال ابو الشباب نبغى نفطر فى البيت وبكره ان شاء الله عند اهلى .
صحيت على الساعه 12 توظيت وبدات اقراء قران الى صلاة الظهر.
ثم دخلت المطبخ اجهز للفطور سويت الشربه باللحم سمبوسك بالجبن شاورمه فتوش
فول صينية مكرونه بالقشطه والحلى لقيمات القاضى .
بعد ما افطرنا وصلينا المغرب دخلت النت الى ان اذان العشاء
قمت وصليت العشاء مع التراويح .
بعد التراويح جاء ابو الشباب وحطيت العشاء وتعشينا بعدين رجعت للنت مره ثانيه .
طبعا احنا نتعشى فقط يعنى ما فى سحور .
قريب الفجر نصحى ونشرب ماء ثم اتوضاء واصلى الفجر وارجع انا م .
وان شاء الله بكره بسويى صنيه حلى مع بيتزا وبفطر عند اهلى .
وكل عام وانتم بخير.
ياهلا بام الذرابه مع انك من دوله وان من دوله بس والله انى احبك فى الله .
واتابع كل موضيعك .
مشكوررررره لصاحبة الموضوع .

مبارك عليكم الشهر الفضيل
رمضان السنة الماضية ولدت في ثاني يوم
بس السنة رح اعوض باذن الله
صحينا الساعة 4 واتسحرنا وصلينا الفجر
ثاني يوم صليت الظهر ودخلت المطبخ طبخت منسف اللحم وشراب قمر الدين
ثم جليت ورتبت المنزل
ثم قرئت جزء من القران وصليت العصر
استلقيت قليلا واذ بابو الشباب قادم
غسلت سجادة المطبخ وكل عام وانتو بخير

اهليييييييين صبايا

بالنسبة إلي مبارح زي ما حكيتلكم كان فطوري فبيت حماي

رجعت عالبيت بعد صلاة العشا ,, صليت و رتبت البيت و غسلت لحد ما اجا باب الحارة حدرتو و قرأت قرآن و نمت استنى جوزي عشان اعملو سحور

قبل ما أنام نقعت فاصوليا بيضة و طلت كيس لحمة عشان اعملها اليوم

ان شاء الـله بس ارجع عالبيت بكملكم يومياتي لئني هلأ بالشغل

بس يأدن الضهر بتوضى و بصلي و بقرأ قرآن لئني مبارح الـله يسامحني ما قرأت كتير

دمتم في حفظ الرحمن ...