الله يطمنك عليه ويشفية ويقر عينك فيه هو واخواته ويرزقك برهم يارب



انا والده طبيعي وقيصري والله القيصري بالنسبة لي ارحم مية مرة من الطبيعي انا اتعذب في الغرز من تحت وماقدر اجلس ولا اتحرك ولا امد رجلي في النوم يعني عذاب ومرة في بكري اتفكت الغرز واتعذبت ومارضيوا يسووها لي مرة ثانية قالوا تلتئم بعدين ولمت بس الشكل كان مشوه وفي ولادتي الثانيه كانت دكتورة بنت حلال وسوت لي خياطة تجميليه من تحت ظبطت مكان الخياطة اول بس الغرز كانت كثير وواصله للفخذ جلست لين شهرين على بال مالتئمت تمام ورجع المكان لوضعه صح بس في العملية ولدت مرتين قيصري اللهم لك الحمد والشكر صح بعد مافوق من العمليه احس كاني مضروبة على بطني بس مع المسكنات والحركة الالم يخف بشكل كبير ماتتخيلي كيف وكل ماتحركت حسيت ان مافيني شي اللهم لك الحمد




تري كلام الحريم صحيح يودي في داهيه انا بكريتي كنت اسمع انه الموت وشي لا يحتمل ويوم جاني الطلق كان الم مثل الم الدورة بس يشد فيني على تحت مع الم بالظهر وكان غريب بالنسبة لي وامي كانت عندي واخت زوجي واقولهم ان فيني وجع ويقولون لي كيف واوصف لهم ويقولون لا هذي تفاسير لو طلق ماتقدرين تجلسين وجلسوا يهولون لي وراحوا من عندي المغرب وانا بعد المغرب جاني نوم واحط راسي والا الوجع يقرصني يصحيني من النوم وانا اقول ياربي وش ذا وارجع انام الين الساعه اثنين بالليل الا ونزل علي دم خفيف خفت ساعتها واخلي زوجي يوديني المستشفى يوم فحصوني قالوا ولادة والرحم مفتوح اربع صانتي وانا يجيني ذاك الخوف من الكلام اللي سمعته من الحريم واطق بذاك الصوت صياح وبكا ويجوني فيك وجع اقولهم خايفه يهدوني ويروحون وانا اصيح اخر شي قالت الدكتورة اخمدوها بمسكن علشان نرتاح من صياحها هي مابتولد الا الصبح وبالفعل نيموني واصحى على تسعه الصباح على الطلق صح وماجات الساعه عشرة الا انا والدة بالسلامة وبنوتتي بجنبي ومو داريه عنها ونايمه وخيطتني الدكتوره وانا نايمة وبعدها صحتني قالت ليت كل الحريم مثلك نشتغل وهم نايمات والله قلت لها من الابرة اللي صقعتوني فيها بس جد كانت تجربة حلوه وتعلمت من بعدها ماسمع كلام احد



بالعكس يامسك انا والده ثلاثه طبيعي واثنين قيصري انا احبهم طبعا كلهم بس اللي في القيصري احس حبي وخوفي عليهم غير تري موشرط الله يحفظهم كلهم ويصلحهم ويهديهم يارب


هههههه ضحكتيني لا تفكرين مثل ماقلت لك وربي بيسهلها عليك وبعدين تتذكرين لو مثل ماسمعتي الحريم كيف يحكون كان ماعاد حملت واحده بس الحريم دايم يهولون الامور



لا يامسك جدتك صادقه لانهم مو مثلنا الواحده حركة وروحة وجية ماتحسين انها حامل
انا خالتي كذا ولدت في البيت مع ان معاها ام زوجها والله مادرت عنها الا يوم فتحت الباب ومدت لها بالنونو وقالت لها اانا ولدت بالسلامه وزعلت منها انها مانادتها تساعدها وجلست فترة ماتكلمها ...
قالت لها خالتي مافيني الا العافيه وابغى اولد براحتي وانا اعرف اقوم بنفسي وماحبيت اتعبك معايه .. الحمدلله مافيني شي شوفيني انا وبنتي بخير.

سبحانك اللهم وبحمدك اشهد ان لا اله غيرك استغفرك واتوب اليك
كفارة المجلس

مسك دآيمممم تصير معي خصوصا بالسور سبحان الله
سمي يوسف طيب , احلى من تركي
ماتدرين يمكن مكتوب تسميه يوسف

~

آشلي ههههههههههههه
عادي عادي
حنا نحمل ونتعب وهم يجون بارد مبرد يسمون
نآصر حلوو والله مو قديم وعادي , ولد خالي له سنتين واسمه ناصر ويدنننن ماشالله , لايق عليه الاسم وعلى شيطانته

الله يقر عيينك بشوفته انتي وزوجك يارب

رحتو للتجمع الجديد ولا لساتكم

لا لسه ننتظر قص الشريط من اختنا نور عيني موصيتنا هي ننتظر ههههه