دانة

الله يصبرك ويعوضك خير

ماتياسي اختي اناولدي توفي وعمرو سنة و6 اشهر

وساعتها فكرت الدنيا سكرت قدامي وشوفيني الحين الحمدلله الله عوضني اول ببنت وبعدين تؤام ماشاءالله

الله كريم

انا لله وانا اليه راجعون
لا حول ولا قوة الا بالله
والله اني بكيت بس شفت ردك
ان شاء الله بكونو طيور في الجنه ويستقبلوكي يا رب بعد عمر طويل
الله يعوضك بتوام
بنتين وولدين
عاجل غير اجل
والله ما بيعرف الواحد شو الخيرة اله
واتذكري انو الله ارحم منا بنفسنا
وهو ارحم فيهم منك انتي امهم
ما رح قولك لا تحزني فالرسول صلى الله عليه وسلم قال ان العين لتدمع وان القلب ليحزن وانا على فراقك يا ابراهيم لمحزونون
وهو قدوتنا في الحياة
واعظم رجل في العالم
والله ابتلاه بفقد ابناءه
واتذكري انو هي الابتلاءات ما هي الا تكفير ذنوب ان شاء الله
ورفع مرتبة في الاخرة
نحن اخواتك هون
خليكي بينا ازا بتحسي بالتخفيف عنك
وثقي واحسني الظن بالله
انو الله رح يعوضك عاجل غير اجل

والله انك سادقة فعلا الحمل بتعبو كان دلع هههههههههه
هلا بس اتزكر كيف كنت حس انو قمة التعب وبحس هلا كيف التعب على اصولو بصير اضحك
امومة رح انصحك باللي فادني حسيته
انا ما عندي شغالة ومافي حدا يساعد
ومن اول نفاسي وانا ببيتي
يعني اهلي اول اسبوعين بالنفاس ساعدوني انو يحملوهم وهيك
لكن شغل البيت والضيوف وكل شي كان عليي
لانو والدتي صعب تشتغل
واختي عندها اشغالها
وزوجي طبعا ساعدني كمان اولها لكن بالنهاية عندو شغله
وطبعا بعد اسبوعين خفت كتير زياراتهم وصارو يجو كل اسبوعين مر
ووصلت لمرحلة من االضغط النفسي اني بطلت اقدر نام
وحس اعصابي تعبانة ومتل ما قلتي مو قادرة سيطر على حالي ولا عارفة استرخي
لكن بنصحك اول شي
تستهدي بالله
واتزكري انو هي مو المهمة المستحيلة
وانو تعبهم حلو
اول الشي ابدأي انو
حاولي تطلعي طلعه حلوة تنبسطي فيها وترفهي عن حالك حتى لو مع زوجك واطفالك
يعني خدي عرباية وروحي مطعم وغيري جو
ولو قدرتي تتركيهم عند زوجك لو ساعتين
وتروحي مع صاحبة الك وتغيري جو كمان بكون احسن
يعني اطلعي من الجو اللي انتي فيه
بعدين رتبي امور بيتك شوي شوي
يعني لو اخدو غفوة بالنهار لو ساعه
ساوي البيت بسرعة
لو بس الوجه وترتيب عام
واستغلي غفواتهم بالنهار لحد ما تخلصي من بيتك والغسيل وكل شي
لانو طول ما بيتك عايم
رح تحسي اعصابك متوترة بزيادة وما رح تقدري تسترخي
ثانيا جيبليهم القفص اللي بينحط فيه البيبي
وخليه معك وقت شغلك لو كانو صاحيين وحطيلهم شي يتسلو فيه
انا بناتي لانو لسا صغار حاطتهم بالسلات تبعهم وبخليهم ينتقلو معي بالبيت
مشان ما اقلق عليهم حتى لو نايمين
وبالنسبة للطبخ اطبخي طبخات سريعة
وما تخلي المطبخ يتوسخ وانتي تبشتغلي يعني رتبي بسرعة اول باول
صح الطبخة رح تاخد معك من اولادك بدال الساعه 4 ساعات :hahaha:
بس ولا البلاش يعني
وفي شغله مهمة

بالنسبة لزوجك ما تبينيلو تعصيبك
وتفشي خلقك فيه :hahaha:
يعني حاولي انك لما يجي تروقي اعصابك وتسترخي شوي معو
حتى لو عصبتي منو
لانو هو الوحيد اللي ممكن يساعدك نفيسيا
يعني احكيلو شوية كلام حلو حتى لو مو من نفسك :hahaha:

