الأمومة الرائعة :

انا ايضا عيالي كملوا ٧شهور ودخلوا بالثامن ولا ينقلبون. ولا سننوا مدري فيه مشكلة ولاطبيعي. وانا جبتهم نهاية الثامن نفسك .... عبوقة زوجي يعرف انه مستحيل اتركهم عند احد ,, صعبة صراحة ,, لأنه مايعرف للطفل غير امه وزيادة مافي شخص متفرغ لطفلين. العالم مشغولة بحالها. خبروه. والله حاسة فيك. انا نفسك وترا ماتركت الحديد والكاليوم الا قريب والحين استعمل ديناميزان .. حبوب فيتامين. لان الاكل زفت والتغذية سيئة. قلت اعوضها لو بحبوب. ومع ذلك انسى اخذها كثييير. والله يعين وتلاقينك ماتاكلين كويس ,,انا كنت كذا ,,انسى آكل ,, مع ان الثلاجة مليانة ويخرب الي فيها وانا مافضيت افتحها وآخذ لي شي مفيد خاصة الزبادي والخضار والفواكة. وعلى قولتك الناس مستحيل تتفهم هذا الوضع الا المجرب وخاصة الي مجرب التوائم بدون شغالة او مساعدة طبعا المغص وتقطع النوم بيطول شوي. ,, بس انتي حافظي على هدوئك الداخلي ولا تعصبين عليهم اهم شي ,, انا عيالي تعبوني في النوم وشوفيهم دخلوا الثامن و توي احس الحمدلله انهم احسن الحين ,, وبعض الاطفال من السادس يتحسن نومهم ,, اهم شي عوديهم تنومينهم وقت محدد كل ليلة سوا. عشان مايقوم واحد والثاني سهران ويسوونها مناوبة عليك وحاولي تاخذين محطة راحة لو سريعة ,, كاس كابتشينو برواقة ,, بانيو دافي ,, مساج لو لقيتي احد يهمزك ,, وكلها ايام ان شاء الله وتصير هالمتاعب ذكريات وراح تتعجبين من قوةصبرك ,, ولاتنسين قبل النوم سبحان الله ٣٣ والحمدلله٣٣ والله اكبر ٣٤. هذي خير لك من خادم ربي يعينك ويسهل امرك ياارب وكل ام خاصة امهات القروب ,, واذا حسيتي بضيقة توضي وصلي ركعتين وادعي ربي يعينك ويقويك. وطلعي كل البكاء الي في قلبك. ترا اكثر شي يضيق صدورنا احساسنا اننا ماراح نتحمل اكثر وان المسؤولية اكبر من طاقتنا ,, لكن هذا تفكير خاطي يجي بسبب الضغوط ,, لان ربي هو الي اختار لنا هالمهمة وربي اعلم بطاقتنا وهو سبحانه لا يكلف نفسا الا وسعها. ,,, ودايم تعالي فضفضي هنا. انا كنت انهار ولما اكتب هنا القى ردود مريحة وتزيدني,قوة. الله يجزاهم خير البنات مايقصرون ,,, فديتهم وكتاكيتهم ياناس ,, تحياتي وحبي للجميع هنا بلا استثناء. احبكم ,,,

انا ايضا عيالي كملوا ٧شهور ودخلوا بالثامن ولا ينقلبون. ولا سننوا مدري فيه مشكلة ولاطبيعي. وانا...