لسبب واحد
مشان تحسي انك مستقرة منزليا بعد ترتيب بيتك
ونفسيا مع زوجك
وبقي بس التعب الاطفال
اما لما يكون بيتك متدمر وزوجك متوترة اعصابكم بين بعض من الاطفال
وصراخ وبكا وتعب

بتحسي فعلا انهرتي نفسيا

والشغلة التالتة
انو حاولي تنظمي نومهم لو لسا ما انتظم
لانو بسمع بعد فترة ال 3 اشهر اللي هي فترة المغعص
مفروض خلص تنظمي نومهم غصب عنهم

انا رح احكيلك اللي بسمعو لانو لسا ما مريت بهي المرحلة
لسا بناتي 3 اشهر ونص
لكن اللي بسمعو
انو لازم تشبعيهم
وانو الطفل اللي بلش بالاكل خلص صار لازم ينام اقل شي 8 ساعات بالليل
لانو لو ما نام هيك معناها ما شبع
يعني خاصة بالليل بلشي من الساعه 9 ما ينامو نهائي
وغيريلهم وحفضيهم
وعلى ال 11 خففي الاضواء

واعطيهم رضعه مشبعة وهيك
وسكري الضو خلص
حتى لو بكيو اتفقديهم شوفي ليه
واللي علمتني هي الطريقة وكتير من اللي بسمعهم بقولولي انو الطفل سريع التعود يعني اسبوع بالكتير بتتعبي وبعدها بترتاحي
انا بعمل هيك لبناتي هلا بس مو دايما بتزبط معي لانو احيانا بكونو ممغوصين
وطبعا لو نامو مو اكتر من 4 ساعات وغالبا هلا 3 ساعات لانو هاد الطبيعي بعمرهم
وانا بالنسبة الي هاد قمة :hahaha:
لانو اجت عليي ايام لا ليل ولا نهار نام :icon33:
كمان في شغله لو هم كتير ببكو من غير سبب
اتاكدي انو الاكل مو مسببلهم مغص
واتاكدي عند الدكتور انو مافي التهاب اذن
انا مرت على بنتي فترة تبكي 6 او 7 ساعات متواصل وهيك نقنقه وبس بدها احملها بطريقة معينة
والكل يحكيلي شو هالدلع وما تردي عليها
وصرت ما احمل اختها نهائي بس بدي التانية تسكت
لما وصلت انو صار بكاها متواصل
يعني 6 ايام ضلت هيك
باليوم السادس لما صارت تبكي دون توقف وبشكل بخوف
فورا اخدتها على الدكتور
وطلع معها التهاب ادن
ويا حبيبتي طلعت من البداية بتبكي منها ومرتاحة بوقفة معينة تريح ادنها :icon33:
وندمت اني سمعت كلام الناس اللي بقولو دلع وطنشيها
وقالي الدكتور الاطفال بعمرهم ما ببكو من غير سبب
مافي دلع هلا بعمرهم
ومن يومها لما حسهم ببكو من غير سبب
فورا بتفقد جسمهم وبعطيهم دوا مغص احتياط
او تحميلة ادول
لو هديو معناها في شي موجعهم لحتى ببكو


في شغله تانية
كمان لو لسا بصدرك حليب بيعملك توتر اعصاب
لانو معروف الام اللي عندها حليب وما رضعت بتتوتر
فلو ما بترضعي خدي دواء ينشف الحليب
بترتاح اعصابك شوي
وخدي يانسون كمان واسترخي
واستهدي بالله
وتوكلي على الله
وما تقلقي حالك
انا بعرف اني كترت حكي كتير
بس والله حبيت فيدك وفيد اي وحدة تقرا كلامي
بركي تستفيدي من اي شي بحكي
ولو تزكرت شي برجع بحكيلك ياه
<<<<< لا تتزكري ارجوكي :hahaha:

وعنجد اي سؤال
او هيك حاسه نفسيتك تعبانة انا موجودة احكي ما تترددي

دانا
عظم الله اجرك واحسن الله عزاك
اسال الله ان يعوضك خييييييييير كثير بالدنيا والاخره

دانه عظم أجرك وأسال الله أن يرزقك بيت الحمد .. والله العبره خنقتني .. ربي يعوضك عن ضناكي وبالجنه ويستقبلوكي مثل الطيور .. الله يرزقك بالصبيان والبنات اللي يعوضنك عن مريم وفاطمه يارب ياكريم ..